Read luganda 2 Kronika 22 Bible Online

2 Kronika 22 - luganda bible

2 Kronika 22

¹Ke̱ke̱ ni Ierusalembii le̱ wo ebi gbe-kẽ Ahazia le̱ maṅtše̱ ye̱ ese̱; edšake̱ ebii nukpai le̱ fẽ le̱, odšoyeli ta ní ke̱ Arabiabii le̱ babo̱ nsra le̱ egbeame̱. Nohewo̱ le̱ Iuda maṅtše̱ Iehoram bi Ahazia le̱ ye maṅtše̱.

²Ahazia eye afii nyoṅmai-enyo̱ ke̱ enyo̱, beni ebabõi maṅtše̱yeli le̱, ni eye maṅtše̱ afi kome ye̱ Ierusalem; ni enye gbe̱i dši Atalia, Omri biyō le̱.

³Le̱ hũ enyie Ahab we le̱ gbè̱i le̱ ano̱, edšake̱ enye dši eṅāwole̱ ní hãa efeo̱ efõṅ.

⁴Ni efe nõfõṅ ye̱ Iehowa hĩe tamo̱ Ahab we le̱; edšake̱ etše̱ gbẽle le̱ se̱ le̱ ame̱ noṅṅ ame̱woo̱le̱ ṅā ní aahã eble akpãtã.

⁵Ame̱ṅāwõ no̱ noṅṅ enyie, ni eke̱ Iehoram, Ahab bi ni dši Israel maṅtše̱ le̱, te ta ni ame̱ke̱ Hazael, Aram maṅtše̱ le̱, yawu ye̱ Ramot-Gilead; ni Arambii le̱ pila Ioram.

⁶Ni ekũ ese̱ ke̱-ba Iezreel, koni atšá pilamo̱i ni apilale̱ ye̱ Rama, beni eke̱ Aram maṅtše̱ Hazael wuo̱ le̱, ahãle̱. Ni Ahazia, Iuda maṅtše̱ Iehoram bi le̱, yiṅ ke̱-ba, koni ebasra Iehoram, Ahab bi le̱, ye̱ Iezreel, edšake̱ ehe miye.

⁷Ši ošrã ní bašrã Ahazia, ake̱ ete Ioram ṅõ le̱, edše̱ Nyoṅmo̱ deṅ; edšake̱ beni ete le̱, eke̱ Iehoram fã ni ame̱ke̱ Iehu, Nimši bi *ní Iehowa efo̱le̱ mũ ní ekpãtã Ahab we le̱ hĩe le̱, yakpe. [97]

⁸Ni eba mli ake̱, beni Iehu ke̱ ko-dšomo̱ ba Ahab we le̱ no̱ le̱, eyanina Iuda asafoiatše̱mei le̱ ke̱ Ahazia nyemimei abii ni súmoo̱ Ahazia le̱, ni egbeame̱. [98]

⁹Ni eyatao Ahazia, ni amõle̱, ši eyatē ehe ye̱ Samaria. Ni ame̱ke̱le̱ ba Iehu ṅõ, ni ame̱gbele̱; ni ame̱yafũle̱, edšake̱ ame̱-kē̱: Iehošafat ní tao Iehowa se̱gbe̱ ke̱ etšui mū le̱ fẽ le̱ bi dšile̱! Ni moko be̱ Ahazia we le̱ doṅṅ ní yo̱ hewale̱ ní eke̱-anyẽ maṅtše̱yeli le̱ mli ehīe. [99]

¹⁰Ši beni Ahazia nye Atalia na ake̱ ebi le̱ egbo le̱, ete ši ni ekpãtã maṅtše̱ sešibii le̱ fẽ hĩe ye̱ Iuda we le̱.

¹¹Ši Iehošabeat, maṅtše̱ biyō le̱, ṅõ Ioaš, Ahazia bi le̱, ni edšule̱ ke̱-dše̱ maṅtše̱ bihĩĩ le̱ ni abagbeame̱ le̱ ateṅ, ni eke̱le̱ ke̱ efufo̱hãlo̱ le̱ fē yato sāi atšũ le̱ṅ. Ni Iehošabeat ní dši maṅtše̱ Iehoram biyō ke̱ oso̱fo Iehoiada ṅã le̱, ake̱-ní Ahazia nyemiyō dšile̱ hewo̱ le̱, eṅõle̱ etē Atalia, koni ekagbele̱.

¹²Ni eke̱ame̱ yatē ye̱ Nyoṅmo̱ we le̱ afii ekpa. Ni Atalia ye maṅnye ye̱ šikpoṅ le no̱.