Read luganda 1 Kronika 28 Bible Online

1 Kronika 28 - luganda bible

1 Kronika 28

¹Ni David kpẽ Israel lumei le̱ fẽ, akutšei le̱ ano̱ lumei le̱ ke̱ asafokui ní súmoo̱ maṅtše̱ le̱ ano̱ asafoiatše̱mei le̱ ke̱ mei akpekpei ke̱ mei ohahai ano̱ asafoiatše̱mei le̱, ke̱ maṅtše̱ le̱ ke̱ ebii le̱ anibii ke̱ koloi ano̱kwe̱lo̱i le̱, ke̱ piafoi le̱, ke̱ hĩĩ ekãlo̱i le̱ ke̱ kakabãi le̱ fẽ ke̱-ba Ierusalem.

²Ke̱ke̱ ni maṅtše̱ David te ši damo̱ enãdši ano̱ ni ekē̱: Nyeboami toi, minyemimei ke̱ mimaṅ! *Kũle̱ eye̱ mitšui mli ake̱ mamã hedšō̱mo̱ šĩa ko mahã Iehowa kpãṅmo̱ adeka le̱, koni efe wo̱-Nyoṅmo̱ le̱ naneši māṅō; ni misā mihe mito ni mamã. [186]

³Ši Nyoṅmo̱ kē̱mi ake̱: *Kāmã šĩa ohã migbe̱i le̱; edšake̱ tawulo̱ dšio, ni oſie lá ši. [187]

⁴Ši Iehowa, Israel Nyoṅmo̱ le̱, halami ye̱ mitše̱ we le̱ fẽ teṅ ni miye Israel no̱ maṅtše̱ ke̱-ya nāno̱; edšake̱ ehala *Iuda ewole̱ lumo, ni Iuda we le̱ ehala †mitše̱ we le̱ ke̱-dše̱, ni mitše̱ bi-bĩĩ le̱ ateṅ le̱ ená mihe tšui ni ewomi Israel mū le̱ fẽ no̱ maṅtše̱; [188]

⁵ni mibihĩĩ le̱ fẽ ateṅ le̱, — edšake̱ Iehowa ehãmi bii pī, — ehala mibi Salomo, ni ebatá Iehowa maṅtše̱yeli sẽi le̱ no̱ ye̱ Israel no̱.

⁶Ni ekē̱mi ake̱: *Obi Salomo le̱, le̱ ebamã mišĩa le̱ ke̱ mikpoi le̱; edšake̱ mihalale mife mibi, ni matšṍ etše̱. [189]

⁷Ni mahã emaṅtše̱yeli le̱ ama ši šiṅṅ ke̱-ya nāno̱, ke̱dši ekã he eye mikitãi ke̱ mimlai ano̱ tamo̱ bo̱ni yo̱ ṅme̱ne̱ gbĩ ne̱ le̱.

⁸Nohewo̱ le̱ agbe̱ne̱ ye̱ Israel mū le̱ fè ní dši Iehowa asafo le̱ hĩe ke̱ wo̱-Nyoṅmo̱ le̱ toii amli le̱: Nyeyea Iehowa, nye-Nyoṅmo̱ le̱, kitãi le̱ fẽ no̱ ni nyedi se̱, beni afe ni ne̱ke̱ šikpoṅ kpakpa ne̱ atšṍ nyenõ, ni nyešĩ nyehă nyebii ni baba ye̱ nyese̱ le̱ ake̱ gbošinii ke̱-ya nano̱!

⁹Ni bo, mibi Salomo, le otše̱ Nyoṅmo̱ le̱, ni osúmo̱le̱ ke̱ otšui mū le̱ fẽ ke̱ osusuma suomo̱ nā! Edšake̱ *Iehowa taoo tšuii fẽ amli, ni ele yitšeiaṅ dſẽṅmo̱i fẽ. Ke̱dši ōtaole̱ le̱, eehã onale̱; ši ke̱dši okwale̱ le̱, eeše̱o efo ke̱-ya nāno̱. [190]

¹⁰Kwe̱mo̱ ohe ní ahĩ! Edšake̱ Iehowa ehalao, ní omã šĩa ni ake̱-fe hekroṅkroṅ; wadšemo̱ ohe ni ofe!

