Read luganda 2 Maṅtše̱me̱i 5 Bible Online

2 Maṅtše̱me̱i 5 - luganda bible

2 Maṅtše̱me̱i 5

¹Ši Naeman, Aram maṅtše̱ le̱ asafoiatše̱nukpa le̱, gbomo agbo dšile̱ ye̱ enuntšo̱ le̱ hĩe, ni abuo̱le̱, edšake̱ le̱ enine no̱ Iehowa tšṍ ehã Aram ye kũnim; ni asaṅ edši nū ekālo̱ kpanā, ši ēye kpiti.

²Ši Arambii le̱ efã ye̱ asafoiaṅ asafoiaṅ ke̱-ba, ni ame̱baṅõ gbekẽ oblayō fio ko nom ke̱-dše̱ Israel šikpoṅ le̱ no̱ ke̱-te; ni esúmoo̱ Naeman ṅã le̱.

³Ni ekē̱ ewura le̱ ake̱: Miná ní minuntšo̱ yadše gbalo̱ ní yo̱ Samaria le̱ ṅō kũle̱, eetšá ekpiti ne̱ ehãle̱ kwa!

⁴Ke̱ke̱ ni ete ni eyagba enuntšo̱ le̱ ake̱: Bo̱ni oblayō le̱ ni dše̱ Israel šikpoṅ le̱ no̱ le̱ kē̱ ne̱.

⁵Ni Aram maṅtše̱ le̱ kē̱: Ya, ši mibamãdše Israel maṅtše̱ le̱ wolo. Ni eyiṅ, ni ehĩe dſie̱te̱i talentai nyoṅma ke̱ šika kukudši akpei-ekpa ke̱ wulamo̱ atadei nyoṅma ke̱-te.

⁶Ni eke̱ wolo le̱ bahã Israel maṅtše̱ le̱, (ni aṅmã ye̱ mli) ake̱: Agbe̱ne̱ kē̱ ne̱ke̱ wolo ne̱ še̱ odẽ le̱, na, mihã mitšũlo̱ Naeman eba oṅõ, koni otšá ekpiti le̱ ohãle̱.

⁷Ni eba mli ake̱, beni Israel maṅ-tše̱ le̱ kane wolo le̱, egbla etadei ni ekē̱: Ani Nyoṅmo̱ dšimi ni migbeo̱ mo ni mihãa mo yi náa wala, hewo̱ ni mone̱ tšũo̱ miṅõ ake̱ mitšá moko kpiti mihãle̱ ne̱? Ši *nyedſẽṅa he ni nyeana ake̱ minā bēi etaoo̱ ne̱. [33]

⁸Ni eba mli ake̱, beni Eliša, Nyoṅmo̱ gbomo le̱, nu ake̱ Israel maṅtše̱ le̱ egbla etadei le̱, etšũ ate maṅtše̱ le̱ ṅõ ayakē̱le̱ ake̱: Mẽba ni ogbla otadei le̱? hã ní eba miṅõ ke̱ke̱, koni ená ele ake̱ gbalo̱ ko ye̱ Israel.

⁹Ke̱ke̱ ni Naeman ke̱ ekpo̱ṅo̱i ke̱ eſīlii le̱ ba ni ebadamo̱ Eliša we le̱ agbó le̱ nā.

¹⁰Ni Eliša tšũ bo̱fo ko ke̱-te eṅõ ekē̱: Ya ní oyadšu ohe šii kpawo ye̱ Iordan mli, ni ohewolo aahĩ ekoṅ, ni ohe aatše!

¹¹Ke̱ke̱ ni Naeman mli fũ, ni eyiṅ ke̱-miya, ni ekē̱: Na, miyiṅ fẽ le̱: Eedše kpo ke̱-ba miṅõ, ni ebadamo̱ ši, ni etšē̱ Iehowa, e-Nyoṅmo̱ le̱, gbei, ni eke̱ enine ahū dše̱i, ni etšá kpiti le̱!

¹²Ani Abana ke̱ Farfar, Damasko fai le̱, ehĩĩ fé Israel nui le̱ fẽ, ke̱ ka nakai le̱? kũle̱ midšuu ye̱ nomei amli ni mihe tše? Ni etšṍ ehe ni eyiṅ ke̱ mlila.

¹³Ke̱ke̱ ni etšũdši le̱ tši be̱ṅke̱le̱, ni ame̱wie ame̱tšõle̱ ni ame̱kē̱: Mitše̱! noko wulu ko ni gbalo̱ le̱ kē̱ ofe kũle̱, aso ofeṅ? āhũ moṅ ní ekē̱o ake̱: Yadšu ohe, ni ohe atše?

