Read luganda 2 Maṅtše̱me̱i 19 Bible Online

2 Maṅtše̱me̱i 19 - luganda bible

2 Maṅtše̱me̱i 19

¹Ni eba mli ake̱, beni maṅtše̱ Hezekia nu le̱, egbla etadei ni eko̱ kpekpe ebu, ni eyiṅ ke̱-te Iehowa we le̱.

²Ni etšũ Eliakim ní kwe̱o̱ maṅtše̱ šĩa le̱, ke̱ Šebna, woloṅmãlo̱ le̱, ke̱ oso̱foi le̱ ateṅ onukpai le̱, ni ame̱bume̱ kpekpei, ke̱-te gbalo̱ Iesaia, Amoz bi le̱, ṅõ.

³Ni ame̱yakē̱le̱ ake̱: Bo̱ni Hezekia kē̱ ne̱: Haomo̱ ke̱ dše̱mo̱ ke̱ heguo̱gbē gbĩ dši ṅme̱ne̱ gbĩ ne̱; edšake̱ bii le̱ eše̱ asosodſā he, ši hewale̱ be̱ ní ake̱-fo̱ö̱.

⁴Ekole̱ Iehowa, o-Nyoṅmo̱ le̱, enu Rabšake moni enuntšo̱, Ašur maṅtše̱ le̱, tšũ le̱ ni *ebasopa Nyoṅmo̱ hĩekalo̱ le̱ wiemo̱i le̱ fẽ, ni ebakã ehĩe ye̱ wiemo̱i ní Iehowa, o-Nyoṅmo̱ le̱, enu le̱ ahewo̱: nohewo̱ le̱ wó ofaikpamo̱ le̱ ne̱ ohã mei ní eſe̱ ní yo le̱. [178]

⁵Ni maṅtše̱ Hezekia tšũdši le̱ ba Iesaia ṅõ.

⁶Ni Iesaia kē̱ame̱ ake̱: Nyeyakē̱a nyenuntšo̱ ake̱: Bo̱ni Iehowa kē̱ ne̱: Kāše gbeyei ye̱ wiemo̱i ni onu ni Ašur maṅtše̱ le̱ tšũdši le̱ ke̱-babo̱ musu ame̱šimi le̱ hewo̱.

⁷Na, mike̱ mumo̱ ko bawo emli, ni *eenu adafitſā ko, ni eekũ ese̱ ke̱-ate ešikpoṅ le̱ no̱, ni mahā enyõ ye̱ klante nā ye̱ le̱dientše̱ ešikpoṅ le̱ no̱. [179]

⁸Ke̱ke̱ ni Rabšake kū ese̱, ni eyanina Ašur maṅtše̱ le̱ ni eke̱ Libna mīwu; edšake̱ enu ake eſã ke̱-dše̱ Lakiš ke̱-te.

⁹Ni beni enu Kuš maṅtše̱ Tirhaka he ake̱: Na, efã ke̱-mība ni eke̱o abawu le̱, esã etšũ bo̱foi ke̱-ba Hezekia ṅõ ekoṅ ake̱:

¹⁰Bo̱ni nyeyakē̱ Iuda maṅtše̱ Hezekia ne̱: Kāhã o-Nyoṅmo̱ le̱ ní ohĩe kã eno̱ le̱ mīlakao ake̱: *Ake̱ Ierusalem woṅ Ašur maṅtše̱ le̱ deṅ! [180]

¹¹Na, bodientše̱ onu nii ni Ašur maṅtše̱mei le̱ fe šikpõdši le̱ fẽ ni ame̱feame̱ musu le̱, ni bo ni abahere oyiwala lo?

¹²*Dšeṅmãdši le̱ ni mitše̱mei le̱ kpãtã ame̱hĩe le̱, ani ame̱nyoṅmo̱i le̱ here ame̱yiwala lo? tamo̱ Gozan ke̱ Haran ke̱ Rezef ke̱ Edenbii le̱ ni yo̱ Telasar le̱? [181]

¹³Nẽgbe̱ Hamat maṅtše̱ le̱ ke̱ Arpad maṅtše̱ le̱ ke̱ Sefarvaim maṅ le̱ ke̱ Hena ke̱ Iva maṅtše̱ le̱ yo̱?

