Read luganda 2 Kronika 16 Bible Online

2 Kronika 16 - luganda bible

2 Kronika 16

¹Asa maṅtše̱yeli afi ni dši nyoṅmai-etẽ ke̱ ekpa le̱ no̱ le̱ Baeša, Israel maṅtše̱ le̱, fã batua Iuda, ni ebamã Rama, ko-ni mokomoko akaya Iuda maṅtše̱ Asa le̱ ṅõ lo edše̱ eṅõ ke̱-ba.

²Ke̱ke̱ ni Asa dšie dſie̱te̱i ke̱ šika ye̱ Iehowa we le̱ ke̱ maṅtše̱ we le̱ nitōhei le̱, ni etšũ ake̱-yahã Benhadad, Aram maṅtše̱ ni yo̱ Damasko le̱, ake̱:

³Kpãṅmo̱ kã mike̱o teṅ ke̱ mitše̱ ke̱ bo hũ otše̱ teṅ; na, mimãdšeo dſie̱te̱i ke̱ šika: ya ní oyakũ oke̱ Baeša, Israel maṅtše̱ le̱, kpãṅmo̱ le̱ mli, koni edše mino̱ eya.

⁴Ni Benhadad bo maṅtše̱ Asa toi, ni etšũ etatše̱mei ní ame̱yatua Israel mãdši le̱, ni ame̱tſía Iyon ke̱ Dan ke̱ Abel-Maim ke̱ Naftali nitō-mãdši le̱ fẽ anii.

⁵Ni eba mli ake̱, beni Baeša nu he le̱, efō Rama mã, ni efõ enitšumo̱ le̱.

⁶Ke̱ke̱ ni maṅtše̱ Asa ṅõ Iuda fẽ, ni ame̱yalō Rama te̱i le̱ ke̱ mplãṅi le̱ ni Baeša ke̱-mãa le̱ ke̱-te, ni eke̱-yamãmo̱ Geba ke̱ Mispa.

⁷Ni nakai be le̱ mli le̱ Hanani, ninalo̱ le̱, ba Iuda maṅtše̱ Asa ṅõ ni eba-kē̱le̱ ake̱: Ake̱ni *oke̱ ohĩe fõ Aram maṅtše̱ le̱ no̱, ši oke̱ ohĩe efõõ Iehowa, o-Nyoṅmo̱ le̱, no̱ hewo̱ le̱, Aram maṅtše̱ le̱ ta le̱ edše odeṅ. [70]

⁸Nto Kušbii ke̱ Lubbii le̱ ata le̱ fá babaō, ni ame̱ſīlii ke̱ okpo̱ṅo̱iatše̱mei le̱ hũ fá babaō dientše̱? Ni kẽle̱ ake̱-ni oke̱ ohĩe fõ Iehowa no̱ hewo̱ le̱, atuame̱ awo odeṅ. [71]

⁹Edšake̱ Iehowa yo̱ ne̱, ehĩṅme̱ii kpaä šikpoṅ mū le̱ fẽ no̱, ni edšieo̱ ehewale̱ kpo ehãa mei ní ame̱tšui ehĩ ke̱-wula ši ye̱ egbe̱fãṅ le̱ le̱. Oye kwašiai asane ye̱ ene̱ mli; nohewo̱ le̱ ke̱-dše̱ ṅme̱ne̱ no̱ ke̱-yaã ne̱ tai aate ši awoö!

¹⁰Ši Asa mli fũ ninalo̱ le̱, ni *ewole̱ tšũṅ; edšake̱ sane ne̱ hewo̱ le̱ emli ewole̱ la. Asaṅ Asa wa mã le̱ṅ bii le̱ ekomei ayi ye̱ nakai be le̱ mli. [72]

¹¹Ni na, Asa he sãdši le̱, kleṅkleṅnii ke̱ se̱kpēnii le̱, na, aṅmã ye̱ Iuda ke̱ Israel maṅtše̱mei le̱ awolo le̱ mli.

¹²Ni Asa ye hela ko ye̱ enãdši ahe ye̱ emaṅtše̱yeli afi ni dši nyoṅmai-etẽ ke̱ ne̱hũ le̱ no̱, ni ehela le̱ wo wu naakpa; ši kẽle̱ ehela le̱ mli hũ etaoo Iehowa se̱gbe̱, ši tšofãtše̱mei moṅ etao.

¹³Ni Asa ke̱ etše̱mei le̱ yawo̱, ni egbo ye̱ emaṅtše̱yeli afi ní dši nyoṅmai-edſe̱ ke̱ ekome le̱ no̱.

¹⁴Ni ame̱fūle̱ ye̱ efũhe ni ekpe̱ ehã ehe ye̱ David mã le̱ṅ le̱ mli. Ni ame̱ke̱le̱ ṅmẽ sā ní no̱ eyi obõ ke̱ tšofãi-ke̱-ṅmai sro̱toisro̱toi ní afutu ye̱ tšofã-futumo̱ ṅā nā le̱ no̱, ni *ame̱šã nii babaō dientše̱ ame̱hãle̱. [73]