Read luganda 2 Kronika 18 Bible Online

2 Kronika 18 - luganda bible

2 Kronika 18

¹Ni Iehošafat ná *nii ke̱ anumnyam babaō; ni eke̱ Ahab fe ešānū. [77]

²Ni afii komei ase̱ le̱ eyiṅ ke̱-te Ahab ṅõ ye̱ Samaria; ni Ahab gbe tōi ke̱ tšinai babaō ehãe̱ ke̱ maṅ ní fata ehe le̱, ni ewo eyiṅ ake̱ eke̱le̱ aya Ramot-Gilead.

³Ni Ahab, Israel maṅtše̱ le̱, kē̱ Iehošafat, Iuda maṅtše̱ le̱, ake̱: Ani oke̱mi aate Ramot-Gilead lo? Ni eherele̱ no̱ ake̱: Mi noṅṅ dši bo, ni mimaṅ le̱ noṅṅ dši omaṅ le̱; wo̱ke̱o aate ta le̱!

⁴Ši Iehošafat kē̱ Israel maṅtše̱ le̱ ake̱: Ofai ne̱, yabi Iehowa dāṅgbē ṅme̱ne̱! [78]

⁵Ke̱ke̱ ni Israel maṅtše̱ le̱ bua gbalo̱i le̱ anā ke̱kpe, ame̱yi ohai-edſe̱, ni ekē̱ame̱ ake̱: Ani miya miyatua Ramot-Gilead ni mike̱le̱ awu, alo mikaya? Ni ame̱kē̱: Ya, ši Nyoṅmo̱ aadšiele̱ awo maṅtše̱ deṅ!

⁶Ši Iehošafat kē̱: Ani Iehowa gbalo̱ ko be̱ bie̱ ne̱ doṅṅ, ni wo̱o̱yabi nii ye̱ eṅõ?

⁷Ni Israel maṅtše̱ le̱ kē̱ Iehošafat ake̱: Mokome ye̱, ni kũle̱ wo̱o̱yabi Iehowa dāṅgbē ye̱ eṅõ, le̱ dši Mikaia, Imla bi le̱; ši mi le̱ misumo̱o̱ esane, edšake̱ egbaa ekpakpa ko ye̱ mihe, ake̱ dša efõṅ egbaã dāne̱. Ši Iehošafat kē̱: Maṅtše̱ akakē̱ nakai!

⁸Ke̱ke̱ ni Israel maṅtše̱ le̱ tšé̱ piafonyo ko ni ekē̱: Hã Mikaia, Imla bi le̱, aše̱ bie̱ mrãmrã!

⁹Ni Israel maṅtše̱ le̱ ke̱ Iehošafat, Iuda maṅtše̱ le̱, trá ame̱maṅtše̱sẽii ano̱, ni ame̱wowō ame̱tadei, ni ame̱trá he ko kpatā ko ni yo̱ Samaria agbó le̱ nã le̱; ni gbalo̱i le̱ fẽ mīgbagbai ye̱ ame̱hĩe.

¹⁰Ni Zedekia, Kenaana bi le̱, fe dade aklontoi ehā ehe, ni ekē̱: Bo̱ni Iehowa kē̱ ne̱: Ene̱mei oke̱-bašimo̱ Arambii le̱ ke̱-yaši beyino̱ ni oogbeame̱ atã!

¹¹Ni gbalo̱i le̱ fẽ gba nakai ame̱kē̱: Ya Ramot-Gilead, ni oyaye omanye; ši Iehowa batule̱ awo maṅtše̱ deṅ!

¹²Ni bo̱fo le̱ ni te Mikaia tšē̱mo̱ le̱ kē̱le̱ ake̱: Na, gbalo̱i le̱ fẽ ke̱ nābu kome egba gbale̱ kpakpa ehã maṅtše̱ le̱; nohewo̱ le̱ hã owiemo̱i le̱ atamo̱ ame̱teṅ mokome nõ, ni owie ekpakpa!

¹³Ši Mikaia kē̱: Gbĩĩabo̱ ni Iehowa hĩe kã ne̱, noni mi-Nyoṅmo̱ le̱ aakē̱mi le̱, no mawie!

¹⁴Ke̱ke̱ ni eba maṅtše̱ le̱ ṅõ. Ni maṅtše̱ le̱ kē̱le̱ ake̱: Mikaia, ani wo̱ya Ramot-Gilead wo̱yawu, alo wo̱kaya? Ni ekē̱: Nyeyaä ni nyeyayea omanye, ni aatuame̱ awo nyedeṅ!

¹⁵Ni maṅtše̱ le̱ kē̱le̱ ake̱: Šii enyie po makão kitã ake̱ okagbami sane ko sane ko, ake̱ dša ano̱kwale ke̱ke̱ ye̱ Iehowa gbe̱i amli?

¹⁶Ni ekē̱: Mina Israel fẽ ní ame̱gbe̱ ame̱fã yā ye̱ gõdši le̱ ano̱, tamo̱ tōi ni be̱ kwe̱lo̱. Ni Iehowa kē̱: Mene̱mei be̱ nuntšo̱; hã ame̱kũ ame̱se̱ ni ame̱teṅ mofẽmo aya ewe ye̱ hedšo̱le̱ mli!

