Read luganda 2 Maṅtše̱me̱i 9 Bible Online

2 Maṅtše̱me̱i 9 - luganda bible

2 Maṅtše̱me̱i 9

¹Ni gbale̱ Eliša tšē̱ gbalo̱i abii le̱ ateṅ mokome, ni ekē̱le̱ ake̱: Mĩamo̱, ni owó ne̱ke̱ mũ ke̱ to̱ ne̱ ohĩe odẽ, ni oya Ramot-Gilead.

²Ni kē̱ oše̱ dše̱i le̱, taomo̱ Iehu, Nimši bi Iehošafat bi le̱; ni oya tšũ mli, ni ohã ete ši ke̱-dše̱ enyemimei le̱ ateṅ, ni oke̱le̱ abote se̱tšũ mli;

³ke̱ke̱ ni owó mũ ke̱ to̱ le̱ ni ofo̱se oſie eyiteṅ, ni oke ake̱: Bo̱ni Iehowa kē̱ ne̱: *Miwoö Israel no̱ maṅtše̱! Ke̱ke̱ ni ogble šĩnā le̱, ni odšo foi, ni okatše̱. [58]

⁴Ke̱ke̱ ni oblanyo le̱ ni dši gbalo̱ oblanyo le̱, yiṅ ete Ramot-Gilead.

⁵Ni beni eše̱ dše̱i le̱, na, ta le̱ no̱ asafoiatše̱mei le̱ trá ši; ni ekē̱: Mihĩe sane ko mihahão, asafoiatše̱! Ni Iehu kē̱: Wo̱fẽ wo̱teṅ namo? Ni ekē̱: Bo, asafoiatše̱!

⁶Ke̱ke̱ ni ete ši ni eyiṅ ete šĩa le̱, ni efo̱se mũ le̱ eſie eyiteṅ, ni ekē̱le̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Mifo̱o mũ miwoö Iehowa maṅ ní dši Israel le̱ no̱ maṅtše̱.

⁷Ni ootſia onuntšo̱ *Ahab we le̱ nii, koni mike̱-to̱ mitšũdši gbalo̱i le̱ alá ke̱ Iehowa tšũdši le̱ fẽ alá he owele ye̱ Izebel no̱; [59]

⁸ni Ahab we le̱ fẽ hãe aakpãtã, ni maplenē Ahab mei le̱ ateṅ nū-fẽ-nū ke̱ moni aṅá eyi ke̱ moni ašīle̱ ye̱ Israel. [60]

⁹Ni mafe Ahab we le̱ tamo̱ *Ierobeam, Nebat bi le̱, we le̱ ke̱ †Baeša, Ahia bi le̱, we le̱. [61]

¹⁰Ni Izebel le̱, *gbēí aayele̱ ye̱ Iezreel šikpoṅ no̱, ni anáṅ mokomoko afũle̱! Ni egble šĩnā le̱ ni edšo foi. [62]

¹¹Ke̱ke̱ ni Iehu dše kpo ba enuntšo̱ tšũdši le̱ aṅõ; ni moko bile̱ ake̱: Hedšo̱le̱ sane ni lo? Mẽhewo̱ ni ne̱ke̱ se̱ke̱yelo̱ ne̱ ba oṅõ ne̱? Ni ekē̱ame̱ ake̱: Nyedientše̱ nyele gbomo le̱ ke̱ bo̱ni ewiemo̱i yo̱.

¹²Ni ame̱kē̱le̱ ake̱: Ebe̱ mli! gbawo̱ moṅ! Ni ekē̱: Ne̱ke̱ ke̱ ne̱ke̱ ekē̱mi ake̱. Bo̱ni Iehowa kē̱ ne̱: Mifo̱o mũ miwoö Israel no̱ maṅtše̱!

