Read luganda 2 Maṅtše̱me̱i 8 Bible Online

2 Maṅtše̱me̱i 8 - luganda bible

2 Maṅtše̱me̱i 8

¹Ši Eliša ekē̱ yō le̱ *ni etšĩe ebi le̱ hĩe le̱ ake̱: Te ši ni oya, bo ke̱ owe le̱, ni oyato gbo̱ ye̱ befẽhe ní ooná; edšake̱ Iehowa etšé̱ hõmo̱ ke̱-mība, ni asaṅ ebaba šikpoṅ le̱ no̱ afii kpawo. [49]

²Ni yō le̱ ete ši ni efe bo̱ni Nyoṅmo̱ gbomo le̱ kē̱le̱ le̱, ni eke̱ ewe le̱ eyiṅ ame̱te, ni ame̱yato gbo̱ ye̱ Filistibii ašikpoṅ le̱ no̱ afii kpawo.

³Ni eba mli ake̱ afii kpawo le̱ nā-gbē mli le̱, yō le̱ kũ ese̱ ke̱-dše̱ Filistibii ašikpoṅ le̱ no̱ ke̱-ba; ni edše kpo ete ni eyafó ewo maṅtše̱ le̱ nidšiaṅ ye̱ ešīa ke̱ ešikpoṅ hewo̱.

⁴Ši maṅtše̱ le̱ ke̱ Gehazi, Nyoṅmo̱ gbomo le̱ tšũlo̱ le̱, miwie ni ekē̱le̱ ake̱: Gbami nibii wudši fẽ ní Eliša efe le̱.

⁵Ni eba mli ake̱, beni egbaã maṅtše̱ le̱ bo̱ni etšṍ etšĩe gbonyo hĩe le̱, na, yō le̱ ní etšĩe ebi le̱ hĩe le̱ bafó ewo maṅtše̱ le̱ nidšiaṅ ye̱ ešĩa ke̱ ešikpoṅ hewo̱. Ni Gehazi kē̱: Minuntšo̱ maṅtše̱! yō le̱ ne̱, ni ebi le̱ ni Eliša tšīe ehĩe le̱ hũ ne̱.

⁶Ni beni maṅtše̱ le̱ bi yō le̱, egbale̱. Ke̱ke̱ ni maṅtše̱ le̱ fã piafonyo ko hãle̱ ni ekē̱: Dãimo̱ nibii fẽ ni dši enõ le̱ ohãle̱, ke̱ šikpoṅ le̱ nibānii fẽ ke̱-dše̱ gbĩ no̱ ní eši šikpoṅ le̱ ke̱-baši bene̱.

⁷Ni Eliša ba Damasko; ni Ben-Hadad, Aram maṅtše̱ le̱, he miye; ni aya-gbale̱ ake̱: Nyoṅmo̱ gbomo le̱ eba bie̱ ne̱.

⁸Ni maṅtše̱ le̱ kē̱ Hazael ake̱: Ṅõ nikēnii ohĩe odẽ, ni oya oke̱ Nyoṅmo̱ gbomo le̱ ayakpe, ni oyabi Iehowa nii ye̱ eṅō ake̱: Ani hela ni miyeo̱ ne̱ mi-he aawami lo?

⁹Ni Hazael yiṅ ete ni eke̱le̱ yakpe, ni eṅō nikēnii ní dši Damasko nibii kpakpai le̱ fẽ eko ehīe edẽ, yomai nyoṅmai-edſe̱ yitēremo̱, ni eba ebadamo̱ ehĩe ni ekē̱: Obi Ben-Hadad, Aram maṅtše̱ le̱, tšũmi oṅō ekē̱: Ani hela ni miyeo̱ ne̱ mihe aawami lo?

¹⁰Ni Eliša kē̱le̱ ake̱: Ya ní oyakē̱le̱ ake̱: Ohe bawao! tše̱ Iehowa edšie etšõmi ake̱ ebagbo kẽ.

¹¹Ke̱ke̱ ni edo̱ ehĩṅme̱i eto eno̱ gã āhũ ke̱-yaši beyino̱ ni ehĩe gbo, ni Nyoṅmo̱ gbomo le̱ *fó. [50]

¹²Ni Hazael kē̱: Mẽhewo̱ minuntšo̱ fóo̱? Ni ehere no̱ ake̱: Edšake̱ mile efõṅ ni *obafe Israelbii le̱: ame̱mãdši ni he wa le̱ obamãmo̱ nā la, ni ame̱blahĩĩ le̱ oke̱ klante bagbeame̱, ni ame̱bii fufo̱bii le̱ ooṅõame̱ otſĩa ši, ni ame̱yeiho̱lo̱i le̱ oogblagbla ame̱mli! [51]

¹³Ni Hazael kē̱: Otšũlo̱, *gbé ne̱, namo dšile̱ ni éetšũ ne̱ke̱ noko wulu? Ni Eliša kē̱: Iehowa edšie etšõmi †ake̱ bo obaye Aram no̱ maṅtše̱. [52]

¹⁴Ni eyiṅ ke̱-dše̱ Eliša ṅõ ete, ni eba enuntšo̱ le̱ ṅõ; ni no bile̱ ake̱: Meni Eliša kē̱o? Ni ehere no̱ ake̱: Ekē̱mi ake̱: Ohe bawao!

