Read luganda 1 Kronika 21 Bible Online

1 Kronika 21 - luganda bible

1 Kronika 21

¹Ni satan te ši ewo Israel, ni etšire̱ David yi se̱, koni ekane Israel.

²Ni David kē̱ Ioab ke̱ mã le̱ṅ onukpai le̱ ake̱: Nyeyaä nyeyakanea Israel ke̱-dše̱a Beeršeba ke̱-yašia Dan, ni nye-bakē̱mĩ, koni male ame̱yikule̱.

³Ši Ioab kē̱: Iehowa ahã emaṅ le̱ akũ abo̱ he, bo̱ni ame̱yo̱ ne̱, toi oba! Ši minuntšo̱ maṅtše̱, ani ame̱fẽ le̱ dšee minuntšo̱ tšũdši dšiame̱? Bĕle̱ mẽba minuntšo̱ taoo̱ ene̱ mo̱? *Mẽba eeye Israel yi sõ? [141]

⁴Ši kẽle̱ maṅtše̱ le̱ nā wa fè Ioab; nohewo̱ le̱ Ioab yiṅ ete ni eyakpa Israel fẽ, ni ekũ ese̱ eba Ierusalem.

⁵Ni Ioab ke̱ maṅ le̱ yibo̱ le̱ bahã David: ni Israelbii fẽ ni gblaä klante le̱ fe mei akpei-akpe ke̱ akpei-oha; ni Iudabii, mei ni gblaä klante le̱, fe mei akpei-ohai-edſe̱ ke̱ akpei-nyoṅmai-kpawo.

⁶Ši ekanee Levi ke̱ Benyamin ešii no̱; edšake̱ maṅtše̱ le̱ wiemo̱ le̱ fe Ioab tãṅ.

⁷Ni ne̱ke̱ sane ne̱ *eṅõõ Nyoṅmo̱ nā, nohewo̱ le̱ etſĩa Israel nii. [142]

⁸Ni David kē̱ Nyoṅmo̱ ake̱: Mife eša kple ake̱ mife ene̱; ši agbe̱ne̱, mīkpao fai, tši otšũlo̱ nõša ne̱ ohã se̱; edšake̱ miye kwašiai asane naakpa!

⁹Ke̱ke̱ ni Iehowa ke̱ Gad, David ninalo̱ le̱, wie ake̱:

¹⁰Ya ni oyakē̱ David ake̱: Bo̱ni Iehowa kē̱ ne̱: Mihĩe nibii etẽ mīſie ohĩe, ko̱ mli ekome, ni mafeo!

¹¹Ke̱ke̱ ni Gad ba David ṅõ ni ebakē̱le̱ ake̱: Bo̱ni Iehowa kē̱ ne̱: Ko̱ mli noni osumoo̱!

¹²Kē̱ hōmo̱ afii etẽ dšio, alo foidšē ye̱ ohenye̱lo̱i ahĩe nyõdši etẽ, ní ohenye̱lo̱i le̱ aklante aninao dšio, alo Iehowa klante ní dši gbĕle-hela aba šikpoṅ le̱ no̱ gbĩĩ etẽ, ni Iehowa bo̱fo le̱ akpãtã mei ahĩe ye̱ Israel kpokpai ano̱ fẽ dšio. Nohewo̱ le̱ agbe̱ne̱ dſẽṅmo̱ no hetõ ní mike̱-ate ayahã moni tšũmi le̱!

¹³Ke̱ke̱ ni David kē̱ Gad ake̱: Efīmi naakpa! hã magbē Iehowa deṅ, edšake̱ emo̱bo̱nale̱ fá naakpa; ši akahã migbe gbomo ádesã deṅ!

¹⁴Ke̱ke̱ ni Iehowa hã gbĕle-hela ba Israel no̱, ni Israelbii ateṅ mei akpei-nyoṅmai-kpawo gboi.

¹⁵Ni Nyoṅmo̱ tšũ bo̱fo ke̱-ba Ierusalem, koni ebafitele̱; ni beni efiteo̱ le̱, Iehowa kwe̱ ni eſa ehe ye̱ efõṅ le̱ hewo̱, ni ekē̱ bo̱ſo le̱ ní fiteo̱ le̱ ake̱: Efá, agbe̱ne̱ sū onine! Ni Iehowa bo̱fo le̱ damo̱ ši ye̱ Ornan, Iebusnyo le̱, ṅmā̃gbēmo̱he le̱ mase̱i.

