Read luganda 2 Maṅtše̱me̱i 3 Bible Online

2 Maṅtše̱me̱i 3 - luganda bible

2 Maṅtše̱me̱i 3

¹Agbe̱ne̱ le̱ Iehoram, Ahab bi le̱, baye Israel no̱ maṅtše̱ ye̱ Samaria ye̱ Iehošafat, Iuda maṅtše̱ le̱, yino̱ afi ni dši ayoṅma ke̱ kpānyo̱ le̱ no̱; ni eye maṅtše̱ afii nyoṅma ke̱ enyo̱. [15]

²Ni efe efõṅ ye̱ Iehowa hĩe, ši kẽle̱ tamo̱o̱ etše̱ lo enye; edšake̱ edšie *Baal amãgã le̱ ní etše̱ fe le̱. [16]

³Ši kẽle̱ ekpe̱te̱ *Ierobeam, Nebat bi le̱, he ešai ni eke̱-hã Israel fe eša le̱ he, ekpale̱e ke̱-dšee he. [17]

⁴Ni Meša, Moab maṅtše̱ le̱, tōiatše̱ ni, ni etšũo̱ gwanteṅbii akpei-oha ke̱ tōagboi akpei-oha he tšo̱i ehāa Israel maṅtše̱ le̱.

⁵Ši eba mli ake̱, beni Ahab gbo le̱, Moab maṅtše̱ le̱ tše Israel maṅtše̱ le̱ hĩe atũa.

⁶Ni maṅtše̱ Iehoram fã ke̱-dše̱ Samaria ye̱ nakai be le̱ mli, ni oyakane Israel fẽ.

⁷Ni etšũ ayakē̱ Iehošafat, Iuda maṅtše̱ le̱, ake̱: Moab maṅtše̱ le̱ etše mihĩe atũa; ani oke̱mi aate ni mike̱ Moabbii ayawu? Ni ekē̱: Mate; *mi noṅṅ dši bo, mimaṅ le̱ noṅṅ dši omaṅ le̱, ni mikpo̱ṅo̱i le̱ noṅṅ dši okpo̱ṅo̱i le̱! [18]

⁸Ni ekē̱: Nẽgbe̱ wo̱tšṍ ke̱-ya? Ni ekē̱: Edom ṅã le̱ no̱ gbe̱.

⁹Ke̱ke̱ ni Israel maṅtše̱ le̱ ke̱ Iuda maṅtše̱ le̱ ke̱ Edom maṅtše̱ le̱ yiṅ ame̱te; ni ame̱yakpa ši gbĩĩ kpawo, ni anaa nu ahã tabilo̱i le̱ ke̱ koloi ní ame̱ke̱-nyie le̱.

¹⁰Ni Israel maṅtše̱ le̱ kē̱: Ao! Iehowa etšé̱ ne̱ke̱ maṅtše̱mei etẽ ne̱ ke̱-bakpe, koni etuame̱ ewo Moabbii adeṅ!

¹¹Ši *Iehošafat kē̱: Ani Iehowa gbalo̱ ko be̱ bie̱ ne̱, ní wo̱o̱te wo̱yabi Iehowa nii ye̱ eṅõ? Ni Israel maṅtše̱ le̱ tšũdši le̱ ateṅ mokome here no̱ ni ekē̱: †Eliša, Šafat bi le̱, ní fo̱se nu ſie Elia nidši ano̱ le̱, ye̱ bie̱. [19]

¹²Ni Iehošafat kē̱: Iehowa wiemo̱ le̱ ke̱le̱ ye̱! Ke̱ke̱ ni Israel maṅtše̱ le̱ ke̱ Iehošafat ke̱ Edom maṅtše le̱ yiṅ ke̱-te eṅõ.

¹³Ši Eliša kē̱ Israel maṅtše̱ le̱ ake̱: Mẽ sane mike̱o yo̱? ya otše̱ gbaloi le̱ ke̱ onye gbalo̱i le̱ aṅõ. Ši Israel maṅtše̱ le̱ kē̱le̱ ake̱: Dabida! edšake̱ Iehowa etšé̱ maṅtše̱mei etẽ ne̱ ke̱-bakpe, koni etuame̱ ewo Moabbii adeṅ!

