Read luganda 1 Kronika 9 Bible Online

1 Kronika 9 - luganda bible

1 Kronika 9

¹Ni akane Israel mū le̱ fẽ ye̱ ame̱wekui le̱ anā, ni na, aṅmã ame̱gbe̱ii ye̱ Israel ke̱ Iuda maṅtše̱mei awolo le̱ mli. Ni aṅõame̱ nom ke̱-te Babel ye̱ ame̱mlatõmo hewo̱, [94]

²mei ni tšutšu ni ame̱hĩ ame̱dientše̱ ame̱šikpõdši ke̱ ame̱mãdši amli ní dši Israelbii le̱, oso̱foi le̱, Levibii le̱ ke̱ *so̱lemo̱we súolo̱i le̱. [95]

³Ši Ierusalem le̱ Iudabii le̱ ke̱ Benyaminbii le̱ ke̱ Efraimbii le̱ ke̱ Manasebii le̱ ateṅ meikomei hĩ dše̱i: [96]

⁴Iuda bi Perez bii le̱ ateṅ le̱: Bani bi Imri bi Omri bi Amihud bi Utai ye̱ mli.

⁵Ši Šilonbii le̱ ateṅ le̱: Asaia, ekromo̱bi le̱, ke̱ ebii.

⁶Ni Zera bii le̱ ateṅ le̱: Ieuel ke̱ enyemimei, mei ohai-ekpa ke̱ nyoṅmai-ne̱hũ.

⁷Ši Benyamin bii le̱ ateṅ le̱: Salu ni dši Hasenua bi Hodavia bi Mešulam bi le̱,

⁸ke̱ Ibneia, Ieroham bi le̱; ke̱ Ela, Mikri bi Uzi bi le̱; ke̱ Mešulam, Ibnia bi Reuel bi Sefatia bi le̱,

⁹ke̱ ame̱nyemimei ye̱ ame̱fo̱mo̱i le̱ anā, mei ohai-ne̱hũ ke̱ nyoṅmai-enumo̱ ke̱ ekpa. Ne̱ke̱ hĩĩ ne̱ fẽ dši tše̱mei le̱ ateṅ onukpai ye̱ ame̱tše̱mei awei le̱.

¹⁰Ni oso̱foi le̱ ateṅ le̱: Iedaia ke̱ Iehoiarib ke̱ Iakin,

¹¹ke̱ Azaria, Ahitub bi Meraiot bi Zadok bi Mešulam bi *Hilkia bi ní dši Nyoṅmo̱ we le̱ lumo le̱, [97]

¹²ke̱ Adaia, Malkia bi Pašhur bi Ieroham bi le̱, ke̱ Maesai, Imer bi Meši-lemit bi Mešulam bi Iahezera bi Adiel bi le̱,

¹³ke̱ ame̱nyemimei ní dši onukpai ye̱ ame̱tše̱mei awei le̱, mei akpe ke̱ ohai-kpawo ke̱ nyoṅmai-ekpa, hĩĩ hewalo̱i ye̱ Nyoṅmo̱ we le̱ súomo̱ nitšumo̱ le̱ mli.

¹⁴Ni Levibii le̱ ateṅ le̱: Šemaia, Hašabia bi Azrikam bi Hasub bi le̱ ni dše̱ Merari bii le̱ ateṅ le̱,

¹⁵ke̱ Bakbakar, Hereš ke̱ Galal, ke̱ Matania, Asaf bi Zikri bi Mika bi le̱,

¹⁶ke̱ Obadia, Iedutun bi Galal bi Šemaia bi le̱, ke̱ Berekia, Elkana bi Asa bi le̱, moni hĩo̱ *Netofatbii le̱ akrowai le̱ amli le̱. [98]

¹⁷Ni agbónākwe̱lo̱i dši: Šalum ke̱ Akub ke̱ Talmon ke̱ Ahiman ke̱ ame̱nyemimei le̱; Šalum dši onukpa.

¹⁸Ši mene̱mei dši mei ni kwe̱o̱ maṅtše̱ agbó le̱ nā ye̱ bokāgbe̱ le̱ ye̱ Levibii le̱ ansrai le̱ anā ke̱-baši bene̱.

¹⁹Ni Šalum, Kora bi Ebiasaf bi Kore bi le̱, ke̱ enyemimei ni dše̱ etše̱ we le̱ ni dši Korabii le̱, ame̱ ame̱kwe̱o̱ súomo̱ nitšumo̱ le̱ ní ame̱buo̱ bū le̱ šĩnāi le̱ anā; *ši ame̱tše̱mei dši mei ni bu Iehowa nsra le̱ nāgbe̱ le̱ he. [99]

²⁰Ni Eleazar bi Pinehas dši moni ye ame̱no̱ lumo sá le̱, ni Iehowa ke̱le̱ ye̱. [100]

²¹Zakaria, Mešelemia bi le̱, dši agbónākwe̱lo̱ ni kwe̱o̱ kpēbū le̱ šĩnā le̱ nā.