¹¹Ke̱ke̱ ni David ṅõ koi le̱ ke̱ ehe tšũi le̱ ke̱ nitōhei le̱ ke̱ ṅwei-tšũi le̱ ke̱ ehe piai ni yo̱ mligbe̱ le̱ ke̱ kpãtãmo̱ sẽi le̱ tšũ le̱ *ano̱kwe̱mo̱nõ ehã ebi Salomo, [191]

¹²ke̱ nii fẽ ni yo̱ emumo̱ mli le̱ ano̱kwe̱mo̱nõ, ke̱ Iehowa we le̱ he kpoi le̱ ke̱ piai le̱ ni bo̱lele̱ ke̱-kpe le̱ ke̱ Nyoṅmo̱ we le̱ nitõhei le̱ ke̱ nii kroṅkroṅi le̱ atōhei le̱ hū anõ,

¹³ke̱ oso̱foi ke̱ Levibii le̱ asafokui le̱, ke̱ Iehowa we le̱ súomo̱ nitšumo̱ le̱ fẽ ke̱ Iehowa we súomo̱ le̱ he nibii le̱ fẽ anõ hũ;

¹⁴ke̱ šika ni aṅmẽ ni ake̱-fe súomo̱-fẽ-súomo̱ he šika nibii le̱, ke̱ dſie̱te̱i ní aṅmẽ ní ake̱-fe súomo̱-fẽ-súomo̱ he dſie̱te̱i nibii;

¹⁵ke̱ bo̱ni šika kanetšei le̱ ke̱ ame̱he šika kanei le̱ aṅmẽ, kanetšo-fẽ-kanetšo ke̱ ehe kanei le̱ bo̱ni aṅmẽ, ke̱ bo̱ni dſietei kanetšei le̱ ke̱ ame̱he kanei le̱ hũ aṅmẽ, ye̱ kanetšo-fẽ-kanetšo he nitšumo̱ nā;

¹⁶ke̱ šika ní aṅmẽ ni ake̱-fe hĩe-mã-abolo okplõi le̱, okplõ-fẽ-okplõ ke̱ enõ, ke̱ dſie̱te̱i ni ake̱-fe dſie̱te̱i okplõi le̱;

¹⁷ke̱ kpodši le̱ ke̱ lalakãi le̱ ke̱ kpudši le̱ ahe šika kro̱ṅṅ, ke̱ šika likoliko̱i le̱ anõ, liko̱liko̱-fẽ-liko̱liko̱ ke̱ eṅmẽ, ke̱ dſie̱te̱i likoliko̱i le̱ anõ, liko̱liko̱-fẽ-liko̱liko̱ ke̱ eṅmẽ;

¹⁸ke̱ tšofã-ke̱-ṅmašãlate̱ le̱ he šika kro̱ṅṅ ni aṅmẽ nā ke̱ ſīli ni dši šika kerubim ní egbe ame̱fīdšian ame̱ha Iehowa kpãṅmo̱ adeka le̱ no̱ le̱ hũ no̱kwe̱mo̱nõ.

¹⁹Nibii ne̱ fẽ le̱ ṅmã anmã ni edše̱ Iehowa deṅ eba miṅõ, ni etšõmi bo̱ni atšu nii le̱ fè ye̱ ne̱ke̱ no̱kwe̱mo̱nō ne̱ nā.

²⁰Ni David kē̱ ebi Salomo ake̱: *Wadšemo̱ ohe ni ofe eka; kāše gbeyei ni otšui akafã! edšake̱ Iehowa Nyoṅmo̱, ni dši mi-Nyoṅmo̱ le̱, ke̱o ye̱; ekwaṅo ni esā ešĩṅo ke̱-yaši beyino̱ ní oogbe Iehowa we le̱ súomo̱ le̱ he nitšumo̱ le̱ fẽ nā. [192]

²¹Ni na, oso̱foi le̱ ke̱ Levibii le̱ asafokui ní ato ahã Nyoṅmo̱ we le̱ súomo̱-fẽ-súomo̱ le̱ ne̱; ni nitšumo̱-fẽ-nitšumo̱ mli le̱ oye̱ mei sro̱toi ní hĩe yo̱ ṅā ni ame̱yo̱ he tšui ake̱ ame̱atšu nofẽno, ni asaṅ lumei le̱ ke̱ maṅ mũ le̱ fẽ hũ ye̱ odeṅ befẽbe.