Read luganda 2 Maṅtše̱me̱i 11 Bible Online

2 Maṅtše̱me̱i 11 - luganda bible

2 Maṅtše̱me̱i 11

¹Ši beni *Ahazia nye Atalia na ake̱ †ebi le̱ egbo le̱, ete ši ni ekpãtã maṅtše̱ sešibii le̱ fẽ able. [86]

²Ši Iehošeba, maṅtše̱ Ioram biyō ní dši Ahazia nyemiyō le̱, ṅõ Ioaš, Ahazia bi le̱, ni edšule̱ ke̱-dše̱ maṅtše̱bii le̱ ní abagbe le̱ ateṅ ke̱ efufo̱hãlo̱ le̱ fẽ ni eke̱ame̱ yawo sāi atšũ le̱ṅ. Ni ame̱ṅõle̱ ame̱tē Atalia, ni agbeele̱.

³Ni eke̱le̱ yatë ye̱ Iehowa we le̱ afii ekpa. Ni Atalia ye maṅnye ye̱ šikpoṅ le no̱.

⁴Ši afi ni dši kpawo le̱ no̱ le̱ Iehoiada tšũ ate ni ayaṅõ Karifoi le̱ ke̱ bulo̱i le̱ mei ohahai ano̱ asafoiatše̱mei le̱ abahãle̱ ye̱ Iehowa we le̱, ni eke̱ame̱ kpãṅ ni ehã ame̱kãmo̱ kitãi ame̱tšõle̱ ye̱ Iehowa we le̱, ni eṅõ maṅtše̱ bi le̱ etăõame̱.

⁵Ni ewoame̱ kitã ake̱: Bo̱ni nyefe ne̱: nyeteṅ mei ni babõi ame̱nitšumo̱ ye̱ hedšō̱mo̱gbĩ le̱ ne̱ le̱ amlidšāi etẽ mli ekome atšṍmo̱ maṅtše̱ we le̱ he bulo̱i,

⁶ni mlidšāi etẽ mli ekome ahĩ Sur agbó le̱ nā; ni mlidšāi etẽ mli ekome hũ ahĩ agbó ní yo̱ bulo̱i le̱ ase̱ le̱ nā, ni nyebu šĩa le̱ he ni nyefã he.

⁷Ši nyeteṅ asafokui enye̱, ni dši mei fẽ ni kpaä nitšumo̱ ye̱ hedšō̱mo̱gbĩ le̱ ne̱ le̱, ame̱dši mei ni abu maṅtše̱ le̱ he ye̱ Iehowa we le̱.

⁸Ni nyebo̱le maṅtše̱ le̱ he ke̱-kpe, mofẽmo ahĩe etawūnii ye̱ edẽ; ni mofẽmo ní baã klempēi le̱ ateṅ le̱, ágbele̱. Ni kē̱ maṅtše̱ le̱ mīdše kpo dšio ēba šĩa dšio, nyehĩa ehe.

⁹Ni mei ohahai ano̱ asafoiatše̱mei le̱ fe boni oso̱fo Iehoiada woame̱ kitã le̱ pe̱pē̱pe̱, ni ame̱teṅ mofẽmo ṅō ewebii ni baã nitšumo̱ ye̱ hedšō̱mo̱gbĩ le̱ no̱ le̱, ke̱ mei ni kpaã nitšumo̱ ye̱ hedšō̱me̱gbĩ le̱ no̱ le̱, ni ame̱ba Iehoiada, oso̱fo le̱, ṅõ.

¹⁰Ni oso̱fo le̱ ṅõ akplo̱i ke̱ *tse̱ṅi ni dši maṅtše̱ David nii ní yo̱ Iehowa we le̱ ehã mei ohahai ano̱ asafoiatše̱mei le̱. [87]

¹¹Ni bulo̱i le̱ ateṅ mofẽmo hĩe etawūnii ye̱ edẽ, ni ame̱damo̱ ši ke̱-dše̱ so̱lemo̱tšũ le̱ ninediũrõ koṅ le̱ no̱ ke̱-yaši so̱lemo̱tšũ le̱ abe̱ku koṅ le̱ no̱ ye̱ afo̱lešãlate̱ le̱ ke̱ so̱lemo̱tšũ le̱ hĩe, ni ame̱bo̱le maṅtše̱ le̱ he ke̱-kpe.

