Read luganda 1 Kronika 16 Bible Online

1 Kronika 16 - luganda bible

1 Kronika 16

¹Ni ame̱ke̱ Nyoṅmo̱ adeka le̱ ba ni ame̱ke̱-bamă bū le̱ ni David eši ehãle̱ le̱ teṅ, ni ame̱šã šã-afo̱lei ke̱ šidā-afo̱lei ye̱ Nyoṅmo̱ hĩe.

²Ni beni David šã šã-afo̱lei le̱ ke̱ šidā-afo̱lei le̱ egbe nā le̱, eke̱ Iehowa gbe̱i le̱ dšō̱ maṅ le̱.

³Ni edšá Israelbii le̱ fẽ, hĩĩ ke̱ yei le̱ fẽ nii, ehã mofẽmo abolo akwãbo̱ kome ke̱ lō kukuli kome ke̱ weinyibii atatale kome.

⁴Ni efãmo̱ Levibii le̱ ateṅ meikomei eto ni ame̱súmo̱ ye̱ Iehowa adeka le̱ hĩe, ni ame̱dšie Iehowa, Israel Nyoṅmo̱ le̱, yi ni ame̱dale̱ ši ni ame̱kafole̱:

⁵Asaf dši onukpa, ni moni dši enyo̱ le̱ Zakaria; Ieiel ke̱ Šemiramot ke̱ Iehiel ke̱ Matitia ke̱ Eliab ke̱ Benaia ke̱ Obed-Edom ke̱ Ieiel ame̱hĩe be̱dši ke̱ saṅkūi, ni Asaf tſiaã ṅme̱dši ní nā wa le̱;

⁶ni Benaia ke̱ Iahaziel, oso̱foi le̱, kpãa te̱tre̱mantre̱ dăne̱ ye̱ Nyoṅmo̱ kpãṅmo̱ adeka le̱ hĩe.

⁷Nakai gbĩĩ le̱ kleṅkleṅ David to Asaf ke̱ enyemimei le̱ ake̱ ame̱da Iehowa ši:

⁸Nyedaä Iehowa ši, nyetšĩa egbe̱i atã! Nyehãa mãdši le̱ alea enifemo̱nii le̱!

⁹Nyelaã nyehãale̱! Nyelaã nyedšiea eyi! Nyesusua enākpe̱ nitšumo̱i le̱ fiā he!

¹⁰Nyefãa nyefõa egbe̱i kroṅkroṅ le̱ ne̱; Iehowa se̱gbe̱taolo̱i le̱ atšui anyõ ame̱mli.

¹¹Nyetaoa Iehowa ke̱ ehewale̱ le̱ se̱gbe̱, nyetaoa ehĩegbe̱ dã.

¹²Nyekaia enākpe̱ nitšumo̱i ni etšu le̱, enākpe̱nii le̱ ke̱ mlai ni dše̱ edãṅ le̱,

¹³nye, etšũlo̱ Israel sešibii le̱, nye, Iakob bii ni dši mei ni ehala le̱!

¹⁴Le̱, Iehowa le̱, dši wo̱-Nyoṅmo̱; eko-dšomo̱i le̱ ekpẽle šikpoṅ le̱ no̱ fẽ.

¹⁵Nyekaia ekpãṅmo̱ le̱ ke̱-yaä nāno̱, wiemo ni eṅõ-wo yino̱i akpe kitã le̱,

¹⁶kpãṅmo̱ ni eke̱ Abraham kpãṅ le̱, ke̱ kită hũ ni ekã Isak le̱;

¹⁷ni emã no̱ aduatšo̱ ehã Iakob ake̱ akpo̱, ke̱ Israel hũ ake̱ nāno̱ kpãṅmo̱,

¹⁸ekē̱: Bo maṅõ Kanaan šikpoṅ le̱ mahã ake̱ nyegbošinii agbe̱fãṅnõ!

¹⁹No mli le̱ nyeyi fáá ko, hẽ, nyeyi fáá kwră, gboi dšinye ye̱ dše̱i;

²⁰ni ame̱tšomlo ke̱-dše̱ dšeṅmaṅ no̱ ke̱-te dšeṅmaṅ kroko no̱, ke̱-dše̱ maṅtše̱yelihe kome ke̱-te maṅ kroko no̱.

²¹Eṅmẽẽ mokomoko gbe̱ ní efeame̱ efõṅ, ni ame̱hewo̱ le̱ *ekã maṅtše̱mei ahĩe, [129]

²²ekē̱: “Nyekataä mei ní mifo̱ame̱ mũ le̱ ahe, ni migbale̱i le̱ hũ, nyekafeaame̱ noko!”

²³Nyelaã nyehãa Iehowa, šikpoṅ mũ le̱ fẽ! Nyešie̱a eyiwalaheremo̱ le̱ ke̱-dše̱a gbĩ no̱ ke̱-yaã gbĩ no̱!

²⁴Nyegbaä enumnyam le̱ ye̱ dšeṅmãdši le̱ ateṅ, ke̱ enãkpe̱ nitšumo̱i le̱ ye̱ mădši fẽ-kwa ateṅ.