¹³Ke̱ke̱ ni ame̱he fe oyá, ni *ame̱teṅ mofẽmo dšie etade ni eṅõ-ha ši ehãle̱ ye̱ atrakpoi le̱ no̱, ni ame̱kpãkpã te̱tre̱mantre̱i ame̱kē̱: Iehu eye maṅtše̱! [63]

¹⁴Ke̱ke̱ ni Iehu, Nimši bi Iehošafat bi le̱, kpãṅ Ioram yi no̱. (Ši Ioram ke̱ Israel fẽ mību Ramot-Gilead he, ye̱ Hazael, Aram maṅtše̱ le̱, hewo̱;

¹⁵ni maṅtše̱ Ioram ekũ ese̱ ke̱-te Iezreel ni eyatšá epilamo̱i le̱ *ní Arambii le̱ pilale̱, beni eke̱ Hazael, Aram maṅtše̱ le̱, yawu le̱.) Ni Iehu kē̱: Ké̱ nyedſẽṅmo̱ ne̱ le̱, no le̱ nyekahãa mokomoko mldšoa foi ke̱-mīdše̱ mã le̱ṅ ni eyagba ye̱ Iezreel! [64]

¹⁶Ni Iehu ho tá ſīli mli ni eyiṅ ke̱-te Iezreel; edšake̱ Ioram kā ši ye̱ dše̱i. Ni *Ahazia, Iuda maṅtše̱ le̱, eyiṅ ke̱-ba ebasra Ioram. [65]

¹⁷Ni bulo̱ le̱ damo̱ mō̃ le̱ yiteṅ ye̱ Iezreel, ni ena Iehu asafoku le̱, beni ebaä le̱, ni ekē̱: Mīna asafoku ko! Ke̱ke̱ ni Ioram kē̱: Tšē̱ okpo̱ṅo̱no̱tálo̱ ko ni otšũle̱ ni eke̱ame̱ ayakpe, ni ebi ake̱: Hedšo̱le̱ sane ni lo?

¹⁸Ni okpo̱ṅo̱no̱tálo̱ ko te eke̱le̱ yakpe ni ekē̱: Bo̱ni maṅtše̱ kē̱ ne̱: He-dšo̱le̱ sane ni lo? Ni Iehu kē̱: Ohe sane ko mẽ dši hedšo̱le̱? ho mise̱! Ni bulo̱ le̱ gba ake̱: Bo̱fo le̱ eyaše̱ ame̱ṅõ, ši ekũũ ese̱ ebaa doṅṅ!

¹⁹Ke̱ke̱ ni etšũ okpo̱ṅo̱no̱tálo̱ ni dši enyo̱ ke̱-te, ni beni eyaše̱ ame̱ṅõ le̱, ekē̱: Bo̱ni maṅtše̱ kē̱ ne̱: Hedšo̱le̱ sane ni lo? Ni Iehu kē̱: Ohe sane ko mẽ dši hedšo̱le̱? ho mise̱!

²⁰Ni bulo̱ le̱ gba ake̱: Eyaše̱ ame̱ṅõ, ši ekũũ ese̱ ebaa doṅṅ; ni ſīli le̱ foiwō tamo̱ Iehu, Nimši bi le̱, ſīli foiwō; edšake̱ ewoo ſīli foi gidigidi.

²¹Ke̱ke̱ ni Ioram kē̱: Nyesāa ſīli le̱! Ni ame̱sā eſīli le̱. Ni Ioram, Israel maṅtše̱ le̱, ke̱ Ahazia, Iuda maṅtše̱ le̱, dše kpo, mofẽmo tá eſīli mli, ni ame̱ke̱ Iehu ayakpe, ni ame̱yaninale̱ ye̱ *Nabot, Iezreelnyo le̱, šikpoṅ le̱ no̱. [66]

²²Ni eba mli ake̱, beni Ioram na Iehu le̱, ekē̱: Hedšo̱le̱ sane ni lo, Iehu? Ni ehere no̱ ake̱: Mẽ hedšo̱le̱ ni, gbĩĩabo̱ ní onye Izebel adſamaṅbō̱i ke̱ eṅkũnyāyelii le̱ ſá babaō lolo ne̱?

²³Ke̱ke̱ ni Ioram tšṍ ehe ni edšo foi, ni ekē̱ Ahazia ake̱: Kũtũmpo̱o ni, Ahazia!

²⁴Ke̱ke̱ ni Iehu ko̱ egãi ni eṅõ-tšẽ Ioram kõdši ateṅ, ni gãimlibi le̱ tšṍ etsui mli ke̱-dše kpo, ni egbē eſīli le̱ mli.

