Read luganda 2 Maṅtše̱me̱i 7 Bible Online

2 Maṅtše̱me̱i 7 - luganda bible

2 Maṅtše̱me̱i 7

¹Ke̱ke̱ ni Eliša kē̱: Nyeboa Iehowa wiemo̱ toi! *Bo̱ni Iehowa kē̱ ne̱: Wō̱ aafe be ne̱ yino̱ pe̱ le̱ ṅmā̃ mãmu sea kome bahe šekel kome, ni able seai enyo̱ hũ bahe šekel kome ye Samaria agbó nã. [42]

²Ke̱ke̱ ni asafoiatše̱ le̱ ni maṅtše̱ le̱ *kpasaä enine le̱ here Nyoṅmo̱ gbomo le̱ no̱ ni ekē̱: Na, ke̱dši Iehowa aafe samfe̱dši ye̱ ṅwei po le̱, aso wiemo̱ ne̱ aaba mli lo? Ni ekē̱: Na, bodientše̱ oona ke̱ ohĩṅme̱ii, ši oyeṅ eko! [43]

³Ši hĩĩ kpitiyelo̱i edſe̱ *ye̱ agbó le̱ nã; ni ame̱kē̱kē̱ ame̱he ake̱: Mẽhe-wo̱ ni wo̱o̱trá bie̱ ke̱-yaši beyino̱ ni wo̱o̱gboi? [44]

⁴Ke̱dši wo̱kē̱: Wo̱o̱te mã le̱ṅ le̱, hõmo̱ le̱ ye̱ mã le̱ṅ, ni wo̱o̱gboi ye̱ dše̱i; ni ke̱dši wo̱trá bie̱ hũ, gboimo̱ noṅṅ wo̱bagboi; nohewo le̱ agbe̱ne̱ nyebaä, nyehāa wo̱yagbea Aram ta le̱ṅ; ke̱dši ame̱here wo̱yiwala le̱, wo̱yi aaná wala; ni ke̱dši *ame̱gbewo̱ hũ, bēle̱ wo̱gboi ke̱ke̱! [45]

⁵Ni gbe̱ke̱, beni hīe feo̱ tūtū le̱, ame̱te ši ní ame̱ya Aram nsra le̱ṅ. Ši beni ame̱še̱ Aram nsra le̱ nā le̱, na, mokomoko be̱ dše̱i.

⁶Edšake̱ Nuntšo̱ le̱ hã Aram ta le̱ nu *ſilii agbē̱mo̱ ke̱ okpo̱ṅo̱i ananeši gbē̱mo̱ ke̱ ta babaō heni ame̱kē̱kē̱ amehe ake̱: Na, Israel maṅtše̱ le̱ eyabo̱ Hitbii le̱ amaṅtše̱mei le̱ ke̱ Mizraimbii amaṅtše̱mei le̱ apā ewowo̱, koni ame̱ke̱wo̱ abawu! [46]

⁷Nohewo̱ le̱ gbe̱ke̱, beni hīe feo̱ tūtū le̱, ame̱te ši ni ame̱dšo foi, ni ame̱šĩšī̃ ame̱būi le̱ ke̱ ame̱kpo̱ṅo̱i ke̱ ame̱tedšii ke̱ nsra le̱ dientse̱ take̱ bo̱ni eyo̱ le̱, ni ame̱dšodšō foi, koni ame̱here ame̱yiwala.

⁸Ni beni ne̱ke̱ kpitiyelo̱i ne̱ še̱ nsra le̱ nā le̱, ame̱bote bŭ kome mli, ni ame̱yayeyē nii ni ame̱nunū dā̃i, ni ame̱lō dſie̱te̱i ke̱ šika ke̱ mamai ke̱-dše̱ dše̱i, ni ame̱te ame̱ke̱-yatē. Ni ame̱ba ekoṅ, ni ame̱yabote bū kroko mli, ni ame̱lō dše̱i nii hũ, ni ame̱yiṅ ame̱te ame̱ke̱-yatē.

⁹Ke̱ke̱ ni ame̱kē̱kē̱ ame̱he ake̱: Bo̱ni wo̱feo̱ ne̱ edšaa! Ṅme̱ne̱ gbĩ ne̱ sane kpakpa gbĩ ni; ši ke̱dši wo̱fe diṅṅ ni wo̱mẽ ke̱-yaši dšetše̱re lebi le̱, sõ ko aaye wo̱yi; nohewo̱ le̱ agbe̱ne̱ nyebaã ni wo̱tea wo̱yakē̱ ye̱ maṅtše̱ we le̱!

