Read luganda 1 Kronika 23 Bible Online

1 Kronika 23 - luganda bible

1 Kronika 23

¹Ni beni David egbo̱ ni eto̱ ke̱ gbĩĩ so̱ṅṅ le̱, ewo ebi Salomo maṅtše̱ ye̱ Israel no̱. [154]

²Ni ebua Israel lumei le̱ ke̱ oso̱foi le̱ ke̱ Levibii le̱ fẽ nā ke̱-kpe.

³Ni akane Levibii, mei ni eye ke̱-dše̱ afii nyoṅmai-etẽ ke̱-yaä le̱, ni ame̱yibo̱ bo̱ni akaneame̱ ekomekome ni aná dši hĩĩ akpei-nyoṅmai-etẽ-ke̱-kpānyo̱.

⁴Mene̱mei ateṅ mei akpei-nyoṅmai-enyo̱-ke̱-edſe̱ dši mei ní bakwe̱ Iehowa we le̱ he nitšumo̱ le̱ no̱, ni mei akpei-ekpa dši onukpai ke̱ kodšolo̱i,

⁵asaṅ mei akpei-edſe̱ dši agbónă-kwe̱lo̱i, ni mei akpei-edſe̱ hũ dšieo̱ Iehowa yi ke̱ saṅkũi ní mife ní ake̱-dšie eyi le̱.

⁶Ni David dša ame̱mli kuikui ye̱ Levi bihĩĩ ni dši Geršon, Kahat ke̱ Merari le̱ anā. [155]

⁷Geršon bihĩĩ dši: Ladan ke̱ Šimei.

⁸*Ladan bihĩĩ dši: Onukpa Iehiel ke̱ Zetam ke̱ Ioel, ame̱yi etẽ. [156]

⁹Šimei bihĩĩ dši: Šelomot ke̱ Haziel ke̱ Haran, ame̱yi etẽ. Mene̱mei dši Ladan tše̱mei awei le̱ ano̱ onukpai.

¹⁰Ni Šimei bihĩĩ dši: Iahat, Zina, Ieuš ke̱ Beria; mene̱mei dši Šimei bihĩĩ edſe̱ le̱.

¹¹Ni Iahat dši onukpa, ni Sisa dši moni dši enyo̱; ši Ieuš ke̱ Beria be̱ bihĩĩ pī hewo̱ le̱ akaneame̱ ake̱ tše̱we kome.

¹²Kahat bihĩĩ dši: Amram, Izehar, Hebron ke̱ Uziel, ame̱yi edſe̱. [157]

¹³Amram bihĩĩ dši: Aaron ke̱ Mose. Ni *adšie Aaron, koni afele̱ kroṅkroṅ ahã hekroṅkroṅ fè fẽ le̱, le̱ ke̱ ebihĩĩ le̱ fẽ ke̱-ya nāno̱, koni ame̱šã tšofã-ke̱-ṅma ye̱ Iehowa hĩe, ni ame̱súmo̱le̱, ni †ame̱dšō̱ mei ye̱ egbe̱i ano̱ ke̱-yaši nāno̱. [158]

¹⁴Ši *Nyoṅmo̱ gbomo Mose le̱, akaneo̱ ebii le̱ ašio̱ Levi akutšo le̱ no. [159]

¹⁵Mose bihĩĩ dši: Geršom ke̱ Eliezer. [160]

¹⁶Geršom bihĩĩ dši: Šebuel, onukpa le̱. [161]

¹⁷Ni Eliezer bihĩĩ dši: Rehabia, onukpa le̱; ni Eliezer be̱ bihĩĩ krokomei doṅù. Ši *Rehabia bihĩĩ le̱ ayi fá naakpa. [162]

¹⁸Izehar bihĩĩ dši: Šelomit, onukpa le̱.

¹⁹Hebron bihĩĩ dši: Onukpa le̱ Ieria, moni dši enyo̱ le̱ Amaria, moni dši etẽ le̱ Iahaziel, ni moni dši edſe̱ le̱ Iekameam.

²⁰Uziel bihĩĩ dši: Mika, onukpa le̱, ke̱ Iešia, moni dši enyo̱ le̱.

²¹*Merari bihĩĩ dši: Maheli ke̱ Muši. Maheli bihĩĩ dši: Eleazar ke̱ Kiš. [163]

²²Ši Eleazar gbo ni ebe̱ bihĩĩ, ši biyei ke̱ke̱ eyo̱; ni Kiš bihĩĩ ni dši ame̱nyemimei le̱ w̌e̱ame̱.

²³Muši bihĩĩ dši: Maheli ke̱ Eder ke̱ Ieremot, ame̱yi etẽ.

²⁴Mene̱mei dši Levi bihĩĩ le̱ ye̱ ame̱wekui le̱ anā, wekui le̱ amli onukpai nī akaneame̱ ye̱ ame̱gbe̱ii le̱ anā ekomekome, ni ame̱tšuo̱ nii ye̱ Iehowa we le̱ súomo̱ le̱ mli, ke̱-dše̱ mei ni eye afii nyoṅmai-enyo̱ no̱ ke̱-yaä le̱.

²⁵Edšake̱ David kē̱: Iehowa, Israel Nyoṅmo̱ le̱, ehã emaṅ le̱ he edšo̱le̱ ni *eehĩ Ierusalem ke̱-ate nāno̱. [164]

²⁶Nohewo̱ le̱ ehĩaa ake̱ Levibii le̱ atĕre šihĩle̱he le̱ ke̱ ehe súomo̱ nibii le̱ fẽ doṅṅ;

²⁷ši moṅ David nāgbē wiemo le̱ nā le̱ akane Levibii le̱ ayibo̱ ke̱-dše̱ mei ni eye afii nyoṅmai-enyo̱ no̱ ke̱-yaä le̱;

²⁸edšake̱ ame̱gbe̱nā dši ake̱ ame̱wa Aaron bii le̱, ni ame̱súmo̱ ye̱ Iehowa we le̱ ye̱ kpoi le̱ ano̱ ke̱ piai le̱ amli, ni ame̱tšumo̱ nibii kroṅkroṅi le̱ fẽ he, ni ame̱tšu Nyoṅmo̱ we le̱ súomo̱ le̱ he nii,

²⁹ke̱ hìe-mã-abolo le̱, ke̱ mã ní ake̱-bašã niyenii-aſo̱le, ke̱ akpĩtĩ kakai ke̱ ṅe̱sūi ke̱ nibii ní ašĩo̱ ye̱ mli le̱ ke̱ nikā nibii ke̱ nisusumo̱ nibii le̱ fẽ ahe nii;

³⁰asaṅ dā lebi le̱ ame̱damo̱ ši ní ame̱da Iehowa ši ni ame̱dšie eyi, ni gbe̱ke̱ hũ ame̱fe nakai noṅṅ, [165]

³¹ni ame̱šã šã-afo̱lei fẽ ame̱hã Iehowa ye̱ hedšō̱mo̱gbīĩ le̱ ke̱ nyõdši hēi le̱ ke̱ gbĩĩ dšudši le̱ ano̱ ye̱ yibo̱ nā, bo̱ni ato le̱ dāne̱ ye̱ Iehowa hĩe;

³²ni ame̱tšu kpē-bū le̱ he nii ke̱ hekroṅkroṅ le̱ he nii ke̱ Aaron bii ni dši ame̱nyemimei le̱ anitšumo̱ le̱, koni ame̱súmo̱ ye̱ Iehowa we le̱.