¹²Ni edšie maṅtše̱ bi le̱ ke̱-dše kpo, ni eke̱ maṅtše̱ akekre le̱ fīle̱, ni *eṅŏ odase le̱ hũ ewo edeṅ, ni ame̱wole̱ maṅtše̱, ni ame̱fo̱le̱ mũ, ni ame̱tſia ame̱dẽ ni ame̱kē̱: Maṅtše̱ yi aná wala! [88]

¹³Ši beni Atalia nu bulo̱i le̱ ke̱ maṅbii le̱ ablo̱mo̱ le̱, eba maṅbii le̱ aṅõ ye̱ Iehowa we le̱;

¹⁴ni ebakwe̱, ni na, maṅtše̱ le̱ damo̱ ešidāmo̱he le̱, bo̱ni dši agbe̱nā le̱, ni asafoiatše̱mei le̱ ke̱ te̱tre̱mantre̱ kpãlo̱i le̱ ye̱ maṅtše̱ le̱ mase̱i, ni šikpoṅ le̱ no̱ bii fẽ mīnyã́ ni ame̱mīkpãkpā̃ te̱tre̱mantre̱i. Ke̱-ke̱ ni Atalia gbla ehe atadei, ni eblo̱ ake̱: Apãm, apãm!

¹⁵Ši oso̱fo Iehoiada fã́ ohahai ano̱ asafoiatše̱mei ní aṅō-to ta le̱ no̱ le̱, ni ekē̱ame̱ ake̱: Nyeke̱le̱ adšea klempši le̱ ateṅ, ni moni aanyie ese̱ le̱, nyeke̱ klante agbeale̱! Edšake̱ oso̱fo le̱ ekē̱ eto ake̱ akagbele̱ ye̱ Iehowa we le̱.

¹⁶Ni ame̱hãle̱ gbe̱, ni beni eše̱ gbe̱ ni *okpo̱ṅo̱i tšṍo̱ no̱ ke̱-yaã maṅtše̱ we le̱ no̱ le̱, agbele̱ ye̱ dše̱i. [89]

¹⁷Ni Iehoiada hā maṅtše̱ le̱ ke̱ maṅ le̱ ke̱ Iehowa kpãṅ ake̱ ame̱afe Iehowa maṅ; ni ehã maṅtše̱ le̱ ke̱ maṅ le̱ hũ kpãṅ.

¹⁸Ke̱ke̱ ni šikpoṅ le̱ no̱ bii le̱ fẽ yiṅ ni ame̱yabote *Baal we le̱, ni ame̱kũmo̱ ame̱ſie ši; efo̱lešãlate̱i le̱ ke̱ emãgãi le̱ ame̱kũmo̱ame̱ dukuduku; ni Matan, Baal oso̱fo le̱, ame̱gbele̱ ye̱ afo̱lešãlate̱i le̱ ahĩe. Ke̱ke̱ ni oso̱fo le̱ to Iehowa we le nokwe̱mo nitšumoi le agbedšiano. [90]

¹⁹Ni eṅõ mei ohahai ano̱ asafoiatše̱mei le̱ ke̱ Karifoi le̱ ke̱ bulo̱i le̱ ke̱ šikpoṅ le̱ no̱ bii le̱ fẽ, ni ame̱ke̱ maṅtše̱ le̱ kpleke ši ke̱-dše̱ Iehowa we le̱ ke̱-tšṍ bulo̱i le̱ agbó le̱ nā gbe̱ le̱ no̱ ke̱-ba maṅtše̱ we le̱, ni eyatá maṅtše̱mei le̱ asẽi le̱ no̱.

²⁰Ni šikpoṅ le̱ no̱ bii le̱ fẽ mi še̱, ni maṅ le̱ mli dso̱; ši Atalia le̱, ame̱ke̱ klante gbele̱ ye̱ maṅtše̱ we le̱.