¹⁰Ke̱ke̱ ni ame̱ba ni ame̱batšē̱ maṅ le̱ agbókwe̱lo̱i le̱, ni ame̱kē̱ame̱ ake̱: Wo̱te Aram nsra le̱ṅ, ni na, mokomoko be̱ dše̱i, ni anuu gbomo ko gbē hũ, ake̱ dša okpo̱ṅo̱i ní afĩmo̱ame̱ aṅmlō ši, ke̱ tedšii ni afĩmo̱ame̱ aṅmlō ši, ke̱ būĩ le̱ hũ ta-mo̱ bo̱ni ame̱yo̱ le̱ noṅṅ.

¹¹Ke̱ke̱ ni agbókwe̱lo̱i le̱ blo̱ tšé̱, ni ayakē̱ ye̱ maṅtše̱ we le̱.

¹²Ni maṅtše̱ le̱ te ši nyō le̱ṅ, ni ekē̱ otšũdši le̱ ake̱: Agbe̱ne̱ matšõnye noni Aram fewo̱ ne̱. Ame̱le ake̱ hõmo̱ mīyewo̱; nohewo̱ le̱ ame̱dše nsra le̱ṅ ame̱te ame̱yatētē ame̱he ye̱ ṅã le̱ no̱ ake̱: Kē̱ ame̱dše kpo ke̱-dše̱ mã le̱ṅ ke̱-ba le̱, wo̱mõmo̱ame̱ hĩekãlo̱i, ni wo̱yabote mã le̱ṅ.

¹³Ni etšũdši le̱ ateṅ mokome here no̱ ni ekē̱: Bĕle̱ hã ni aṅõ okpo̱ṅo̱i ní efe̱ ye̱ mã le̱ṅ le̱ enumo̱ ko, (na, ame̱tamo̱ Israel asafo fẽ ní efe̱ ye̱ mã le̱ṅ le̱, ni na, ame̱tamo̱ Israel asafo fẽ ni hĩe kpãtã le̱ hũ,) koni wo̱tšũ ni ayakwe̱.

¹⁴Nohewo̱ le̱ ame̱ṅõ ſīlii enyo̱ ke̱ ame̱-nā okpo̱ṅo̱i, ni maṅtše̱ le̱ tšũame̱ ni ame̱tin Aram ta le̱, ni ekē̱: Nyeyaä ni nyeyakwe̱a!

¹⁵Ni ame̱tiuame̱ ke̱-yaši Iordan nā; ni na, gbe̱ le̱ no̱ fẽ eyi to̱ ke̱ atadei ke̱ nibiinibii ni Arambii le̱ eše̱re̱ eſie ye̱ ame̱yaiyeli le̱ mli. Ni bo̱foi le̱ kũ ame̱se̱ ame̱ba, ni ame̱bagba maṅtše̱ le̱.

¹⁶Ke̱ke̱ ni maṅ le̱ dše kpo te, ni ame̱yaha Aram nsra le̱. Ni ahō ṅmā̃ māmu sea kome ahe šekel kome, ke̱ able seai enyo̱ hũ šekel kome *ye̱ Iehowa wiemo̱ le̱ nā. [47]

¹⁷Ni maṅtše̱ le̱ ṅõ asafoiatše̱ le̱ ni ekpasaä enine le̱ eto agbó le̱ nā; ni maṅ le̱ nānā eno̱ ye̱ agbó le̱ nā ni egbo, take̱ bo̱ni Nyoṅmo̱ gbomo le̱ kē̱, beni maṅtše̱ le̱ kpleke ši ke̱-ba eṅõ le̱. [48]

¹⁸Ni eba mli bo̱ni Nyoṅmo̱ gbomo le̱ kē̱ maṅtše̱ le̱ ake̱: Wó̱ aafe bene̱ yi-no̱ le̱ able seai enyo̱ bahe šekel kome, ni ṅmā̃ māmu sea kome hũ bahe šekel kome ye̱ Samaria agbó nā,

¹⁹ni nakai asafoiatše̱ le̱ here Nyoṅmo̱ gbomo le̱ no̱ ake̱: Na, ke̱dši Iehowa aafe samfe̱dši ye̱ ṅwei po le̱, aso wiemo̱ ne̱ aaba mli lo? ni ekē̱le̱ ake̱: Na, bodientše̱ oona ke̱ ohĩṅme̱ii, ši oyeṅ eko le̱!

²⁰Nakai noṅṅ eba mli hãle̱, edšake̱ maṅ le̱ nānā eno̱ ye̱ agbó le̱ nā, ni egbo.