²²Mei fẽ ni ahala ato agbói le̱ anā ake̱ agbónākwe̱lo̱i le̱ dši mei ohai-enyo̱ ke̱ nyoṅma ke̱ enyo̱. Mene̱mei ne̱, ame̱krowai le̱ amli akaneame̱ ye̱ ye̱ ame̱wekui le̱ anā; ni David ke̱ Samuel, *ninalo̱ le̱, ṅõame̱ wo ame̱nitšumo̱ ni atu awo ame̱deṅ le̱ mli. [101]

²³Nohewo̱ le̱ ame̱ ke̱ ame̱bihĩĩ le̱ kwe̱o̱ Iehowa we le̱, ní dši bū le̱ šĩa le̱, agbói le̱ anã ni ame̱buo̱.

²⁴Dšeṅ kodši edſe̱ le̱ ṅe̱le̱no̱ agbónākwe̱lo̱i le̱ yo̱: bokãgbe̱ ke̱ anaigbe̱ ke̱ kōyígbe̱ ke̱ wuoyigbe̱.

²⁵Ši dā kē̱ še̱ gbĩĩ kpawo le̱, ame̱nyemimei ní yo̱ ame̱krowai le̱ amli le̱ baä ni ame̱bafataä amehe.

²⁶Edšake̱ agbónākwe̱lo̱i onukpai edſe̱ ni dši Levibii le̱, dši mei ní atu nitšumo̱ le̱ awo ame̱deṅ, ni ame̱ ame̱kwe̱o̱ Nyoṅmo̱ we le̱ piai le̱ ke̱ fiasei le̱.

²⁷Ni Nyoṅmo̱ we le̱ mase̱i ame̱hĩo̱ nyōṅ fẽ; edšake̱ ame̱nitšumo̱ dši ake̱ ame̱bu dše̱i, ní ame̱gbleo̱ šĩnāi le̱ dā lebi.

²⁸Ni asaṅ ame̱teṅ meikomei kwe̱o̱ súomo̱ nibii le̱; ké̱ ake̱-mība abato le̱, akaneo̱, ni ké̱ ākō̱lo̱ ke̱-dse kpo hũ, akaneo̱.

²⁹Ni ake̱ ame̱teṅ meikomei hũ to nibii le̱ ke̱ hekroṅkroṅ le̱ mli nibii le̱ fẽ no̱ ke̱ mãmu ke̱ wein ke̱ mũ ke̱ kro̱bo̱o ke̱ tšofãi-ke̱-ṅmai le̱ ano̱.

³⁰Ši oso̱foi abii le̱ ateṅ meikomei futuo̱ nibii sro̱toi ame̱ke̱-feo̱ *tšofãi-ke̱-ṅmai le̱. [102]

³¹Ni aṅõ Matitia ní dše̱ Levibii le̱ ateṅ, ni edši Koranyo Šalum kromo̱bi le̱, ato nibii ni ašĩo̱ ye̱ ṅe̱sũi amli le̱ ahe nitšumo̱ le̱ no̱.

³²Ni Kahatbii ní dši ame̱nyemimei le̱ ateṅ meikomei kwe̱o̱ hĩe-mã-abolo le̱, ni ame̱sãa dā hedsōmogbĩ. [103]

³³Ši *mene̱mei dši lalatše̱mei ni dši Levibii le̱ atše̱mei awei le̱ ano̱ onukpai ni hĩo̱ piai le̱ amli, ni ame̱be̱ mli ni atšuo̱ nitšumo̱i krokomei le̱; edšake̱ ſane ke̱ nyõṅ fẽ le̱ ame̱kă ame̱nitšumo̱ le̱ he. [104]

³⁴Mene̱mei dši Levibii le̱ atše̱mei awei le̱ ano̱ onukpai ye̱ ame̱fo̱mo̱i le̱ anā. Mene̱mei hĩ Ierusalem.

³⁵Ni Gibeon tše̱ Ieiel hĩ Gibeon, ni eṅã gbe̱i dši Maaka. [105]

³⁶Ni ekromo̱bi dši Abdon, ke̱ Zur ke̱ Kiš ke̱ Baal ke̱ Ner ke̱ Nadab

³⁷ke̱ Gedor ke̱ Ahio ke̱ Zakaria ke̱ Miklot.

³⁸Ni Miklot fo̱ Šimeam. Ní ame̱ hũ ame̱ke̱ ame̱nyemimei le̱ hĩ Ierusalem ye̱ ame̱nyemimei le̱ amase̱i.

³⁹Ni Ner fo̱ Kiš, ni Kiš fo̱ Saul, ni Saul fo̱ Ionatan ke̱ Malkišua ke̱ Abinadab ke̱ Ešbaal.

⁴⁰Ni Ionatan bi dši Merib-Baal, ni Merib-Baal fo̱ Mika.

⁴¹Ni Mika bii dši: Piton ke̱ Melek ke̱ Tarea.

⁴²Ni Ahaz fo̱ Iara, ni Iara fo̱ Alemet ke̱ Azmawet ke̱ Zimri, ni Zimri fo̱ Moza.

⁴³Ni Moza fo̱ Binea, ni Binea fo̱ Refaia, ni Refaia fo̱ Eleasa, ni Eleasa fo̱ Azel.

⁴⁴Ni Azel ye̱ bihĩĩ ekpa, ni ame̱gbe̱ii ne̱: Azrikam, Bokeru ke̱ Išmael ke̱ Šearia ke̱ Obadia ke̱ Hanan. Mene̱mei dši Azel bii le̱.