²⁵Edšake̱ Iehowa da kple ni esa yidšiemo̱ babaō, ni ehe ye̱ gbeyei fẽ nyoṅmo̱i le̱ fẽ.

²⁶Edšake̱ mãdši le̱ fẽ anyoṅmo̱i le̱ amãgãi ni, ši Iehowa le̱, le̱ efe ṅwei.

²⁷Wō ke̱ agbodšē ye̱ ehĩe, hewale̱ ke̱ mīše̱ hũ ye̱ ešihĩle̱he le̱.

²⁸Nye mãdši le̱ amli akutšei le̱, *nyeṅõ-hãa Iehowa, nyeṅõa anumnyam ke̱ hewale̱ nyehša Iehowa! [130]

²⁹Nyeṅõa anumnyam ni sa Iehowa gbe̱i le̱ nyehãale̱; nyeke̱ nikēnii hũ abaä, ni nyebaä ehĩe; nyedšáa Iehowa ye̱ wulamo̱ kroṅkroṅ mli!

³⁰Šikpoṅ mū le̱ fẽ, nyehe akpokpoa ye̱ ehĩe! Aṅõ dše le̱ hũ amã ši šiṅṅ ni ehosoṅ!

³¹Ṅwei anyã́, ni šikpoṅ mli aflile̱, ni akē̱ ye̱ dšeṅmãdši le̱ ateṅ ake̱: Iehowa miye maṅtše̱!

³²Nšo̱ ahū̃ ke̱ emlinii le̱, ni ṅã le̱ abo oše ke̱ nii ní yo̱ mli fẽ!

³³No koni kōṅ tšei aala ke̱ nyã́mo̱ ye̱ Iehowa hĩe, edšake̱ eba ebakodšo šikpoṅ le̱.

³⁴Nyedaã Iehowa ši, edšake̱ ehĩ; edšake̱ nāno̱ emo̱bo̱nale̱ hĩo̱ ši ke̱-yaä!

³⁵Ni nyekē̱a ake̱: Heremo̱ wo̱yiwala, wo̱yiwalaheremo̱ Nyoṅmo̱, ni obua wo̱nā ni odšiewo̱ ke̱-dše̱ dšeṅmãdši le̱ ateṅ, koni wo̱da ogbe̱i kroṅkroṅ le̱ ši, ni wo̱-ſã wo̱fõ oyidšiemo̱ le̱ no̱!

³⁶Yidšiemo̱ e̱hã Iehowa, Israel Nyoṅmo̱ le̱, ke̱-dše̱ nāno̱ ke̱-yaši nāno̱! Ke̱ke̱ ni maṅ mū le̱ fẽ kē̱: Amen! ni ame̱dšie Iehowa yi. [131]

³⁷Ke̱ke̱ ni ešĩ Asaf ke̱ enyemimei le̱ ye̱ dše̱i ye̱ Iehowa kpãṅmo̱ adeka le̱ hĩe, ni ame̱súmo̱ ye̱ adeka le̱ hĩe dăne̱, bo̱nĩ gbĩ-fẽ-gbĩ no̱ nitšumo̱ heo̱,

³⁸ke̱ Obed-Edom ke̱ ame̱nyemimei nyoṅmai-ekpa ke̱ kpānyo̱ le̱, ni Obed-Edom, Ieditun bi le̱, ke̱ Hosa tšṍmo̱ šĩnākwe̱lo̱i.

³⁹Ni ešĩ oso̱fo Zadok ke̱ enyemimei oso̱foi le̱ ye̱ Iehowa šihĩle̱he le̱ hĩe *ye̱ he groṅṅ ní yo̱ Gibeon le̱, [132]

⁴⁰koni ame̱šă šã-afo̱lei ye̱ šã-afo̱lelate̱ le̱ no̱ ame̱hă Iehowa dā *lebi ke̱ gbe̱ke̱, tamo̱ bo̱ni aṅmã ye̱ Iehowa mla le̱ ni ewo Israel le̱ mli le̱; [133]

⁴¹ni Heman ke̱ Iedutun ke̱ mei ní eſe̱ ní ahalaame̱ ní atšī ame̱gbe̱ii atã le̱ fata amehe, koni ame̱da Iehowa ši, edšake̱ nāno̱ emo̱bo̱nale̱ hĩo̱ ši ke̱-yaä;

⁴²ni Heman ke̱ Iedutun fata ame̱he ke̱ te̱tre̱mantre̱i ke̱ ṅme̱dši ni gbē yaã ṅwei, ke̱ Nyoṅmo̱ lalai le̱ ahe saṅkũi; ni Iedutun bii le̱ dši šĩnākwe̱lo̱i.

⁴³Ke̱ke̱ ni maṅ mū le̱ fẽ yiṅ ame̱te, mofẽmo te ewe; ni David hũ kũ ese̱ ete ni eyadšō̱ le̱dientše̱ ewe le̱.