Read luganda 2 Kronika 1 Bible Online

2 Kronika 1 - luganda bible

2 Kronika 1

¹Ni Salomo, David bi le̱, *ná hewale̱ ye̱ emaṅtše̱yeli le̱ mli, ni Iehowa, e-Nyoṅmo̱ le̱, ke̱le̱ ye̱, ni etšṍ agbo kpanā. [1]

²Ni Salomo ke̱ Israel mū le̱ fẽ wie, mei akpekpei ke̱ mei ohahai ano̱ aaafoiatše̱mei le̱ ke̱ kodšolo̱i le̱ ke̱ Israel fẽ no̱ lumei le̱ ni dši tše̱mei awei le̱ ano̱ onukpai le̱ fẽ,

³ni Salomo ke̱ asafo mū le̱ fẽ ní fata ehe le̱ yiṅ ame̱te he groṅṅ ni yo̱ Gibeon le̱; edšake̱ dše̱i Nyoṅmo̱ kpē-bū le̱ ni Iehowa tšũlo̱ Mose fe ye̱ ṅã le̱ no̱ le̱ yo̱. [2]

⁴Ši Nyoṅmo̱ adeka le̱, David eyawó ke̱-dše̱ Kiriat-Iearim ke̱-ba heni David sā etole̱ le̱; edšake̱ eši bū ehãle̱ ye̱ Ierusalem. [3]

⁵Ši *akō̱ble afo̱lešãlate̱ le̱ ní Bezaleel, Hur bi Uri bi le̱, fe le̱ mā ši ye̱ †dše̱i ye̱ Iehowa šihĩle̱he le̱ hĩe; ni Salomo ke̱ asafo le̱ yaă dše̱i. [4]

⁶Ni Salomo šã šã-afo̱le ye̱ dše̱i ye̱ akō̱ble afo̱lešãlate̱ le̱ ní mā ši ye̱ Iehowa hĩe ye̱ kpē-bū le̱ nā le̱ no̱, ni ešã šã-afo̱lei akpe ye̱ no̱.

⁷Nakai nyō le̱ṅ noṅṅ Nyoṅmo̱ dšie ehe kpo etšõ Salomo, ni ekē̱le̱ ake̱: Bi noni otaoo̱ ni mahão!

⁸Ke̱ke̱ ni Salomo kē̱ Nyoṅmo̱ ake̱: Ofe mitše̱ David edšũrõ kpeteṅkple, ni osā owomi maṅtše̱ ye̱ ese̱.

⁹Agbene̱, Iehowa Nyoṅmo̱, hã oši ní owo mitše̱ David le̱ aba mli! edšake̱ bo owomi maṅtše̱ ye̱ maṅ ni fále̱ tamo šikpoṅ mla le̱ no̱.

¹⁰Nohewo le̱ agbene̱ hãmi nilē ke̱ se̱yōmo̱, koni mawo kpodšē ke̱ mlibā ye̱ ne̱ke̱ maṅ ne̱ hĩe; edšake̱ namo po aanyẽ omaṅ kpeteṅkple ne̱ akodšo?

¹¹Ke̱ke̱ ni Nyoṅmo̱ kē̱ Salomo ake̱: Gbĩĩabo̱ ní ene̱ yo̱ otšui mli, ni obii ni-námo̱, dſetrii ke̱ anumnyam, ni asaṅ obii ohenye̱lo̱i asusuma alo ní ahã owala se̱ atše̱ tete, ši moṅ obi nilē ke̱ se̱yōmo̱ ohã ohe, ní oke̱-kodšo mimaṅ ní miwoö eno̱ maṅtše̱ le̱ ne̱:

¹²ahão nilē ke̱ se̱yōmo̱, ni asaṅ ma-hão nii ke̱ dſetrii ke̱ anumnyam hũ, boni maṅtše̱mei ní nyie ohĩe le̱ ateṅ mokomoko náko nakai da, ni asaṅ mei ni banyie ose̱ le̱ eko náṅ nakai!

¹³Ke̱ke̱ ni Salomo dše̱ he groṅṅ ní yo̱ Gibeon le̱ ke̱ kpē-bū le̱ hĩe ke̱-ba Ierusalem, ni eye Israel no̱ maṅtše̱.

¹⁴Ni Salomo bua ſīlii ke̱ okpo̱ṅo̱iatše̱mei anā, ni ená ſīlii akpe ke̱ ohai-edſe̱, ke̱ okpo̱ṅo̱iatše̱mei akpei-nyoṅma-ke̱-enyo̱; ni eṅõame̱ eto ſīlii amãdši le̱ amli ke̱ maṅtše̱ le̱ ṅõ ye̱ Ierusalem.

¹⁵Ni maṅtše̱ le̱ *hã dſie̱te̱i ke̱ šika tšṍmo̱ tamo̱ te̱i ye̱ Ierusalem, ni tšenedru-tšei hũ ehã ame̱tšṍmo̱ tamo̱ sikamoretšei ni yo̱ dšō̱ šikpoṅ le̱ no̱ le̱ ye̱ fále̱ nā. [5]

¹⁶Ni Salomo okpo̱ṅo̱i le̱, Mizraim ake̱-ame̱ dše̱, ni maṅtše̱ dšrayelo̱i le̱ yaheo̱ame̱ kuikui, ku-fẽ-ku ke̱ edšra;

¹⁷ni ame̱ke̱ ſīlii dše̱o̱ Mizraim baö, ni ekome dšra dši dſie̱te̱i šekeli ohai-ekpa, ke̱ okpo̱ṅo̱ hũ oha ke̱ nyoṅmai-enumo̱; ni ame̱nine no̱ noṅṅ tšṍo̱ ni Hitbii amaṅtše̱mei le̱ fẽ ke̱ Aram maṅtse̱mei le̱ naä ekomei.

¹⁸[Y. 2,1.] Agbene̱ Salomo ko̱ yi te̱ ake̱ eemā šla ehā Iehowa gbe̱i le̱ ke̱ šĩa hã emaṅtše̱yeli le̱ hũ.