¹⁴Ni beni Hezekia he wodši le̱ ye̱ bo̱foi le̱ adeṅ ni ekane le̱, eyiṅ ke̱-te Iehowa we le̱, ni Hezekia yagble mli efõ Iehowa hĩe.

¹⁵Ni Hezekia kpa fai ye̱ Iehowa hīe ni ekē̱: Iehowa, Israel Nyoṅmo̱, *bo ní ohĩo̱ kerubim ano̱, bo okometō dši Nyoṅmo̱ ye̱ šikpoṅ le̱ no̱ maṅtše̱yelii le̱ fẽ no̱; bo ofe ṅwei ke̱ šikpoṅ! [182]

¹⁶Gbo otoi ši, Iehowa, ni onu; gblemo̱ ohĩṅme̱ii, Iehowa, ni okwe̱! ni onu Sanherib wiemo̱i fẽ ní etšũ le̱ *eke̱-basopa Nyoṅmo̱ hĩekãlo le̱! [183]

¹⁷Iehowa, eye̱ mli le̱le̱ṅ ake̱ Ašur maṅtše̱mei le̱ efite dšeṅmãdšimãdši le̱ ke̱ ame̱šikpõdši le̱ hũ,

¹⁸ni ame̱še̱re̱ ame̱nyoṅmo̱i le̱ ame̱ſie la mli; edšake̱ dšee nyoṅmo̱i dšiame̱, ši moṅ gbomei anidši ana nitšumo̱ ni, tšei ke̱ te̱i ni, nohewo̱ ni ame̱fiteame̱ le̱,

¹⁹Ši agbe̱ne̱, Iehowa, wo̱-Nyoṅmo̱, mīkpao fai, heremo̱ wo̱yiwala ke̱-dše̱ edeṅ, koni šikpoṅ le̱ no̱ maṅtše̱yelii fẽ aná ale ake̱ bo Iehowa okometō dši Nyoṅmo̱!

²⁰Ke̱ke̱ ni Amoz bi Iesaia tšũ ke̱-ba Hezekia ṅõ abakē̱le̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Noni okpami he fai ye̱ Sanherib, Ašur maṅtše̱ le̱, hewo̱ le̱, minu.

²¹Wiemo̱ ni Iehowa wie ye̱ ehe ne̱: Zion biyō oblayō fro le̱ mīgbe ohe guo̱, ni ēye ohe fe̱o, Ierusalem biyō le̱ mīhoso eyitšo ye̱ ose̱.

²²Namo ahora obo̱ ni owie musubō̱-wiemo̱i ošile̱ le̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel mokroṅkroṅ le̱ ni!

²³Obo̱foi le̱ ano̱ etšṍ obaho Nuntšo̱ le̱ ahora ni okē̱: Mike̱ miſīlii babaō le̱ ekwo̱ ke̱-te gõdši ayiteaṅ ke̱-te Lebanon se̱ tṍ, ni maflo̱ emli tšenedruĩ ní kwō̱lo̱ le̱ ke̱ emli se̱se̱oi ni hĩ le̱ maſie ši, ni mabote emli sihĩle̱he ni yo̱ šoṅṅ le̱ ke̱ etšei atrom kõ le̱ mli.

²⁴Mitšatsā bui ni minu maṅse̱ nui, ni mike̱ minaneši aahã Mizraim fai fẽtſẽm atã!

