Read luganda 2 Kronika 21 Bible Online

2 Kronika 21 - luganda bible

2 Kronika 21

¹Ni Iehošafat ke̱ etše̱mei le̱ yawo, ni afũle̱ afata etše̱mei le̱ ahe ye̱ David mã le̱ṅ; ni ebi Iehoram baye maṅtše̱ ye̱ ese̱.

²Ni eye nyemimeihĩĩ ni dši Iehošafat bii: Azaria, Iehiel, Zakaria ke̱ Azariahu ke̱ Mikael ke̱ Šefatia; mene̱mei fẽ le̱ Israel maṅtše̱ Iehošafat bii ni.

³Ni ame̱tše̱ le̱ keame̱ nikēnii pī: dſie̱te̱i ke̱ šika ke̱ nibii ni dšra wa ke̱ Iuda mli mãdši ni atſa gbogboi awo he le̱ ekomei; ši maṅtše̱yeli le̱ eṅõ-hã Iehoram, edšake̱ le̱ dši kromo̱bi.

⁴Ši beni Iehoram bõi etše̱ maṅtše̱yeli le̱ no̱ yeli ni ená hewale̱ le̱, egbe enyemimeihĩĩ le̱ fẽ ke̱ klante ke̱ Israel onukpai le̱ ateṅ meikomei hũ.

⁵Iehoram eye afii nyoṅmai-etẽ ke̱ enyo̱, beni ebabõi maṅtše̱yeli le̱, ni eye maṅtše̱ afii kpānyo̱ yo̱ Ierusalem.

⁶Ni enyie Israel maṅtše̱mei le̱ agbe le̱ no̱, tamo̱ bo̱ni Ahab we le̱ fe le̱; edšake̱ Ahab biyō dši eṅã; ni efe efõṅ ye̱ Iehowa hĩe.

⁷Ši kẽle̱ Iehowa sumo̱o̱ ake̱ ekpãtã David we le̱ hĩe, ye̱ kpãṅmo̱ ni eke̱ *David kpãṅ le̱ hewo̱ ke̱ ši ní ewo ake̱ eehã le̱ ke̱ ebii le̱ †kane dāne̱ le̱ hewo̱. [94]

⁸Eyino̱ le̱ Edom tše Iuda hĩe atũa, ni ame̱dientše̱ ame̱wo maṅtše̱ ame̱hã ame̱he.

⁹Ni Iehoram ke̱ esafoiatše̱mei le̱ ke̱ ſīlii fẽ ní eyo̱ foṅ ke̱-te dše̱i; ni ete ši nyōṅ ni eyatſia Edombii ni ebo̱lele̱ ke̱-kpe le̱ ke̱ ſīlii le̱ ano̱ asafoiatše̱mei le̱ anii.

¹⁰Ni Edom tše Iuda hĩe atũa ke̱-baši ṅme̱ne̱. No be le̱ mli noṅṅ Libna hũ tše ehĩe atũa; edšake̱ ekwa Iehowa, etše̱mei a-Nyoṅmo̱ le̱.

¹¹Asaṅ efe hei groṅṅi ye̱ Iuda gõdši le̱ ano̱, ni ehã Ierusalembii le̱ bo̱ adſamaṅ, ni ehã Iuda dū gbe̱.

¹²Ke̱ke̱ ni wolo ko dše̱ gbalo̱ Elia deṅ ke̱-ba eṅõ ake̱: Bo̱ni Iehowa, otše̱ David Nyoṅmo̱ le̱, kē̱ ne̱: Gbĩĩabo̱ ní onyiee otše̱ Iehošaſat gbe̱i le̱ ke̱ Asa, Iuda maṅtše̱ le̱, gbè̱i le̱ ano̱,

¹³ši moṅ Israel maṅtše̱mei le̱ agbē̱i le̱ ano̱ onyie, ni ohã Iuda ke̱ Ierusalembii le̱ ebo̱ adſamaṅ, tamo̱ bo̱ni Ahab we le̱ bo̱ adſamaṅ le̱, ni asaṅ ogbe onyemimei ni dše̱ otše̱ we le̱ ní bi ſēo le̱ he-wo̱ le̱,

¹⁴na, Iehowa ke̱ haomo̱ kpeteṅkple bahao omaṅ ke̱ obii ke̱ oṅāmei ke̱ onii ni oyo le̱ fẽ-tſẽm.

¹⁵Ni bodientše̱ hũ, hela wulu ko bamõo ni dši omũsũṅ-hela, āhũ ke̱-yaši beyino̱ ni hela le̱ so̱ṅṅ nā le̱ omlinii aatue dā.

¹⁶Ke̱ke̱ ni Iehowa te Filistibii ke̱ Arabiabii ni yo̱ Kušbii le̱ amase̱i le̱ amumo̱ ši ewo Iehoram;

¹⁷ni ame̱fã ame̱batua Iuda, ni ame̱dſa ame̱yi no̱, ni ame̱lō nii fẽ ní anaä ye̱ maṅtše̱ we le̱ ke̱ ebihĩĩ le̱ ke̱ eṅãmei le̱ ke̱-te, ni ašĩĩ binū ko ahããle̱, ake̱ dša Iehoahaz, ebihĩĩ le̱ ateṅ gbekẽ le̱ pe̱.

¹⁸Ni ene̱mei fẽ se̱ le̱ Iehowa ke̱ mũsũṅ-hela ko ni ebĩĩ tšámo̱ pīle̱.

¹⁹Ni ene̱ kã he gbĩĩabo̱ ke̱-yaši afii enyo̱ se̱ le̱, hela le̱ so̱ṅṅ hã emlinii tue, ni egbo ke̱ hedšramo̱. Ni emaṅbĩi le̱ ešãã nokonoko hããle̱ *tamo̱ bo̱ni ašã ahā etše̱mei le̱. [95]

²⁰*Eye afii nyoṅmai-etẽ ke̱ enyo̱, beni ebabõi maṅtše̱yeli le̱, ni eye maṅ-tše̱ afii kpānyo̱ ye̱ Ierusalem; ni edše mli ni mokomoko hĩe eto̱o̱ mli. Ni ame̱fũle̱ ye̱ David mã le̱ṅ, ši †dšee maṅtše̱mei le̱ abui le̱ amli. [96]