Read luganda 1 Kronika 13 Bible Online

1 Kronika 13 - luganda bible

1 Kronika 13

¹Ke̱ke̱ ni David ke̱ mei akpekpei ke̱ mei ohahai ano̱ asafoiatše̱mei ke̱ lumei le̱ fẽ te adšina;

²ni David ké̱ Israel gwabō̱ mū le̱ fẽ ake̱: Ke̱dši esa nyehĩe ni edše̱ Iehowa, wo̱-Nyoṅmo̱ le̱, ṅõ le̱, no le̱ nyehãa wo̱tšũa ke̱-yaä hefẽhe ye̱ wo̱nyemimei ní eſe̱ ye̱ Israel šikpõdši le̱ fẽ no̱ le̱ ke̱ oso̱foi ke̱ Levibii ní ke̱ame̱ yo̱ ame̱mãdši ke̱ ame̱he šikpõdši le̱ ano̱ le̱ aṅõ, koni ame̱bua ame̱he nā ke̱-ba wo̱ṅõ,

³ni wo̱yawó wo̱-Nyoṅme̱ le̱ adeka le̱ ke̱-ba wo̱ṅõ ekoṅ; edšake̱ Saul yino̱ le̱ wo̱bii ši.

⁴Ke̱ke̱ ni gwabō̱ mū le̱ fẽ kē̱ ake̱ afe nakai; edšake̱ sane ne̱ sa maṅ mū le̱ fẽ hĩe.

⁵Ni David bua Israel mū le̱ fẽ nă ke̱-kpe, ke̱-dše̱ Mizraim fā Šihor le̱ he āhũ ke̱-yaši Hamat tõ, koni ayawó Nyoṅmo̱ adeka le̱ ke̱-dše̱ Kiriat-Iearim ke̱-ba.

⁶Ni David ke̱ Israel mū le̱ fẽ yiṅ ke̱-te *Baal ni dši Kiriat-Iearim ni yo̱ Iuda le̱, koni ame̱yawó Nyoṅmo̱ Iehowa ní hĩo̱ kerubim le̱ ateṅ le̱ adeka ní atšé̱o̱ egbe̱i ye̱ no̱ le̱ ke̱-dše̱ dše̱i ke̱-ba. [123]

⁷Ni amé̱gbla Nyoṅmo̱ adeka le̱ ye̱ ſīli hẽ ko no̱ ke̱-dše̱ Abinadab we le̱; ni Uza ke̱ Ahio kudo̱ö̱ ſīli le̱.

⁸Ni David ke̱ Israel mū le̱ fẽ ſe̱ ye̱ Nyoṅme̱ hĩe ke̱ ame̱hewale̱ fẽ ke̱ lalai ke̱ saṅkũi ke̱ be̱dši ke̱ mĩdši ke̱ ṅme̱dši ke̱ te̱tre̱mantre̱i.

⁹Ši beni ame̱še̱ Kidon ṅmā̃gbẽmo̱he le̱, Uza kpã enine mli ke̱-te adeka le̱ he ni emõ mli, edšake̱ tšinai le̱ hã ehoso.

¹⁰Ni Iehowa mli fũ Uza, ni etſale̱ nõ, edšake̱ ekpă enine mli emō adeka le̱ mli, ni egbo ye̱ dše̱i ye̱ Nyoṅmo̱ hĩe.

¹¹Ni edo̱ David ake̱ Iehowa egbá ewo Uza, ni etšé̱ dše̱i ake̱: Perez-Uza ke̱ ṅme̱ne̱.

¹²Ni David še Nyoṅmo̱ gbeyei nakai gbĩ le̱, ni ekē̱: Té mafe tēṅ ní mike̱ Nyoṅmo̱ adeka le̱ aaba miṅõṅ?

¹³Nohewo̱ le̱ David hãã ake̱ adeka le̱ aba eṅõ ye̱ David mã le̱ṅ, ši moṅ ehã awó ke̱-tšṍ afã ke̱-te Obed-Edom, Gitinyo le̱, we le̱.

¹⁴Ni Nyoṅmo̱ adeka le̱ hĩ Obed-Edom bii le̱ aṅõ ye̱ ešĩa le̱ nyõdši etẽ; ni Iehowa dšō̱ Obed-Edom we le̱ ke̱ nofẽno ni eyo̱.