¹⁶Ke̱ke̱ ni David hole ehĩṅme̱ii ano̱, ni ena Iehowa bo̱ſo le̱ damo̱ šikpoṅ ke̱ ṅwei teṅ ni egbla klante ehĩe edẽ ni ekpă enine mli ye̱ Ierusalem no̱. Ni David ke̱ onukpai le̱ ní eke̱ame̱ bumo̱ kpekpe le̱ ṅõ ame̱hĩe ame̱bumo̱ ši.

¹⁷Ni David kē̱ Nyoṅmo̱ ake̱: Ani dšee mi mifã́ ake̱ ayakane maṅ le̱? mi midši moni efe eša ni mife efõṅ naakpa; ši ne̱ke̱ toi ne̱, meni ame̱fe? Iehowa, mi-Nyoṅmo̱, kpã onine mli owo mi ke̱ mitše̱ we le̱ moṅ, ši dšee omaṅ le̱ ni ohaoame̱!

¹⁸Ke̱ke̱ ni Iehowa bo̱ſo le̱ fã́ Gad ake̱ ekē̱ David, ní David aya ni eyamã afo̱lešãlate̱ ehã Iehowa ye̱ Ornan, Iebusnyo le̱, ṅmā̃gbēmo̱he le̱.

¹⁹Ni David yiṅ te ye̱ Gad wiemo̱ le̱ ni ewie ye̱ Iehowa gbe̱i ano̱ le̱ nā.

²⁰Ši Ornan tšṍ ehe ni ena bo̱fo le̱, ni ebihĩĩ edſe̱ ní ke̱le̱ yo̱ dše̱i le̱ yatē ame̱he; ši Ornan mīgbē ṅmā̃.

²¹Ni beni David baä Ornan ṅõ le̱, Ornan tšṍ ehe ni ena David; ke̱ke̱ ni edše kpo ke̱-dše̱ ṅmā̃gbēmo̱he le̱, ni ekoto David ni eke̱ ehĩe bu ši.

²²Ši David kē̱ Ornan ake̱: Nõ oṅmā̃gbēmo̱he ne̱ ohămi, ni mamã afo̱lešãlate̱ ye̱ dše̱i mahã Iehowa, ṅōhãmi ni mawo nyõmo̱ šišiši, ni ahã *gbĕle-hela le̱ se̱ afo ye̱ maṅ le̱ no̱. [143]

²³Ni Ornan kē̱ David ake̱: Nõ, ni minuntšo̱ maṅtše̱ afe bo̱ni sa ehĩe; na, mike̱ tšinai le̱ mīhã ní ake̱-šã šã-afo̱lei, ke̱ ṅmā̃gbēmo̱-ſīli le̱ ní ake̱-fe lai, ke̱ ṅmã ni ake̱-fe niyenii-afo̱le; mike̱ fè mīhã!

²⁴Ši maṅtše̱ David kē̱ Ornan ake̱: Dabi, ši moṅ bo̱ni dši enã pe̱pē̱pe̱ le̱ mahã mahe; edšake̱ miṅõṅ nii ní dši onõ mihãṅ Iehowa, ni asaṅ mišāṅ šã-afo̱le ko ní miná yaka!

²⁵Ke̱ke̱ ni David ṅmẽ šika šekeli ohai-ekpa ehã Ornan eke̱-he dše̱i.

²⁶Ni David mã afo̱lešãlate̱ le̱ ye̱ dše̱i ehã Iehowa, ni ešã šã-afo̱lei ke̱ šidā-afo̱lei; ni beni etšé̱ Iehowa le̱, eke̱ *la dše̱ ṅwei herele̱ no̱ ye̱ šã-afo̱lelate̱ le̱ no̱. [144]

²⁷Ke̱ke̱ ni Iehowa fá bo̱ſo le̱, ni eṅõ eklante le̱ ewo ehebo le̱ mli.

²⁸Nakai be le̱ mli le̱, beni David na ake̱ Iehowa eherele̱ no̱ ye̱ Ornan, Iebusnyo le̱, ṅmā̃gbēmo̱he le̱, dše̱i ešãa afo̱lei ye̱.

²⁹Edšake̱ no mli le̱ Iehowa šihĩle̱he ni Mose fe ye̱ ṅã le̱ no̱ le̱ ke̱ šã-afo̱lelate̱ le̱ ye̱ *he groṅṅ le̱ ye̱ Gibeon. [145]

³⁰Ši David nyẽẽ no hĩe aya ni eyatao Nyoṅmo̱ se̱gbe̱, edšake̱ ṅmiṅmi emõle̱ ye̱ Iehowa *bo̱fo le̱ klante le̱ hewo̱. [146]