Read luganda 2 Kronika 17 Bible Online

2 Kronika 17 - luganda bible

2 Kronika 17

¹Ni ebi Iehošafat baye maṅtše̱ ye̱ ese̱, ni ewadše ehe eto Israel. [74]

²Ni eṅõ ta eto Iuda mãdši ni atſa gbogboi awo he le̱ fẽ mli, ni eke̱ asrafoi to Iuda šikpoṅ le̱ no̱ ke̱ Efraim mãdši le̱ ni etše̱ Asa ešõ le̱ amli.

³Ni Iehowa ke̱ Iehošafat ye̱; edšake̱ enyie etše̱ David tšutšu gbē̱i le̱ ano̱, ni etaoo Baalim se̱gbe̱;

⁴ši moṅ etše̱ Nyoṅmo̱ le̱ se̱gbe̱ etao, ni ekitãi le̱ amli enyie, ni dšee Israel nifemo̱nii le̱ anā.

⁵Nohewo̱ le̱ Iehowa hã maṅtše̱yeli le̱ damo̱ ye̱ edeṅ; ni Iuda fẽ bake Iehošafat nii, ni *ená nii ke̱ anumnyam babaō. [75]

⁶Ni ake̱-ni eyo̱ Iehowa gbè̱i le̱ ahe tšui hewo̱ le̱, edšie hei groṅṅi le̱ ni egbá wo̱ṅ-kōi le̱ ye̱ Iuda.

⁷Ni emaṅtše̱yeli afi ní dši etẽ le̱ no̱ le̱ etšũ elumei ni dši Ben-Hail ke̱ Obadia ke̱ Zakaria ke̱ Netanel ke̱ Mikaia, koni ame̱yatšõ nii ye̱ Iuda mãdši le̱ amli;

⁸ni Levibii Šemaia ke̱ Netania ke̱ Zebadia ke̱ Asahel ke̱ Šemiramot ke̱ Iehonatan ke̱ Adonia ke̱ Tobia ke̱ Tob-Adonia ni dši Levibii le̱ fata amehe; ni Elišama ke̱ Iehoram, oso̱foi le̱, hũ fata amehe.

⁹Ni ame̱yatšõ nii ye̱ Iuda, ni ame̱hĩe Iehowa mlawolo le̱ ye̱ ame̱deṅ, ni ame̱kpa Iuda mãdši fẽ mli ni ame̱tšõ nii ye̱ maṅbii le̱ ateṅ,

¹⁰Nĩ Iehowa he ṅmiṅmi mõmo̱ šikpõ-dši ní bo̱le Iuda le̱ ano̱ maṅtše̱yelii le̱ fẽ, nohewo̱ le̱ ame̱ke̱ Iehošafat wuu.

¹¹Ni Filistibii le̱ ateṅ meikomei *bake Iehošafat nii, ni ame̱ke̱ dſie̱te̱i batšũ onĩa; ni Arabiabii le̱ hũ bahãle̱ tōi: tōagboi akpei-kpawo ke̱ ohai-kpawo, ke̱ tōkpakpoi hũ akpei-kpawo ke̱ ohai-kpawo. [76]

¹²Ni Iehošafat te no̱ ni eda babaō dientše̱, ni emãmo̱ mõdši ke̱ nitōhei ye̱ Iuda,

¹³ni eye̱ niyenii babaō ye̱ Iuda mãdši le̱ amli, ke̱ tabiloi kākãlo̱i ye̱ Ierusalem.

¹⁴Ni ame̱yibo̱ ni akane ye̱ ame̱tše̱mei awei le̱ anā ne̱: Iudabii le̱ ateṅ mei akpekpei ano̱ asafoiatše̱mei dši: asafoiatše̱ Adna, ni tabilo̱i kãkãlo̱i akpei-ohai-etẽ fata ehe;

¹⁵ni ese̱ le̱ asafoiatše̱ Iehohanan, ni mei akpei-ohai-enyo̱-ke̱-nyoṅmai-kpānyo̱ fata ehe;

¹⁶ni ese̱ le̱ Amasia, Zikri bi le̱ ni ṅõ ehe ehã Iehowa tšuidšũrõ nā le̱, ni hĩĩ kãkãlo̱i akpei-ohai-enyo̱ fata ehe.

¹⁷Ni Benyaminbii ateṅ le̱: Eliada, nū kãkãlo̱ le̱, ni mei ní hĩeo̱ gãi ke̱ tše̱ṅ akpei-ohai-enyo̱ fata ehe;

¹⁸ni ese̱ le̱ Iehozabad, ni mei ní esā ame̱he ehã tawū akpei-oha-ke̱-nyoṅmai-kpānyo̱ fata ehe.

¹⁹Mene̱mei dši mei ní súmoo̱ maṅtše̱ le̱, sõro mei ní maṅtše̱ le̱ ṅõ-to Iuda mãdši ní atſa gbogboi awo he le̱ amli le̱.