Read luganda 1 Kronika 14 Bible Online

1 Kronika 14 - luganda bible

1 Kronika 14

¹Ni Hiram, Tiro maṅtše̱ le̱, tšũ bo̱foi ke̱-ba David ṅõ, ke̱ tšenedrutšei ke̱ te̱gbogbotſalo̱i ke̱ ṅmoṅmlogbo̱lo̱i, koni ame̱bamã tšũ ame̱hãle̱.

²Ni David na ake̱ Iehowa ehã efĩ ši ake̱ maṅtše̱ ye̱ Israel no̱, edšake̱ emaṅ Israel hewo̱ le̱ awó emaṅtše̱yeli le̱ no̱ godšō.

³Ni David sā ṅõ yei krokomei ye̱ Ierusalem efata he, ni David fo̱ bihīĩ ke̱ biyei krokomei efata he.

⁴Ni mei ni afo̱ ahãle̱ ye̱ Ierusalem le̱ agbe̱ii ne̱: Šamua ke̱ Šobab, Natan ke̱ Salomo,

⁵ke̱ Ibhar ke̱ Elišua ke̱ Elpelet

⁶ke̱ Noga ke̱ Nefeg ke̱ Iafia

⁷ke̱ Elišama ke̱ Beeliada ke̱ Elifelet.

⁸Ši beni Filistibii le̱ nu ake̱ afo̱ David mũ awole̱ Israel mū le̱ fẽ ne̱ maṅtše̱ le̱, Filistibii le̱ fẽ fã ke̱-ba David taomo̱. Ni beni David nu le̱, efã eke̱-ame̱ yakpe.

⁹Ni Filistibii le̱ ha ni ame̱bagbá ye̱ Refaim dšō̱ le̱ṅ.

¹⁰Ni David yabi Nyoṅmo̱ ake̱: Ani mifã miyanina Filistibii le̱ lo? ani oodšieame̱ owo mideṅ lo? Ni Iehowa kē̱le̱ ake̱: Fã ke̱-ya, ni madšieame̱ mawo odeṅ!

¹¹Ni ame̱fă ke̱-te Baal-Perazim, ni David tſiaame̱ nii ye̱ dše̱i. Ni David kē̱: Nyoṅmo̱ etšṍ minine no egbá ewo mihenye̱lo̱i le̱ tamo̱ nu gbáa ke̱-dšeo̱ kpo le̱! Nohewo̱ le̱ atšé̱o̱ dše̱i ake̱: Baal-Perazim.

¹²Ni ame̱ši ame̱nyoṅmo̱i le̱ ye̱ dše̱i, ni David fã́ ni *ašāame̱ ye̱ la mli. [124]

¹³Ši Filistibii sā fã ke̱-ba ekoṅ, ni ame̱bagbá ye̱ dšō̱ le̱ṅ.

¹⁴Ni David bi Nyoṅmo̱ ekoṅ, ni Nyoṅmo̱ kē̱le̱ ake̱: Kāfã ke̱-mīyanyie ame̱se̱; ši moṅ do̱ oyi ke̱-dše ame̱no̱, ni otšṍ Bakatšei le̱ aṅe̱le̱no̱ oyaninaame̱.

¹⁵Ni aba mli ake̱, ké̱ onu nyiemo̱ gbē̱mo̱ ye̱ Bakatšei le̱ ano̱ le̱, ke̱ke̱ ni ofã ni oyawu; edšake̱ Nyoṅmo̱ edše kpo ke-nyie ohĩe ni eyatſia Filistibii ata le̱ nii.

¹⁶Ni David fe bo̱ni Nyoṅmo̱ fã́le̱ le̱, ni ame̱tſia Filistibii ata le̱ nii ke̱-dše̱ Gibeon āhũ ke̱-yaſie Gezer.

¹⁷Ni David gbe̱i hehe ke̱-te šikpõdši le̱ fẽ no̱, ni Iehowa hã ehe ṅmiṅmi mõmo̱ dšeṅmădši le̱ fẽ.