¹⁴Ni Eliša kē̱: *Gbĩĩabo̱ ní Iehowa Zebaot, mo hĩe ní midamoo̱ le̱, hĩe kã ne̱, ké̱ dšee Iehošaſat, Iuda maṅtše̱ le̱, hīeaṅ mihĩe ſieo̱, kũle̱ mikwe̱ṅo ni minaṅo hũ! [20]

¹⁵Ši agbe̱ne̱ le̱ nyeyaṅõa saṅkũtſalo̱ ko nyebahãami! Ni eba mli ake̱, beni saṅkũtſalo̱ le̱ tſaã saṅkũ le̱, Iehowa nine ba eno̱.

¹⁶Ni ekē̱: Bo̱ni Iehowa kē̱ ne̱: Nyetšaä bui ye̱ ne̱ke̱ dšō̱ ne̱ mli fẽ.

¹⁷Edšake̱ bo̱ni Iehowa kē̱ ne̱: Nyenaṅ kō̱yo̱ ni asaṅ nyenaṅ nyoṅmo̱ne̱mo̱; ši kẽle̱ ne̱ke̱ dšō̱ ne̱ bayi to̱ ke̱ nu, koni nye ke̱ nyelē̱-koloi ke̱ nyedšatšutëremo̱ koloi le̱ fẽ anu.

¹⁸Ni ene̱ tete dšee noko ye̱ Iehowa hĩe; ši asaṅ ebatu Moabbii le̱ hũ ewo nyedeṅ.

¹⁹Ni uyeadſa maṅ-fẽ-maṅ ni atſa gbogbo awo he ke̱ maṅ-fẽ-maṅ ni yo̱ fe̱o, ni nyeatō tšo kpakpa-fẽ-tšo kpakpa, ni nyeatšīmo̱ nubui fẽ, ni nyeke̱ te̱i aafite abō̱ kpakpa-fẽ-abō̱ kpakpa!

²⁰Ni eba mli ake̱ lebi niyenii-afo̱lešã be mli le̱, na, nu dše̱ Edom gbe̱ le̱ no̱ ba, ni šikpoṅ le̱ no̱ yi to̱ ke̱ nu.

²¹Ni beni Moabbii le̱ fẽ nu ake̱ maṅtše̱mei le̱ efã ke̱-mība ní ame̱ke̱ame̱ abawu le̱, ayakpe mei fẽ ní eše̱ tayā ke̱ mei ni efo mli le̱ ke̱-ba, ni ame̱badamo̱ hũsũ le̱ no̱.

²²Ni beni ame̱te ši lebi mā̃ṅkpa, ni hũlũ kpe̱ ye̱ nui le̱ ano̱ le̱, Moabbii le̱ na nui le̱ ní yo̱ ame̱hĩe le̱ ake̱ etšu fā tamo̱ lá;

²³ni ame̱kē̱: Lá ne̱! maṅtše̱mei le̱ dientše̱ ke̱ ame̱he ewuwui, ni ame̱tſiatſiā ame̱he nii; nohewe̱ le̱ agbe̱ne̱, Moabbii, nyeyahaä nii!

²⁴Ši beni ame̱še̱ Israelbii le̱ ansra le̱ he le̱, Israelbii le̱ te ši ni ame̱tſia Moabbii le̱ anii, ni ame̱dšo foi ye̱ ame̱hĩe; ni ame̱bote šikpoṅ le̱ no̱ ni ame̱gbegbē Moabbii le̱.

²⁵Ni *ame̱dſāra mãdši le̱, ni mofẽmo še̱ ete̱ efō̱ abō̱ kpakpa-fẽ-abō̱ kpakpa mli, ni ame̱wowōame̱ obõbõ, ni ame̱tšĩmo̱ nubui fẽ, ni ame̱tō tšei kpakpai fẽ, dša Kir-Hareset gbogboi le̱ pe̱ ame̱šī; ši kẽle̱ akromiafõlo̱i le̱ yabo̱lele̱ ni ame̱tſiale̱ nii. [21]

²⁶Ši beni Moab maṅtše̱ le̱ na ake̱ ta le̱ mli wa tšṍ hãle̱ le̱, eṅõ hĩĩ ohai-kpawo ni hĩe klante efata ehe, koni ame̱tšere̱ mli ke̱-ya Edom maṅtše̱ le̱ ṅō; ši ame̱nyēē.

²⁷Ke̱ke̱ ni eṅõ ebinū ní dši ekromo̱bi ní kũle̱ le̱ ebaye maṅtše̱ ye̱ ese̱ le̱, ni eke̱le̱ šã šã-afo̱le ye̱ gbogbo le̱ no̱. Ni mlifũ kpeteṅkple ba Israel no̱. Ni ame̱šĩle̱, ni ame̱kũ ame̱se̱ ke̱-ba ame̱sikpoṅ le̱ no̱.