²⁵Ani onuko ake̱ nakai mifeo̱ ke̱-dše̱ blema bēbe, ni nakai mito ke̱-dše̱ blema gbĩĩ le̱ amli? Agbe̱ne̱ le̱ mihã eba mli, koni akpãtã mãdši ni atſa gbogboi awo he le̱ ahĩe, ní ame̱tšṍmo̱ amanfõ kuikui,

²⁶ni ame̱mli bii le̱ ahewale̱ še̱e̱ noko, ame̱tšui fã, ni ame̱hĩe ba, ame̱tšṍmo̱ tamo̱ ṅãno̱ dſe̱i ke̱ bāi fo̱bii ke̱ tšũyiteṅ dſe̱i hũ alo able ni edaa ní eṅãlã.

²⁷Mile ošitámo̱ ke̱ oyã ke̱ obã fẽ ke̱ ogrimo̱ ní ogri owomi le̱ hũ!

²⁸Ake̱-ni ogri owomi nĩ oſã le̱ ekwo̱ ke̱-baše̱ mitoiiaṅ hewo̱ le̱, mike̱ mikpoṅ aawo ogugõṅ, ni mike̱ mimanyofle̱ aawo odāṅ, ni makpaleo ke̱-kũ se̱ ke̱-tšṍ gbe̱ ni otšṍ no̱ ke̱-ba le̱ no̱!

²⁹Ni ene̱ aafe okadi ahão: Afi ne̱ mli le̱ nyeaye nii ni ame̱dientše̱ ame̱kwẽ, ni afi ni dši enyo̱ le̱ mli hũ nyeaye nii ni kwẽ ye̱ nomei ase̱ le̱; ši afi ni dši etẽ le̱ mli le̱ nyedũa nii ni nye-kpaä, ni nyefea weintromi hũ ni nyeyea emli yibii.

³⁰Ši Iuda we le̱ mei ní eſe̱ ní dši mei ni dše mli le̱ aatšẽrẽ fãi ekoṅ ke̱-mõ ši, ni ame̱awo yibii ye̱ ṅweigbe̱.

³¹Edšake̱ ſē̱nõ ko kẽ aadše̱ Ierusalem aba, ni mei ní edše mli hũ aadše̱ Zion goṅ le̱ no̱ aba; *Iehowa Zebaot hĩedō̱ le̱ bafe ene̱! [184]

³²Nohewo̱ le̱ bo̱ni Iehowa kē̱ ye̱ Ašur maṅtše̱ le̱ he ne̱: Ebaṅ mã ne̱ṅ ni etšẽṅ gãi ko ke̱-baṅ mli, ni eke̱ tše̱ṅ ko baṅ dše̱i, ni asaṅ etſaṅ kpoku ko ewoṅ he!

³³Gbe̱ no̱ ni etšṍ ke̱-ba le̱, no noṅṅ no̱ eetšṍ ke̱-ate ekoṅ; ši eboteṅ ne̱ke̱ maṅ ne̱ mli, Iehowa kē̱.

³⁴Edšake̱ *mabu ne̱ke̱ maṅ ne̱ he, ni mahere eyiwala ye̱ midientše̱ mihewo̱ ke̱ mitšũlo̱ David hũ hewo̱! [185]

³⁵Ni eba mli ake̱ nakai nyō le̱ṅ noṅṅ le̱ Iehowa bo̱fo le̱ dše kpo te ni eyagbe Ašur nsra le̱ṅ mei akpei-oha-ke̱-nyoṅmai-kpānyo̱-ke̱-enumo̱; ni beni ame̱-te ši lebi mãṅkpa le̱, na, ame̱fẽ-tſẽm ame̱tšṍmo̱ gbohĩĩ so̱ṅṅ.

³⁶Ke̱ke̱ ni Ašur maṅtše̱ Sanherib fã ye̱ dše̱i ni eyiṅ ete, ni ekũ ese̱ eyahĩ Ninive.

³⁷Ni eba mli ake̱, beni edšáa ye̱ e-nyoṅmo̱ Nisrok we le̱, Adramelek ke̱ Šarezer ní dši ebii le̱ *gbele̱ ke̱ klante, ni ame̱dšo foi ke̱-te Ararat šikpoṅ le̱ no̱; ni ebi Esar-Hadon baye maṅtše̱ ye̱ ese̱. [186]