Read luganda 2 Maṅtše̱me̱i 21 Bible Online

2 Maṅtše̱me̱i 21 - luganda bible

2 Maṅtše̱me̱i 21

¹Manase eye afii nyoṅma ke̱ enyo̱, beni ebabõi maṅtše̱yeli le̱, ni eye maṅtše̱ afii nyoṅmai-enumo̱ ke̱ enumo̱ ye̱ Ierusalem; ni enye gbe̱i dši Hefziba.

²Ni efe efõṅ ye̱ Iehowa hĩe tamo̱ dšeṅmãdši ní Iehowa ſie ye̱ Israelbii le̱ ahĩe le̱ anihīnii le̱.

³Edšake̱ hei groṅṅi le̱ ní etše̱ Hezekia fite le̱ esā emãmo̱ ekoṅ, ni emãmo̱ afo̱lešãlate̱i ehã Baal, ni asaṅ efe wo̱ṅ-kō, tamo̱ bo̱ni *Ahab, Israel maṅtše̱ le̱, fe le̱, ni edšá ṅwei asafo le̱ fẽ ni esúmo̱ame̱. [191]

⁴Ni asaṅ emãmo̱ afo̱lešãlate̱i ye̱ Iehowa we le̱, heni *Iehowa kē̱ ye̱ he ake̱: Ierusalem dši heni mike̱ migbe̱i aato le̱. [192]

⁵Ni emãmo̱ *afo̱lešãlate̱i ehã ṅwei asafo le̱ fẽ ye̱ Iehowa we le̱ kpoi enyo̱ le̱ no̱. [193]

⁶Ni *ehã ebinū tšṍ la mli, ni eklaä ni eyeo ṅkũnyā, ni eto sisatšé̱lo̱i ke̱ wo̱dšiatse̱mei, ni efe efõṅ babaō ye̱ Iehowa hĩe eke̱-wo emlila. [194]

⁷Ni eke̱ wo̱ṅ-kō le̱ amãgã ni efe le̱ yamã šīa ní Iehowa *kē̱ David ke̱ ebi Salomo ye̱ he ake̱: Ne̱ke̱ šīa ne̱ ke̱ Ierusalem ni mihala ye̱ Israel akutšei le̱ fẽ ateṅ le̱ maṅõ migbe̱i mato ke̱-ya nāno le̱. [195]

⁸Ni asaṅ mihāṅ Israel afã enane ke̱-dše̱ šikpoṅ le̱ ní miṅō-hã ame̱tše̱mei le̱ no̱ ni eyatšomlo doṅṅ; ke̱dši ame̱dſẽṅ no̱ ni ame̱ye kitãi fẽ ni miwoame̱ le̱ ke̱ mla fẽ ni mitšũlo̱ Mose woame̱ le̱ no̱ ke̱ke̱ le̱.

⁹Ši ame̱boo toi, ni Manase lakaame̱ ni ame̱ſe efõṅ fē dšeṅmãdši ní Iehowa kpãtã ame̱hĩe ye̱ Israelbii ahĩe le̱ tete.

¹⁰Ši Iehowa tšṍ etšũdši ní dši gbalo̱i le̱ ano̱ ewie ake̱:

¹¹Ake̱-ni Manase, Iuda maṅtše̱ le̱, tšu ne̱ke̱ nihĩnii ne̱ ni efe efõṅ fè nii ní Amorbii ní tšṍ ehĩe le̱ efe le̱ fẽ, ni eke̱ ewo̱dši le̱ hã Iuda hũ fe eša hewo̱ le̱,

¹²bo̱ni Iehowa, Israel Nyoṅmo̱ le̱, kē̱ ne̱: Na, mike̱ nõfõṅ baba Ierusalem ke̱ Iuda no̱, koni mofẽmo ní *aanu he le̱ *toii enyo ne̱ fẽ mli aafele̱ heṅṅ. [196]

¹³Ni magbla Samaria susumo̱ kpẽ le̱ mli mato Ierusalem he, ke̱ Ahab we le̱ kũlomũlo le̱ hũ, ni matšũmo̱ Ierusalem mli tamo̱ atšũmoo̱ kã mli, atšũmoo̱ mli ni atšṍo̱ abuo̱ ši!

¹⁴Ni makwa mino̱yelinii ni eſe̱ le̱, ni matuame̱ mawo ame̱henye̱lo̱i adeṅ, ni ame̱atsṍmo̱ hānii ke̱ odšotſānii ame̱hã ame̱henye̱lo̱i le̱ fẽ;

¹⁵edšake̱ ame̱fe efõṅ ye̱ mihĩe ni ame̱wowō mimlila ke̱-dše̱ gbĩ no̱ ní ame̱tše̱mei le̱ dše Mizraim le̱ āhũ ke̱-baši ṅme̱ne̱ gbĩ ne̱!

¹⁶Ni asaṅ Manase *fo̱se mei ní efeko noko alá eſie ši babaō dientše̱, ke̱-yaši beyino̱ ni Ierusalem hefẽhe yi to̱, dãni sõro ehe eša ni eke̱-hã Iuda fe eša ni ameke̱-fe efõṅ ye Iehowa hĩe le. [197]

¹⁷Ši Manase he sãdši ní eſe̱ le̱ ke̱ nii fẽ ní efe ke̱ ehe eša ní efe le̱, ani aṅmãko ye̱ Iuda maṅtše̱mei le̱ ayino̱sãdši awolo le̱ mli?

¹⁸Ni Manase ke̱ etše̱mei le̱ yawo̱, ni afũle̱ ye̱ ešĩa le̱ he trom ni dši Uza trom le̱ mli; ni ebi Amon baye maṅtše̱ ye̱ ese̱.

¹⁹Amon eye afii nyoṅmai-enyo̱ ke̱ enyo̱, beni ebabõi maṅtše̱yeli le̱, ni eye maṅtše̱ afii enyo̱ ye̱ Ierusalem; ni enye gbe̱i dši Mešulemet, Haruz ní dše̱ Iotba le̱ biyō le̱,

²⁰Ni efe efõṅ ye̱ Iehowa hĩe, tamo̱ bo̱ni etše̱ Manase fe le̱.

²¹Ni gbe̱ ní etše̱ nyie no̱ lo̱, le̱ hũ enyie fẽ no̱, ni esúmo̱ wo̱dši ní etše̱ súmo̱ le̱, ni edšáame̱.

²²Ni ešĩ Iehowa, etše̱mei a-Nyoṅmo̱ le̱, ni enyiee Iehowa gbe̱ le̱ no̱.

²³Ni Amon tšũdši le̱ te eyi no̱ apãm, ni amegbe maṅtše le̱ ye̱ ledientše̱ ewe le̱. [198]

²⁴Ši šikpoṅ le̱ no̱ bii le̱ gbe mei fẽ ní te maṅtše̱ Amon yi no̱ apãm le̱. Ni šikpoṅ le̱ no̱ bii le̱ wo ebi Iosia maṅtše̱ ye̱ ese̱.

²⁵Ši Amon he sãdši ní eſe̱ le̱ ke̱ nii ní efe le̱, ani aṅmãko ye̱ Iuda maṅtše̱mei le̱ ayino̱sãdši awolo le̱ mli?

²⁶Ni afũle̱ ye̱ efū̃he le̱ ye̱ *Uza trom le̱ mli; ni ebi Iosia baye maṅtše̱ ye̱ ese̱. [199]