Read luganda 2 Maṅtše̱me̱i 24 Bible Online

2 Maṅtše̱me̱i 24 - luganda bible

2 Maṅtše̱me̱i 24

¹Eyino̱ le̱ Nebukadnezar, Babel maṅtše̱ le̱, fã ke̱-ba, ni Iehoiakim súmo̱le̱ afii etẽ; ke̱ke̱ ni ekũ ese̱ etše ehĩe atũa.

²Ni Iehowa tšũ Kaldeabii atai le̱ ke̱ Arambii atai le̱ ke̱ Moabbii atai le̱ ke̱ Amonbii atai le̱ ke̱-ba eno̱, ni ehã ame̱-batua Iuda, koni ame̱bafitele̱, tamo̱ bo̱ni Iehowa tšṍ etšũdši gbalo̱i le̱ ano̱ ewie le̱.

³Ši *Iehowa fã́mo̱ nā ke̱ke̱ ni ene̱ ba Iuda no̱ ne̱, koni edšieame̱ ke̱-dše ehĩe eſie ye̱ Manase he ešai ni efe le̱ fẽ ahewo̱, [221]

⁴ke̱ mei ni efeko noko le̱ alá ni efo̱se eſie ši le̱ hũ hewo̱; edšake̱ ewo Ierusalem obõ to̱ ke̱ mei ni efeko noko le̱ alá, ni Iehowa sumo̱o̱ ake̱ eeṅõ-fa.

⁵Ši Iehoiakim he sãdši ní eſe̱ le̱ ke̱ nibii fẽ ní efe le̱, ani aṅmãko ye̱ Iuda maṅtše̱mei le̱ ayino̱sãdši awolo le̱ mli?

⁶Ni Iehoiakim ke̱ etše̱mei le̱ yawo̱, ni ebi Iehoiakin baye maṅtše̱ ye̱ ese̱.

⁷Ši Mizraim maṅtše̱ le̱ sā dše̱e̱ ešikpoṅ le̱ no̱ ebaa doṅṅ, edšake̱ Babel maṅtše̱ le̱ ešō nibii fẽ ni dši Mizraim maṅtše̱ le̱ nii le̱ ke̱-dše̱ Mizraim fã le̱ nā āhũ ke̱-yaši Eufrate fā le̱ nā.

⁸Iehoiakin eye afii nyoṅma ke̱ kpānyo̱, beni ebabõi maṅtše̱yeli le̱, ni eye maṅtše̱ nyõdši etẽ ye̱ Ierusalem; ni enye gbe̱i dši Nehušta, Elnatan ní dše̱ Ierusalem le̱ biyō le̱.

⁹Ni efe efõṅ ye̱ Iehowa hĩe tamo̱ bo̱ni etše̱mei le̱ fe le̱ pe̱pē̱pe̱. [222]

¹⁰No be le̱ mli le̱ Babel maṅtše̱ Nebukadnezar tšũdši le̱ fã ke̱-ba Ierusalem, ni abo nsra awo maṅ le̱ he.

¹¹Ni Nebukadnezar, Babel maṅtše̱ le̱, ba maṅ le̱ he, beni etšũdši le̱ bo̱ö̱ nsra woo̱ he le̱.

¹²Ke̱ke̱ ni Iehoiakin, Iuda maṅtše̱ le̱, dše kpo te Babel maṅtše̱ le̱ ṅõ, le̱ ke̱ enye ke̱ etšũdši ke̱ elumei ke̱ epiafoi le̱; ni Babel maṅtše̱ le̱ ṅõle̱ ye̱ emaṅtše̱yeli afi ni dši kpãnyo̱ le̱ no̱.

¹³Ni *eyalõ Iehowa we lo̱ dſetrii le̱ ke̱ maṅtše̱ we le̱ dſetrii le̱ fẽ ke̱-te, ni eflo̱ šika nibii fẽ ní Israel maṅtše̱ Salomo efe ye̱ Iehowa we le̱ mli dukuduku eſie, take̱ bo̱ni Iehowa ewie eto le̱, [223]

¹⁴Ni eṅõ Ierusalem mū le̱ fẽ ke̱ lumei le̱ fẽ ke̱ abladei le̱ fẽ nom ke̱-te, gbomei akpei-nyoṅma, ke̱ ṅālo̱i ke̱ sõlo̱i le̱ fẽ hũ; ešĩĩ mokomoko, ake̱ dša šikpoṅ le̱ no̱ bii le̱ ateṅ mei ni dši ohĩafoi ke̱ke̱.

¹⁵Ni *eṅõ Iehoiakin nom ke̱-te Babel, ke̱ maṅtše̱ le̱ nye ke̱ maṅtše̱ le̱ ṅãmei ke̱ piafoi ke̱ šikpoṅ le̱ no̱ kãkãlo̱i le̱ fẽ, eṅõame̱ nom ke̱-dše̱ Ierusalem ke̱-te Babel, [224]

¹⁶ke̱ abladei le̱ fẽ ní nā šio̱ akpei-kpawo le̱, ke̱ ṅālo̱i ke̱ sõlo̱i akpe, ame̱-fẽ le̱ kãkãlo̱i ní eše̱ tayā dšiame̱, ni Babel maṅtše̱ le̱ ṅõame̱ nom ke̱-te Babel.

¹⁷Ni Babel maṅtše̱ le̱ wo etše̱kwẽ Matania maṅtše̱ ye̱ enãdšiaṅ, ni etšake egbe̱i ni ewole̱ Zedekia.

¹⁸Zedekia eye afii nyoṅmai-enyo̱ ke̱ ekome, beni ebabõi maṅtše̱yeli le̱, ni eye maṅtše̱ afii nyoṅma ke̱ ekome ye̱ Ierusalem; ni enye gbe̱i dši Hamital, Ieremia ní dše̱ Libna le̱ biyō le̱. [225]

¹⁹Ni efe efõṅ ye̱ Iehowa hĩe tamo̱ bo̱ni Iehoiakim fe le̱ pe̱pē̱pe̱. [226]

²⁰Edšake̱ Iehowa mlifũ hewo̱ ni eba mli nakai ye̱ Ierusalem ke̱ Iuda no̱ āhũ *ke̱-yaši beyino̱ ní eše̱re̱ame̱ eſie ke̱-dše̱ ehĩe. Ni Zedekia tše Babel maṅtše̱ le̱ hĩe atŭa. [227]