Read luganda 2 Maṅtše̱me̱i 22 Bible Online

2 Maṅtše̱me̱i 22 - luganda bible

2 Maṅtše̱me̱i 22

¹Iosia eye afii kpānyo̱, beni ebabõi maṅtše̱yeli le̱, ni eye maṅtše̱ afii nyoṅmai-etẽ ke̱ ekome ye̱ Ierusalem; ni enye gbe̱i dši Iedida, Adaia ní dše̱ Bozka le̱ biyō le̱.

²Ni efe *noni dša ye̱ Iehowa hĩe, ni enyie etše̱ David gbè̱i le̱ fẽ no̱, ni †egbáá ninedšũrõ lo abe̱ku. [200]

³Ni eba mli ake̱ maṅtše̱ Iosia yino̱ afi ni dši nyoṅma ke̱ kpānyo̱ le̱ no̱ le̱, maṅtše̱ le̱ tšũ Šaſan, Mešulam bi Azalia bi ni dši woloṅmãlo̱ le̱, ke̱-te Iehowa we le̱ ake̱:

⁴Ya oso̱fonukpa Hilkia ṅõ, ni ekane šika ni ake̱-baä Iehowa we le̱ ni šĩnākwe̱lo̱i le̱ ebua nā ke̱-dše̱ mei le̱ adeṅ le̱,

⁵koni atu awo mei ni kwe̱o̱ Iehowa we le̱ nitšulo̱i le̱ ano̱ le̱ adeṅ, ní ame̱ke̱-hã mei ní tšuo̱ Iehowa we le̱ nii le̱, ni aṅõ-sā šīa le̱ tšũkoi le̱:

⁶ake̱-hã tšogbo̱lo̱i ke̱ tšũmãlo̱i ke̱ te̱kolo̱i le̱, ni ake̱-he mplãṅi ke̱ te̱i ní ako, ni aṅõ-sā šĩa le̱ tšũkoi le̱.

⁷Ši ake̱ame̱ ebuu šika ní atuo̱ awoo̱ ame̱deṅ le̱ he akontā, edšake̱ ame̱yeo̱ ano̱kwa. [201]

⁸Ke̱ke̱ ni oso̱fonukpa Hilkia kē̱ Šafan, woloṅmãlo̱ le̱, ake̱: Miyana mlawolo le̱ ye̱ Iehowa we le̱. Ni Hilkia ke̱ wolo le̱ hã Šafan, ni ekane.

⁹Ni Šafan, woloṅmãlo̱ le̱, ba maṅtše̱ le̱ ṅõ, ni ebagbale̱ ake̱: Otšũdši eyafo̱se šika ní ana ye̱ šĩa le̱, ni ame̱tu ame̱wo mei ní kwe̱o̱ Iehowa we le̱ nitšulo̱i le̱ ano̱ le̱ adeṅ.

¹⁰Ni Šafan, woloṅmãlo̱ le̱, tšĩ tã etšõ maṅtše̱ le̱ ake̱: Oso̱fo Hilkia le̱ ke̱ wolo ko hãmi. Ni Šafan kane ye̱ maṅtše̱ le̱ hĩe.

¹¹Ni eba mli ake̱, beni maṅtše̱ le̱ nu mlawolo le̱ mli wieme̱i le̱, egbla etadei.

¹²Ni maṅtše̱ le̱ fã́ oso̱fo Hilkia ke̱ Ahikam, Šafan bi le̱, ke̱ Akbor, Mikaia bi le̱, ke̱ Šafan, woloṅmãlo̱ le̱, ke̱ Asaia, maṅtše̱ tšũle̱ le̱, ake̱:

¹³Nyeyaä ni nyeyabia Iehowa nii nyehãa mi ke̱ maṅ le̱ ke̱ Iuda mū le̱ fẽ, ye̱ ne̱ke̱ wolo ní ana ne̱ mli wiemo̱i le̱ ahewo̱; edšake̱ Iehowa mli ni ewo la ewowo̱ ne̱ da, ake̱-ní wo̱tše̱mei boo ne̱ke̱ wolo ne̱ mli wiemo̱i le̱ atoi ni ame̱fe nibii fè ní aṅmã ye̱ wo̱hewo̱ le̱.

¹⁴Ke̱ke̱ ni oso̱fo Hilkia ke̱ Ahikam ke̱ Akbor ke̱ Šafan ke̱ Asaia yiṅ ame̱te gbalo̱yō Hulda ní dši Harhas bi Tikwa bi Šalum, moni kwe̱o̱ atadei le̱, ṅã le̱ ṅõ. Ši le̱ le̱ Ierusalem eyo̱ ye̱ maṅ le̱ mlidšā ní dši enyo̱ le̱ mli; ni ame̱ke̱le̱ yawie.

¹⁵Ni ekē̱ame̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Nyeyakē̱a nū ni tšũnye miṅõ le̱ ake̱:

¹⁶Bo̱ni Iehowa kē̱ ne̱: Na, mike̱ nõfõṅ baba bie̱ ne̱ ke̱ bie̱bii le̱ ano̱, ní dši wolo le̱ mli wiemo̱i fẽ ní Iuda maṅtše̱ le̱ ekane le̱;

¹⁷ake̱-ní ame̱šīmi ni ame̱yašã tšofã-ke̱-ṅma ame̱hã nyoṅmo̱i krokomei, koni ame̱ke̱ ame̱nine nā nitšumo̱i le̱ fẽ awo mimlila, hewo̱ le̱ mimli bawo la awo bie̱ ne̱, ni agbeṅ. [202]

¹⁸Ši bo̱ni nyeyakē̱ Iuda maṅtše̱ le̱ ni tšũnye ake̱ nyebabi Iehowa nii le̱: Bo̱ni Iehowa, Israel Nyoṅmo̱ le̱, kē̱ ne̱: Wiemo̱i ni onu le̱ ahewe̱ le̱,

¹⁹ake̱-ní otšui he edšo̱ bo̱dō̱ ni oba ohe ši ye̱ Iehowa hĩe, beni onu noni miwie ye̱ bie̱ ne̱ ke̱ bie̱bii le̱ ahe ake̱ ame̱batšṍmo̱ amaṅfõ ke̱ lōmo̱, ni ogbla otadei ni ofó ye̱ mihĩe hewo̱ le̱, mi hũ minu, Iehowa kē̱.

²⁰Nohewo̱ le̱ na, *mabua ona mafata otše̱mei le̱ ahe, ni aabua onā awo ogbonyobu mli ye̱ hedšo̱le̱ mli, ni nõfõṅ fẽ ní mike̱-baba bie̱ ne̱ no̱ le̱, ohĩṅme̱ii enaṅ! Ni ame̱bagba maṅtše̱ le̱. [203]