²⁵Ni ekē̱ esafoiatše̱ Bidekar ake̱: Wóle̱ ofõ Nabot, Iezreelnyo le̱, šikpoṅ le̱ no! Edšake̱ kaimo̱ ake̱ mike̱o fẽ trá ſīli mli ke̱-nyie etše̱ Ahab se̱, beni *Iehowa ṅõ ne̱ke̱ kodšomo̱ ne̱ efõ eno̱ le̱. [67]

²⁶Iehowa kē̱: Le̱le̱ṅ ake̱ nyè le̱ mina Nabot lá le̱ ke̱ ebii le̱ alái, ni mawoö he nyõmo̱ ye̱ ne̱ke̱ šikpoṅ ṅe̱ no̱ noṅṅ, Iehowa kei No̱hewo̱ le̱ agbe̱ne̱ wóle̱ ofõ šikpoṅ ne̱ no̱ ye̱ Iehowa wiemo̱ le̱ nā!

²⁷Ši *beni Ahazia, Iuda maṅtše̱ le̱, na ene̱ le̱, edšo foi ke̱-tšṍ trom le̱ mli tšũ le̱ gbe̱ le̱ no̱. Ni Iehu tiule̱ ni ekē̱: Le̱ hũ nyetſiaäle̱ nii ye̱ eſīli le̱ṅ! Ni ame̱tſiale̱ nii ye̱ Gur ṅmeṅme le̱ ní yo̱ Ibleam mase̱i le̱ he. Ni edšo foi ke̱-te Megido ni eyagbo ye̱ dše̱i. [68]

²⁸Ni etšũdši le̱ *ke̱le̱ wo ſīli mli ni ame̱ke̱le̱ ha Ierusalem, ni ame̱bafũle̱ ye̱ efũhe le̱ ye̱ etše̱mei le̱ amase̱i ye̱ David mã le̱ṅ. [69]

²⁹Ši Ahab bi Ioram yino̱ afi ni dši nyoṅma ke̱ ekome le̱ no̱ Ahazia babõi maṅtše̱yeli ye̱ Iuda no̱.

³⁰Ni Iehu ba Iezreel. Ni beni Izebel nu le̱, ekpa ehĩṅme̱ii ase̱ tšofã, ni eho̱ eyi fe̱fe̱o, ni eyabu samfle̱ nā ēkwe̱.

³¹Ni beni Iehu ba agbó le̱ nā le̱, no kē̱: *Ani Zimri ni gbe enuntšo̱ le̱ ná hedšo̱le̱ lo? [70]

³²Ni ewó ehĩe no̱ ekwe̱ samfle̱ le̱ nā ni ekē̱: Namo yo̱ migbe̱fãṅ, namo? Ni piafoi enyo̱ lo etẽ gbo ame̱yi nā kpo ame̱kwe̱le̱.

³³Ni ekē̱: Nyetšiale̱ nyegbẽa ši! Ke̱-ke̱ ni ame̱tšile̱ ame̱gbē ši, ni elá le̱ eko tšẽṅe ſie gbogbo le̱ he ke̱ okpo̱ṅo̱i le̱ ahe, ni ame̱nānā eno̱.

³⁴Ni beni ete šĩa le̱ ni eyaye nii ni enu noko le̱, ekē̱: Nyeyaä nyeyakwe̱a ne̱ke̱ yō musumo ne̱, ni nyefũale̱; edšake̱ maṅtše̱ biyō ni.

³⁵Ni ame̱yiṅ ame̱tele̱ fũ; ši ame̱naa ehe nokonoko, ake̱ dša eyitšoṅoṅo ke̱ enãdši ke̱ enine ko̱ko̱i ke̱ke̱.

³⁶Nohewo̱ le̱ ame̱kũ ame̱se̱ ame̱bakē̱le̱. Ni ekē̱: Iehowa *wieme̱ ni etšṍ etšũlo̱ Elia, Tisbinyo le̱, no̱ ewie le̱ ne̱, ēkē̱: Iezreel šikpoṅ le̱ no̱ noṅṅ ni gbēí baye Izebel lō ye̱, [71]

³⁷ni Izebel gbonyo batšṍ tamo̱ tumuno̱ noko ye̱ ṅã le̱ no̱ ye̱ Iezreel šikpoṅ le̱ no̱, ni akē̱ṅ ake̱: Izebel ne̱!