Read luganda 2 Kronika 12 Bible Online

2 Kronika 12 - luganda bible

2 Kronika 12

¹Ni eba mli ake̱, beni Rehabeam maṅtše̱yeli le̱ damo̱ ni ená hewale̱ le̱, ekwa Iehowa mla le̱, ni Israel mū le̱ fẽ fata ehe.

²Ni eba mli ye̱ maṅtše̱ Rehabeam yino̱ afi ní dši enumo̱ le̱ no̱, ake̱ Sišak, Mizraim maṅtše̱ le̱, fã batua Ierusalem, edšake̱ ame̱tõ Iehowa no̱.

³Ni eke̱ ſīlii akpe ke̱ ohai-enyo̱ ke̱ okpo̱ṅo̱iatše̱mei akpei-nyoṅmai-ekpa ba, ni ta ni ke̱le̱ dše̱ Mizraim ba ní dši Lubbii ke̱ Šukbii ke̱ Kušbii le̱, alee ame̱yibo̱.

⁴Ni eṅõ *mãdši ní atſa gbogboi awo he ni yo̱ Iuda le̱, ni eba Ierusalem. [53]

⁵Ke̱ke̱ ni gbalo̱ Šemaia ba Rehabeam ke̱ Iuda onukpai ní ebua ame̱he nã ke̱-ba Ierusalem ye̱ Sišak hewo̱ le̱ aṅõ, ni ebakē̱ame̱ ake̱: Bo̱ni Iehowa kē̱ ne̱; Nyekwami, nohewo̱ le̱ mi hū miṅmē̃ nyehe miwo Šišak deṅ!

⁶Ke̱ke̱ ni Israel onukpai le̱ ke̱ maṅtše̱ le̱ ba ame̱he ši ni ame̱kē̱: Dšalo̱ dši Iehowa!

⁷Ši beni Iehowa na ake̱ ame̱ba ame̱he ši le̱, Iehowa wiemo̱ ba Šemaia ṅõ ake̱: Ame̱ba ame̱he ši, nohewo̱ le̱ mikpãtãṅ ame̱hĩe, ši mahereame̱ fiō ko, koni mimlila le̱ akatšṍ Sišak nine no̱ mītue mīſie Ierusalem no̱.

⁸Kẽle̱ ame̱atšṍmo̱ etšũdši, koni ame̱ná ame̱le bo̱ni misúomo̱ yo̱ ke̱ bo̱ni šikpõdši le̱ ano̱ maṅtše̱yelii le̱ hũ asúomo̱ yo̱.

⁹Ke̱ke̱ ni Sišak, Mizraim maṅtše̱ le̱, fã ke̱-ba Ierusalem, ni elō Iehowa we le̱ dſetrii le̱ ke̱ maṅtše̱ we le̱ dſetrii le̱, elō fẽ-kwa ke̱-te; ni esā elō šika tše̱ṅi ni Salomo fe le̱.

¹⁰Ni maṅtše̱ Rehabeam hã afe akō̱ble tše̱ṅi eto nãdšiaṅ, ni etu ewo bulo̱i ni buo̱ maṅtše̱ we le̱ agbó le̱ nā le̱ ano̱ asafoiatše̱mei le̱ adeṅ.

¹¹Ni befẽbe ni maṅtše̱ le̱ yaä Iehowa we le̱, bulo̱i le̱ baä ni ame̱bahĩeo̱, ni ame̱ke̱-kũo̱ ame̱se̱ ame̱ke̱-yatoo̱ bulo̱i le̱ atšũ le̱ mli ekoṅ.

¹²Ni ake̱-ni eba ehe ši hewo̱ le̱, Iehowa mlifũ le̱ dše eno̱ ni ekpatãã ehĩe kwrakwra; ni asaṅ ana nii kpakpai komei ye̱ Iuda he.

¹³Ni maṅtše̱ Rehabeam wadše ehe ye̱ Ierusalem, ni eye maṅtše̱ le̱. Ni Rehabeam eye afii nyoṅmai-edſe̱ ke̱ ekome, beni ebabõi maṅtše̱yeli le̱, ni eye maṅtše̱ le̱ afii nyoṅma ke̱ kpawo ye̱ Ierusalem, ni dši maṅ ní Iehowa ehala ye̱ Israel akutšei le̱ fẽ ateṅ, ni eke̱ *egbe̱i ato dše̱i le̱. Ni enye gbe̱i dši Naama, Amonyō le̱. [54]

¹⁴Ni efe efõṅ, edšake̱ eke̱ etšui efõõ no̱ ake̱ etao Iehowa se̱gbe̱.

¹⁵Agbene̱ le̱ Rehabeam he sãdši le̱, kleṅkleṅnii ke̱ se̱kpēnii le̱, ani aṅmãko ye̱ gbalo̱ Šemaia ke̱ ninalo̱ *Ido sãdši le̱ ní ake̱-kane wekukpã le̱ mli? Ni ta kã Rehabeam ke̱ Ierobeam teṅ dāne̱. [55]

¹⁶Ni Rehabeam ke̱ etše̱mei le̱ yawo̱, ni afũle̱ ye̱ David mã le̱ṅ; ni ebi Abia baye maṅtše̱ ye̱ ese̱.