¹⁴Ke̱ke̱ ni ekpleke ši, ni eke̱ ehe yatšo̱ Iordan mli šii kpawo ye̱ Nyoṅmo̱ gbomo le̱ wiemo̱ le̱ nā; *ni ehewolo hĩ ekoṅ tamo gbekẽ fiõ hewolo, ni ehe tše. [34]

¹⁵Ni ekũ ese̱ eba Nyoṅmo̱ gbomo le̱ ṅõ ekoṅ, le̱ ke̱ mei ní eke̱-nyie le̱ fẽ, ni ebadamo̱ ehĩe, ni ekē̱: Na, kpako dāni miná mile ake̱ Nyoṅmo̱ ko Nyoṅmo̱ ko be̱ šikpoṅ ne̱ no̱ fẽ, ake̱ dša Israel ke̱ke̱; nohewo̱ le̱ agbe̱ne̱ hemo̱ otšũlo̱ deṅ *nikēnii ko! [35]

¹⁶Ši ekē̱: Gbĩĩabo̱ ni Iehowa, mo hĩe ní midamoo̱ le̱, hĩe kā ne̱: mihee noko! Ni enyẽ eno̱ ake̱ ehe kẽ, ši ekplẽẽ.

¹⁷Ke̱ke̱ ni Naeman kē̱: Ké̱ hoo le̱, bĕle̱ ofai ne̱, hã ní ahã otšũlo̱ sũ tedši-okpo̱ṅo̱i enyo̱ yitĕremo̱; edšake̱ otšũlo̱ ešãṅ šã-afole lo afo̱le kroko ehãṅ nyoṅmo̱ ko nyoṅmo̱ ko doṅṅ, ake̱ dša Iehowa ke̱ke̱!

¹⁸Ene̱ ke̱ke̱ Iehowa aṅõ-fa otšũlo̱, ake̱ ke̱dši minuntšo̱ miya Rimon we le̱ ayadšá ye̱ dše̱i, ní *ekpasaä minine, ni mi hũ mikotoo̱ ši ye̱ Rimon we le̱, ké̱ miyakoto ši ye̱ Rimon we le̱, no le̱ Iehowa aṅõ no afa otšũlo̱! [36]

¹⁹Ni ekē̱le̱ ake̱: Ya ye̱ hedšo̱le̱ mli! Ke̱ke̱ ni edše eṅõ ete ble fiō.

²⁰Ši Gehazi, Nyoṅmo̱ gbomo Eliša tšũlo̱ le̱, kē̱: Na, minuntšo̱ eṅõ Naeman, Aramnyo ne̱, he ekele̱, ni ehee noni eke̱-ba le̱ ye̱ edẽ; gbĩĩabo̱ kẽ ní Iehowa hĩe kã ne̱, maša foi ke̱-nyie ese̱, ni mayahe noko ye̱ edeṅ!

²¹Ke̱ke̱ ni Gehazi ṅõ-ſie Naeman se̱. Ni beni Naeman na ake̱ moko hĩe foi ke̱-nyie ese̱ le̱, edše̱ ſīli le̱ mli eyi ši, ni eke̱le̱ bakpe ni ekē̱: Mei le̱ fẽ ye̱ dšogbāṅ lo?

²²Ni ekē̱: Ame̱ye̱ dšogbāṅ! Minuntšo̱ tšũmi ake̱: Na, biane̱ tō̃ ne̱ gbalo̱i abii le̱ ateṅ oblahĩĩ enyo̱ edše̱ Efraim goṅ le̱ no̱ eba miṅõ; ofai ne̱, hãame̱ dſie̱te̱i talenta kome, ke̱ wulamo̱ atadei enyo̱!

²³Ni Naeman kē̱: Kplẽmo̱ ni ohe talentai enyo̱! Ni enyẽ eno̱, ni efĩmo̱ dſe̱te̱i talentai enyo̱ ewo kotokui enyo̱ mli, ke̱ wulamo̱ atadei enyo̱. Ni eṅõ-tĕre etšũdši le̱ ateṅ mei enyo̱, ni ame̱tẽre ke̱-nyie ehĩe.

²⁴Ši beni ame̱se̱ ṅmeṅme le̱ he le̱, ehe ye̱ ame̱dẽ, ni eṅõ-to šĩa le̱, ni ewo hĩĩ le̱ agbe, ni ame̱yĩṅ ame̱te.

²⁵Ni eba ebadamo̱ enuntšo̱ le̱ hĩe. Ni Eliša bile̱ ake̱: Nẽgbe̱ odše̱, Gehazi? Ni ekē̱: Otšũlo̱ eyako hekoheko.

²⁶Ni ekē̱le̱ ake̱: Nto mitšui ke̱o te, beni nū le̱ tšṍ ehe ke̱-dše̱ eſīli le̱ mli ni eke̱o bakpe le̱? Ani be ní ake̱-heo̱ dſie̱te̱i, ni asaṅ ake̱-heo̱ atadei ke̱ mũtšei ke̱ weintromi ke̱ tōi ke̱ tšinai ke̱ wehĩĩ ke̱ weyei ne̱?

²⁷Nohewo̱ le̱ Naeman kpiti le̱ aakpe̱te̱ ohe ke̱ osešibii ahe ke̱-ya nāno̱. Ni edše̱ eble edše kpo ke̱ ehe kpiti aakō tamo̱ snõ.