Read luganda 2 Kronika 10 Bible Online

2 Kronika 10 - luganda bible

2 Kronika 10

¹Ni Rehabeam yiṅ ete Šekem; edšake̱ Israel fẽ eba Šekem ame̱bawole̱ maṅtše̱.

²Ni eba mli ake̱, beni Ierobeam, Nebat bi le̱, nu he le̱, (edšake̱ eye̱ Mizraim *heni edšo foi ke̱-dše̱ maṅtše̱ Salomo hĩe ke̱-te le̱ lolo,) ke̱ke̱ ni Ierobeam kũ ese̱ ke̱-dše̱ Mizraim ke̱-ba. [47]

³Ni ame̱tšũ ayakpēle̱ ke̱-ba. Ni Ierobeam ke̱ Israel fẽ ba ni ame̱ke̱ Rehabeam bawie ake̱:

⁴Otše̱ hã wo̱kõṅtšo le̱ tšĩ tšṍ; nohewo̱ le̱ agbe̱ne̱ bo le̱, femo̱ otše̱ súomo̱ ni wa le̱ ke̱ ekõṅtšo ni tšī ní eṅṍ-fõ wo̱no̱ le̱ fle̱fle̱, ni wo̱súmo̱o!

⁵Ni ekē̱ame̱ ake̱: Bie̱ gbĩĩ etẽ le̱ nyekũa nyese̱ nyebaä miṅõ ekoṅ! Ni maṅ le̱ yiṅ ame̱te.

⁶Ke̱ke̱ ni maṅtše̱ Rehabeam ke̱ hĩĩ onukpai ní damoo̱ etše̱ Salomo hĩe, beni eyo̱ dšeṅ lolo le̱, te adšina ni ekē̱: Mẽ ṅā nyewoo̱mi ni mike̱-yahã maṅ ne̱ hetō?

⁷Ni ame̱kē̱le̱ ake̱: Ke̱dši omli hĩ hã ne̱ke̱ maṅ ne̱ ni ofe noni sa ame̱hĩe ne̱ ni ohãame̱ gbè dšũrõ le̱, no le̱ ame̱atšṍmo̱ otšũdši dāne̱.

⁸Ši ekwa onukpai le̱ aṅã ni ame̱wole̱ le̱, ni eke̱ oblahĩī ní dši etipẽṅfoi ni damoo̱ ehĩe le̱ te adšina,

⁹ni ekē̱ame̱ ake̱: Mẽ ṅā nye hũ nyewoo̱ ni wo̱ṅō-hã maṅ ne̱ ní ke̱mi ebawie ake̱: Femo̱ kõṅtšo ní otše̱ ṅõ-fō wo̱no̱ le̱ fle̱fle̱ ohãwo̱ le̱! hetō?

¹⁰Ni oblahĩĩ ní dši etipẽṅfoi le̱ kē̱-le̱ ake̱: Bo̱ni okē̱ maṅ le̱ ní ke̱o bawie ake̱: Otše̱ hã wo̱kõṅtšo le̱ tšī, ši bo le̱, femo̱le̱ fle̱fle̱ ohãwo̱ le̱, — bo̱ni okē̱ame̱ ne̱: Miwao se̱kpelo̱ ti fè mitše̱ he̱!

¹¹Ni agbene̱ mitše̱ ke̱ kõṅtšo ní tšī tĕrenye, ši mi le̱ maṅmẽ nyekõṅtšo le̱ no̱; mitše̱ ke̱ kplebii yinye, ši mi le̱ mike̱ nyoṅmo̱ṅkrakroi aayinye!

¹²Ke̱ke̱ ni Ierobeam ke̱ maṅ mū le̱ fẽ ba Rehabeam ṅõ gbĩ ní dši gbĩ etẽ le̱, take̱ bo̱ni maṅtše̱ le̱ etoame̱ ake̱: Nyebaä miṅõ ekoṅ gbĩ ní dši gbĩ etẽ le̱.

¹³Ni maṅtše̱ le̱ hãame̱ hetō ní wa, ni maṅtše̱ Rehabeam kwa onukpai le̱ aṅā ní ame̱wole̱ le̱,

¹⁴ni eke̱ame̱ wie ye̱ oblahĩĩ le̱ aṅã-wō le̱ nā ekē̱: Mitše̱ hã nyekõṅtšo le̱ tšī, ši mi le̱ maṅmẽ nyekõṅtšo le̱ no̱; mitše̱ ke̱ kplebii yinye, ši mi le̱ mike̱ nyoṅmo̱ṅkrakroi aayinye!

¹⁵Ni maṅtše̱ le̱ boo maṅ le̱ toi; edšake̱ Nyoṅmo̱ deṅ sane le̱ dše̱, beni afe ni Iehowa ahã ewiemo̱ ni *etšṍ Ahia, Šilonyo le̱, nine no̱ eke̱ Ierobeam, Nebat bi le̱, wie le̱ aba mli. [48]

¹⁶Ni beni Israel fẽ na ake̱ maṅtše̱ le̱ booame̱ toi le̱, maṅ le̱ hã maṅtše̱ le̱ hetō ame̱kē̱: Mẽ gbe̱nā wo̱yo̱ ye̱ David ṅõ? ni asaṅ wo̱be̱ gbe̱fãṅnõ ko ye̱ Išai bi le̱ ṅõ! mofẽmo aya ebū mli, Israel! Agbene̱ kwe̱ bodientše̱ owe, David! Ke̱ke̱ ni Israel fẽ yiṅ ame̱te ame̱būi amli.

¹⁷Ši Israelbii le̱ ní yo̱ Iuda mãdši le̱ amli le̱, Rehabeam ye ame̱no̱ maṅtše̱ kẽ.

¹⁸Ni maṅtše̱ Rehabeam tšũ Hadoram ní kwe̱o̱ gbomei onĩa ní atšũ le̱ no̱ le̱; ši Israelbii le̱ tſiale̱ te̱i ni egbo. Ke̱ke̱ ni maṅtše̱ Rehabeam he fe oyá ni eyabote eſīli mli ní edšo foi ke̱-ya Ierusalem.

¹⁹Ni Israel tše David we le̱ hĩe atũa ke̱ ṅme̱ne̱.