¹⁵Ši dšetše̱reno̱ le̱ eba mli ake̱ eko sãno̱ bò ni eṅõ-tšo̱ nu mli, ni eṅõ-ha ehĩe, ni egbo. Ni Hazael ye maṅtše̱ ye̱ ese̱.

¹⁶Ni Ioram, Ahab bi le̱, ní dši Israel maṅtše̱ le̱, yino̱ afi ni dši enumo̱ le̱ ne̱, beni Iehošafat yeo̱ maṅtše̱ ye̱ Iuda le̱, Iehošafat, Iuda maṅtše̱ le̱, bi Iehoram babõi maṅtše̱yeli. [53]

¹⁷Eye afii nyoṅmai-etẽ ke̱ enyo̱, beni ebaye maṅtše̱ le̱, ni eye maṅtše̱ afii kpānyo̱ ye̱ Ierusalem.

¹⁸Ni enyie Israel maṅtše̱mei le̱ agbe le̱ no̱, tamo̱ bo̱ni Ahab we le̱ fe le̱; edšake̱ *Ahab biyō dši eṅã; ni efe efõṅ ye̱ Iehowa hĩe. [54]

¹⁹Ši kẽle̱ Iehowa sumo̱o̱ ake̱ ekpãtã Iuda hĩe, ye̱ etšũlo̱ David hewo̱, take̱ bo̱ni *ewole̱ ši ake̱ eehã le̱ ke̱ ebii le̱ kane dāne̱ le̱. [55]

²⁰Eyino̱ le̱ Edom tše Iuda hīe atũa, ni ame̱dientše̱ ame̱wo maṅtše̱ ame̱bã ame̱he.

²¹Ke̱ke̱ ni Iehoram foṅ ke̱-te Zair, eke̱ eſīlii le̱ fẽ; ni ete ši nyōṅ, ni eya-tſia Edombii ni ebo̱lele̱ ke̱-kpe le̱ ke̱ ſīlii le̱ ano̱ asafoiatše̱mei le̱ anii, ni [Iuda] maṅ le̱ dšo foi ke̱-te ame̱būi amli.

²²Ni Edom tše Iuda hĩe atũa ke̱-baši ṅme̱ne̱. No be le̱ mli noṅṅ Libna hũ tše atũa.

²³Ši Iehoram he sãdši ní eſe̱ le̱ ke̱ nibii fẽ ni efe le̱, ani aṅmãko ye̱ Iuda maṅtše̱mei le̱ ayino̱sãdši awolo le̱ mli?

²⁴Ni Iehoram ke̱ etše̱mei le̱ yawo̱, ni afũle̱ ye̱ etše̱mei amase̱i ye̱ David mã le̱ṅ; ni ebi Ahazia baye maṅtše̱ ye̱ ese̱.

²⁵Ioram, Ahab bi, ní dši Israel maṅtše̱ le̱ yino̱ afi ní dši nyoṅma ke̱ enyo̱ le̱ no̱ Ahazia, Iuda maṅtše̱ Iehoram bi le̱, baye maṅtše̱ le̱.

²⁶Ahazia eye afii nyoṅmai-enyo̱ ke̱ enyo̱, beni ebabõi maṅtše̱yeli le̱, ni eye maṅtše̱ afi kome ye̱ Ierusalem; ni enye gbe̱i dši *Atalia, Israel maṅtše̱ Omri biyō le̱. [56]

²⁷Ni enyie Ahab we le̱ gbe̱ le̱ no̱, ni efe efõṅ ye̱ Iehowa hĩe tamo̱ Ahab we le̱ noṅṅ; edšake̱ Ahab we le̱ bii le̱ ašānŭ dšile̱.

²⁸Ni eke̱ Ioram, Ahab bi le̱, yiṅ ame̱te ni ame̱ke̱ Hazael, Aram maṅtše̱ le̱, yawu ye̱ Ramot-Gilead; ši Arambii le̱ pila Ioram.

²⁹Ke̱ke̱ ni maṅtše̱ Ioram kũ ese̱ ke̱-ba Iezreel, *koni atšá epilamo̱i, ni Arambii le̱ pilale̱ ye̱ Rama, beni eke̱ Aram maṅtše̱ Hazael wuo̱ le̱, ahãle̱. Ni †Ahazia, Iuda maṅtše̱ Iehoram bi le̱, yiṅ ke̱-ba, koni ebasra Ioram, Ahab bi le̱, ye̱ Iezreel, edšake̱ ehe mīye. [57]