Read luganda 2 Maṅtše̱me̱i 13 Bible Online

2 Maṅtše̱me̱i 13 - luganda bible

2 Maṅtše̱me̱i 13

¹Iuda maṅtše̱ Ioaš, Ahazia bi le̱, yino̱ afi ni dši nyoṅmai-enyo̱ ke̱ etẽ le̱ no̱ le̱, Iehoahaz, Iehu bi le̱, baye Israel no̱ maṅtše̱ ye̱ Samaria afii nyoṅma ke̱ kpawo. [97]

²Ni efe efõṅ ye̱ Iehowa hĩe, ni enyie Ierobeam, Nebat bi le̱, he ešai ni eke̱-hã Israel fe eša le̱ ase̱; ekpalee ke̱-dšee he. [98]

³Ni Iehowa mli wo Israel la, ni dāne̱ etuo̱ame̱ ewoo *Hazael, Aram maṅtše̱ le̱, ke̱ ebi Ben-Hadad deṅ. [99]

⁴Ni Iehoahaz kpa Iehowa fai, ni Iehowa bole̱ toi; edšake̱ ena haomo̱ ni Aram maṅtše̱ le̱ haoo̱ Israel le̱.

⁵Ni Iehowa hã Israel *herelo̱ ko, ni ame̱dše Aram deṅ, ni Israelbii le̱ bahĩ ame̱būi amli tamo̱ sá le̱. [100]

⁶Kẽle̱ ame̱kpalee ke̱-dšee Ierobeam he ešai ni eke̱-hã Israel fe eša le̱ ahe, ši amenyie mli; ni *Ašera le̱ hũ mã Samaria lolo. [101]

⁷Tše̱ eſe̱e̱ maṅ le̱ mli eko ehãã Iehoahaz, ake̱ dša okpo̱ṅo̱iatše̱mei nyoṅmai-enumo̱ ke̱ ſīlii nyoṅma ke̱ naneno̱nyielo̱i akpei-nyoṅma; edšake̱ Aram maṅtše̱ le̱ eplenēame̱ ni efeame̱ tamo̱ ṅmā̃gbēmo̱ mlu.

⁸Ni Iehoahaz he sãdši ní eſe̱ le̱ ke̱ nibii fẽ ní efe ke̱ ekã ni efe le̱, ani aṅmãko ye̱ Israel maṅtše̱mei le̱ ayino̱-sãdši awolo le̱ mli?

⁹Ni Iehoahaz ke̱ etše̱mei le̱ yawo̱, ni afũle̱ ye̱ Samaria; ni ebi Ioaš baye maṅtše̱ ye̱ ese̱.

¹⁰Iuda maṅtše̱ Ioaš yino̱ afi ní dši nyoṅmai-etẽ ke̱ kpawo le̱ no̱ le̱, Iehoahaz bi Ioaš bõi Israel no̱ maṅtše̱yeli ye̱ Samaria, ni eye maṅtše̱ afii nyoṅma ke̱ ekpa.

¹¹Ni efe efõṅ ye̱ Iehowa hīe; ekpalee ke̱-dšee Ierobeam, Nebat bi le̱, be ešai ni eke̱-hã Israel fe eša le̱ fẽ amli, ši enyie mli. [102]

¹²Ši Ioaš he sãdši ní eſe̱ le̱ ke̱ nii fẽ ní efe ke̱ ekã ni efe ye̱ ta ní eke̱ Amazia, Iuda maṅtše̱ le̱, wu le̱ mli le̱; ani aṅmāko ye̱ Israel maṅtše̱mei le̱ ayino̱sãdši awolo le̱ mli? [103]

¹³NI Ioaš ke̱ etše̱mei le̱ yawo̱, ni *Ierobeam batá esẽi le̱ no̱; ni afũ Ioaš ye̱ Samaria ye̱ Israel maṅtše̱mei le̱ amase̱i. [104]

¹⁴Ši hela ni bagbe Eliša le̱ emōle̱. Ni Ioaš, Israel maṅtše̱ le̱, yiṅ ke̱-te eṅõ ni eyafó ye̱ ehĩe, ni ekē̱: *Mitše̱, mitše̱! Israel ſīlii le̱ ke̱ ekpo̱ṅo̱iatše̱mei le̱! [105]

¹⁵Ke̱ke̱ ni Eliša kē̱le̱ ake̱: Ko̱ gãi ke̱ emlibii ke̱-ba! Ni eko̱ gãi ke̱ emlibii ke̱-ba eṅõ.