¹⁷Ke̱ke̱ ni Israel maṅtše̱ le̱ kē̱ Iehošaſat ake̱: Ani mikē̱ē̱o̱ ake̱ egbaṅ ekpakpa ko ye̱ mihe, ake̱ dša efõṅ?

¹⁸Ni ekē̱: Nohewo̱ le̱ nyeboa Iehowa wiemo̱ le̱ toi: Mina Iehowa tá esẽi le̱ no̱, ni ṅwei ta le̱ fẽ damo̱ eninedšũrõ ke̱ ebe̱ku.

¹⁹Ni Iehowa kē̱: Namo aayalaka Ahab, Israel maṅtše̱ le̱, koni eya ni eyanyõ ye̱ Ramot-Gilead? Ni moko mīkē̱ ne̱ke̱, moko hũ mikē̱ ne̱ke̱.

²⁰Ni mumo̱ le̱ dše kpo ba ni ebadamo̱ Iehowa hĩe ni ekē̱: Mi mayalakale̱! Ni Iehowa kē̱le̱ ake̱: Ke̱ meni?

²¹Ni ekē̱: Madše kpo mate ni mayatšṍ amale mumo̱ ye̱ egbalo̱i le̱ fã nā! Ni ekē̱: Oolakale̱ ni onine aaše̱ eno̱ hũ; ya ni oyafe nakai!

²²Nohewo̱ le̱ agbe̱ne̱, na, Iehowa eṅõ amale mumo̱ ewo ogbalo̱i ne̱ fẽ nã; ši Iehowa ewie efõṅ ye̱ ohe.

²³Ke̱ke̱ ni *Zedekia, Kenaana bi le̱, tši ba ni ebagbá Mikaia hĩe māã ni ekē̱: Nẽgbe̱ Iehowa Mumo̱ le̱ tšṍ dše mino̱ ni eke̱o bawie? [79]

²⁴Ši Mikaia kē̱: Na, bodientše̱ obana ye̱ nakai gbĩ le̱ no̱; beni oodše̱ pia mli ke̱-ya pia mli ní oyatē ohe le̱!

²⁵Ke̱ke̱ ni Israel maṅtše̱ le̱ kē̱: Nyeṅõa Mikaia ni nyeke̱le̱ akũa se̱ ayahãa Amon, mā le̱ṅ onukpa le̱, ke̱ Ioaš, maṅtše̱ bi le̱,

²⁶ni nyeyakē̱a ake̱: Bo̱ni maṅtše̱ kē̱ ne̱: Nyeṅõa mone̱ *nyewoa tšũṅ, ni nyeke̱ amanehũlũ abolo ke̱ amanehũlũ nu alē̱le̱ ke̱-yaši beyino̱ ní mate mayaye omanye ni maba. [80]

²⁷Ni Mikaia kē̱: Ke̱dši ote oyaye omanye oba fĩ, bēle̱ dšee Iehowa tšṍ mino̱ wie le̱! Ni esā ekē̱: Nyeboa toi, nye mãdši le̱ fẽ!

²⁸Ke̱ke̱ ni Israel maṅtše̱ le̱ ke̱ Iehošafat, Iuda maṅtše̱ le̱, fã ke̱-te Ramot-Gilead.

²⁹Ni Israel maṅtše̱ le̱ kē̱ Iehošafat ake̱: Mibatšake mihe ni maya ta le̱ nā; ši bo le̱ wo otadei le̱! Ni Israel maṅtše̱ le̱ tšake ehe ni ete ta le̱ nā.

³⁰Ši Aram maṅtše̱ le̱ ewo eſīlii le̱ ano̱ asafoiatše̱mei le̱ akitã ake̱: Nyeke̱ mo bibiō alo mo wulu ko akawua, ake̱ dša Israel maṅtše̱ le̱ ke̱ke̱!

³¹Ni eba mli ake̱, beni ſīlii le̱ ano̱ asafoiatše̱mei le̱ na Iehošafat le̱, ame̱kē̱ ake̱: Israel maṅtše̱ le̱ ne̱! ni ame̱gbá ke̱-ba ní ame̱ke̱le̱ abawu. Ši Iehošafat bo, ni Iehowa ye buale̱, ni Nyoṅmo̱ hã ame̱dše ehe.

³²Ni eba mli ake̱, beni ſīlii le̱ ano̱ asafoiatše̱mei le̱ na ake̱ dšee Israel maṅtše̱ le̱ ni le̱, ame̱kpale ye̱ ese̱.

³³Ši nū ko gbla egāi ni elee be ni etšẽ Israel maṅtše̱ le̱ ye̱ šišigbe̱ dama le̱ ke̱ ṅweigbe̱ dama le̱ kpēhe le̱, nohewo̱ le̱ ekē̱ eſīli kudo̱lo̱ le̱ ake̱: Tšṍ onine ni oke̱mi adše ta le̱ nā, ši mipila!

³⁴Ni ta le̱ mli wa nakai gbĩ le̱, ni ahīe Israel maṅtše̱ le̱ mli ke̱-damo̱ eſīli le̱ mli ye̱ Arambii le̱ ahĩe ke̱-yaši gbe̱ke̱; ni aafe hũlũ šinyõ mli le̱ egbo.