Read luganda 2 Maṅtše̱me̱i 20 Bible Online

2 Maṅtše̱me̱i 20 - luganda bible

2 Maṅtše̱me̱i 20

¹Nakai gbĩĩ le̱ amli le̱ Hezekia he mīye ni ebagbo. Ni gbalo̱ Iesaia, Amoz bi le̱, ba eṅō ni ebakē̱le̱ ake̱: Bo̱ni Iehowa kē̱ ne̱: To owe le̱ gbe̱dšiano̱, edšake̱ obagbo ni oyi náṅ wala!

²Ke̱ke̱ ni Hezekia tšṍ ehĩe eha gbogbo, ni ekpa Iehowa fai ni ekē̱:

³Ō Iehowa, mīkpao fai, kaimo̱ bo̱ni minyie ye̱ ohĩe ye̱ ano̱kwale ke̱ tšui ní eye emū mli, ni mife noni hĩ ye̱ ohĩe le̱! Ni Hezekia fó babaō dientše̱.

⁴Ni eba mli ake̱ fẽdā ní Iesaia aadše̱ mõ le̱ teṅ adše kpo le̱, Iehowa wiemo̱ ba eṅō ake̱:

⁵Kũ ose̱ ni oyakē̱ Hezekia, mimaṅ le̱ no̱ lumo le̱, ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Minn ofai-kpamo̱ le̱, ni mina ohĩeyāfónui le̱ hũ. Na, mibatšáo; ni bie̱ gbĩĩ etẽ le̱ oonyie ke̱-ate Iehowa we le̱.

⁶Ni maṅõ afii nyoṅma ke̱ enumo̱ mafata ogbĩĩ le̱ ahe, ni asaṅ mahere bo ke̱ *ne̱ke̱ maṅ ne̱ yiwala ke̱-adše̱ Ašur maṅtše̱ le̱ deṅ, ni mabu ne̱ke̱ maṅ ne̱ be ye̱ midientše̱ mihewo̱ ke̱ mitšũlo̱ David hũ hewo̱! [187]

⁷Ni Iesaia kē̱ ake̱: Nyebahãami agbãmi-tatale! Ni ame̱ke̱-ba ni ame̱ke̱-bato asane le̱ no̱, ni ehe wale̱.

⁸Ni Hezekia kē̱ Iesaia ake̱: Meni dši okadi ake̱ Iehowa batšámi ni bie̱ gbĩĩ etẽ le̱ manyie ke̱-ate Iehowa we le̱?

⁹Ni Iesaia kē̱: Ene̱ aafe okadi ní dše̱ Iehowa deṅ ahão ake̱ Iehowa bafe nii ní ekē̱ le̱: Ani hũlũ ṅmle̱ le̱ no̱ susuma le̱ aya hĩegbe̱ mlidšãi nyoṅma alo ekũ ese̱ mlidšāi nyoṅma?

¹⁰Ni Hezekia kē̱: Ewaa haã susuma le̱ ake̱ eete hĩegbe̱ mlidšāi nyoṅma; dabi, ši moṅ hã ní susuma le̱ akũ ese̱ mlidšāi nyoṅma!

¹¹Ke̱ke̱ ni gbale̱ Iesaia blo̱ etšé̱ Iehowa, ni ehã susuma ní ete hĩegbe̱ momo ye̱ Ahaz hũlũ ṅmle̱ le̱ no̱ le̱ kũ ese̱ mlidšāi nyoṅma.

¹²Nakai be le̱ mli le̱ Berodak-Baladan, Baladan bi le̱, ni dši Babel maṅtše̱ le̱, tšũ ake̱ wodši ke̱ nikēnii bahã Hezekia; edšake̱ enu ake̱ Hezekia he ye.

¹³Ni Hezekia boame̱ toi, ni eṅõ ešĩa heni enibii ní dšra wa le̱ yo̱ le̱ fẽ etšõame̱, dſie̱te̱i ke̱ šika, ke̱ tšofãi-ke̱-ṅmai ke̱ mũ ní dšra wa, ke̱ etawūnii atšũ le̱ fẽ ke̱ nibii fẽ ni anaä ye̱ enitōhei le̱; nokonoko be̱ ewe le̱ lo eno̱yelihe le̱ fẽ ni Hezekia ke̱-tšõõame̱.

¹⁴Ke̱ke̱ ni gbalo̱ Iesaia ba maṅtše̱ Hezekia ṅõ ni ebabile̱ ake̱: Meni ne̱ke̱ gbomei ne̱ kē̱, ni nẽgbe̱ ame̱dše̱ ame̱ba oṅõ ne̱? Ni Hezekia kē̱: Ame̱dše̱ šoṅṅ he ko ni dši Babel le̱.

¹⁵Ni ekē̱: Meni ame̱na ye̱ owe le̱? Ni Hezekia kē̱: Nibii fẽ ni yo̱ miwe le̱ ame̱na; nokonoko be̱ minitōhei le̱ ni mike̱-tšõkoame̱.

¹⁶Ke̱ke̱ ni Iesaia kē̱ Hezekia ake̱: Bo Iehowa wiemo̱ toi:

¹⁷Na, gbĩĩ miba ní *aabalō nibii fẽ ni yo̱ owe le̱ ke̱ nii ni otše̱mei le̱ ebua nā eto ke̱-baši ṅme̱ne̱ gbĩ ne̱ no̱ le̱ ke̱-ate Babel; ašīṅ nokonoko, Iehowa kē̱. [188]

¹⁸Ni asaṅ obii ní aadše̱ omli ni oofo̱ le̱ aaṅō ame̱teṅ meikomei ke̱-ate, ni ame̱atšṍmo̱ *piafoi ye̱ Babel maṅtše̱ le̱ mõ le̱ṅ. [189]

¹⁹Ni Hezekia kē̱ Iesaia ake̱: *Iehowa wiemo̱ ní owie le̱ hĩ! Ni esã ekē̱: Nto hedšo̱le̱ ke̱ ano̱kwale aahĩ migbĩĩ le̱ amli? [190]

²⁰Ši Hezekia he sãdši ní eſe̱ le̱ ke̱ ekã fẽ ní efe le̱ ke̱ kpākpo ke̱ ehe nudšō̱ ni efe ní eke̱-tše̱ nu ke̱-ba mã le̱ṅ le̱, ani aṅmãko ye̱ Iuda maṅtše̱mei le̱ ayino̱sãdši awolo̱ le̱ mli?

²¹Ni Hezekia ke̱ etše̱mei le̱ yawo̱, ni ebi Manase baye maṅtše̱ ye̱ ese̱.