¹⁶Ni ekē̱ Israel maṅtše̱ le̱ ake̱: Oke̱ onine amõ gãi le̱ mli! Ni eke̱ enine mõ mli. Ni Eliša ṅō enidši eſie maṅtše̱ le̱ nidši ano̱.

¹⁷Ni ekē̱: Gblemo̱ bokãgbe̱ samfle̱ le̱! Ni egble. Ni Eliša kē̱: Tšẽ! Ni etšẽ. Ni ekē̱: Iehowa kũnimyeli gãimlibi ke̱ Aram no̱ kũnimyeli gãimlibi ne̱; edšake̱ obatſia Arambii le̱ anii ye̱ Afek ke̱yaši beyino̱ ní ooplenēamo̱.

¹⁸Ni ekē̱: Kŏ̱lo̱mo̱ gãimlibii le̱! Ni ekŏ̱lo̱. Ni ekē̱ Israel maṅtše̱ le̱ ake̱: Tšẽ ke̱-mõ šikpoṅ! Ni etšẽ šii etẽ, ni efõ edamo̱ ši.

¹⁹Ke̱ke̱ ni Nyoṅmo̱ gbomo le̱ mli fũle̱ ni ekē̱: Edši otšẽ šii enumo̱ lo šii ekpa kũle̱, no le̱ obatſia Arambii anii āhũ ke̱-yaši beyino̱ ní ooplenẽame̱; ši ene̱ le̱ šii etẽ pe̱ obatſia Aram nii.

²⁰Ni beni Eliša gbo ni ame̱fũle̱ le̱, ke̱ke̱ ni Moab odšoyeli tai le̱ batua šikpoṅ le̱ ye̱ nakai afi le̱ mli.

²¹Ni eba mli ake̱, beni ame̱yafũ nū ko le̱, na ame̱na odšoyeli ta ko; ni ame̱še̱ nū le̱ ame̱fõ Eliša bu le̱ mli. Ni beni nū le̱ he yasa Eliša wui le̱ ahe pe̱ le̱, ehĩe tšẽ ni ete ši edamo̱ enãdši ano̱.

²²Ši Hazael, Aram maṅtše̱ le̱, hao Israel ye̱ Iehoahaz gbĩĩ le̱ fẽ mli.

²³Ši kẽle̱ Iehowa droame̱ nĩ emũsũṅ tšõle̱ ye̱ ame̱hewo̱ ni etšẽ ehĩe ehãame̱, ye̱ *ekpãṅmo̱ ní eke̱ Abraham ke̱ Isak ke̱ Iakob ekpãṅ le̱ hewo̱, ni esumo̱o̱ ake̱ ekpãtã ame̱hĩe, ni eše̱re̱koame̱ eſieko ke̱dšeko eble ke̱-baši bene̱. [106]

²⁴Ke̱ke̱ ni Hazael, Aram maṅtše̱ le̱, gbo; ni ebi Ben-Hadad baye maṅtše̱ ye̱ ese̱.

²⁵Ni Ioaš, Iehoahaz bi le̱, sã šõ mãdši ní Hazael šõ ye̱ etše̱ Iehoahaz deṅ ye̱ ta mli le̱, ke̱-dše̱ Ben-Hadad, Hazael bi le̱, deṅ ekoṅ. *Šii etẽ Ioaš tſiale̱ nii ni eke̱-šõ Israel mãdši le̱ ekoṅ, [107]