Read luganda 2 Kronika 23 Bible Online

2 Kronika 23 - luganda bible

2 Kronika 23

¹Ši afi ni dši kpawo le̱ no̱ le̱ Iehoiada wadše ehe, ni eṅõ mei ohahai ano̱ asafoiatše̱mei le̱, Azaria, Ieroham bi le̱, ke̱ Išmael, Iehohanan bi le̱, ke̱ Azariahu, Obed bi le̱, ke̱ Maaseia, Adaia bi le̱, ke̱ Elišafat, Zikri bi le̱, ni eke̱ame̱ kpãṅ.

²Ni ame̱yakpa Iuda, ni ame̱bua Levibii le̱ anã ke̱-dše̱ Iuda mãdši le̱ fē mli, ke̱ Israel tše̱mei awei le̱ ano̱ onukpai le̱, ni ame̱bakpe ye̱ Ierusalem.

³Ni asafo mū le̱ fẽ ke̱ maṅtše̱ le̱ kpãṅ ye̱ Nyoṅmo̱ we le̱. Ni ekē̱ame̱ ake̱: Na, maṅtše̱ le̱ binū le̱ aye maṅtše̱, take̱ bo̱ni Iehowa ewie ye̱ David bihĩĩ le̱ ahe le̱.

⁴Bo̱ni nyefe ne̱: Nyeteṅ mei ni babõi ame̱nitšumo̱ ye̱ hedšō̱mo̱gbĩ le̱ no̱, ye̱ oso̱foi ke̱ Levibii le̱ ateṅ le̱, amlidšāi etẽ mli ekome atšṍmo̱ agbónākwe̱lo̱i;

⁵ni mlidšāi etẽ mli ekome ahĩ maṅtše̱ we le̱, ni mlidšāi etẽ mli ekome hũ abi šišitō agbó le̱ nā; ši maṅ mū le̱ fẽ ahĩ ši ye̱ Iehowa we le̱ kpoi le̱ ano̱.

⁶Ni moko akaya Iehowa we le̱, ake̱ dša oso̱foi le̱ ke̱ mei ní súmoo̱ ye̱ Levibii le̱ ateṅ le̱ ke̱ke̱; ame̱ ame̱ya dše̱i, edšake̱ ame̱ye̱ kroṅkroṅ; ši maṅ mū le̱ fẽ aye Iehowa gbe̱nā le̱ no̱.

⁷Ni Levibii le̱ abo̱le maṅtše̱ le̱ he ke̱-kpe, mofẽmo ahĩe etawūnii ye̱ edẽ; ni mofẽmo ni abote šĩa le̱, agbele̱. Ni kē̱ maṅtše̱ le̱ mīdše kpo dšio, ēba šĩa dšio, ame̱hī ehe.

⁸Ni Levibii le̱ ke̱ Iuda fẽ fe bo̱ni oso̱fo Iehoiada woamo̱ kitã le̱ pe̱pē̱pe̱, ni ame̱teṅ mofẽmo ṅõ ewebii ní baã nitšumo̱ ye̱ hedšō̱mo̱gbĩ le̱ no̱ le̱ ke̱ mei ni kpaã nítšumo̱ ye̱ hedšō̱mo̱gbĩ le̱ no̱ le̱; edšake̱ oso̱fo Iehoiada hãã asafokui le̱ agbe aſã.

⁹Ni oso̱fo Iehoiada ṅõ akploi ke̱ tše̱ṅi wudši ke̱ tše̱ṅi bibii ní dši maṅtše̱ David nii ní yo̱ Nyoṅmo̱ we le̱ ehã mei ohahai ano̱ asafoiatše̱mei le̱.

¹⁰Ni eto maṅ mū le̱ fẽ edamo̱ ši, ni mofẽmo hĩe etawūnii ye̱ edẽ, ke̱-dše̱ šĩa le̱ ninedšũrõ koṅ le̱ no̱ ke̱-yaši šĩa le̱ abe̱ku koṅ le̱ no̱ ye̱ afo̱lešãlate̱ le̱ ke̱ šĩa le̱ hĩe, ni ame̱bo̱le maṅtše̱ le̱ he ke̱-kpe.

¹¹Ke̱ke̱ ni ame̱dšie maṅtše̱ bi le̱ ke̱-dše kpo, ni ame̱ke̱ maṅtše̱ akekre le̱ fīle̱, ni ame̱ṅõ odase le̱ hũ ame̱wo edeṅ, ni ame̱wole̱ maṅtše̱; ni Iehoiada ke̱ ebihĩĩ le̱ fo̱le̱ mũ, ní ame̱kē̱ ake̱: Maṅtše̱ yi aná wala!

¹²Ši beni Atalia nu maṅbii ni hĩe foi ke̱-ba ni ame̱dšĩeo̱ maṅtše̱ le̱ yi le̱ ablo̱mo̱ le̱, eba maṅbii le̱ aṅō ye̱ Iehowa we le̱;

¹³ni ebakwe̱, ni na, maṅtše̱ le̱ damo̱ ešidamo̱he le̱ ye̱ šĩnā le̱ ši, nĩ asafoiatše̱mei le̱ ke̱ te̱tre̱mantre̱kpālo̱i le̱ ye̱ maṅtše̱ le̱ mase̱i, ni šikpoṅ le̱ no̱ bii le̱ fẽ mīnyã́ nĩ ame̱mīkpãkpã te̱tre̱mantre̱i, ni lalatše̱mei le̱ hũ ke̱ saṅkũi woo̱ no̱ ni alaä yidšiemo̱ lalai. Ke̱ke̱ ni Atalia gbla ehe atadei ni ekē̱: Apām, apām!

¹⁴Ši oso̱fo Iehoiada fã́ mei ohahai ano̱ asafoiatše̱mei ní aṅõ-to ta le̱ no̱ le̱, ni ekē̱ame̱ ake̱: Nyeke̱le̱ adšea klempẽi le̱ ateṅ, ni mofẽmo ni aanyie ese̱ le̱, ake̱ klante agbele̱! Edšake̱ oso̱fo le̱ ekē̱ eto ake̱: Nyekagbeale̱ ye̱ Iehowa we le̱!

¹⁵Ni ame̱hãle̱ gbe̱, ni beni eše̱ okpo̱ṅo̱i agbó lo̱ ní atšṍo̱ ke̱-yaä maṅtše̱ we le̱ nā le̱, ame̱gbele̱ ye̱ dše̱i.

¹⁶Ke̱ke̱ ni Iehoiada ke̱ maṅ mū le̱ fẽ ke̱ maṅtše̱ le̱ *kpãṅ ake̱ ame̱afe Iehowa maṅ. [100]

¹⁷Ni maṅ mū le̱ fẽ yabote Baal we le̱, ni ame̱kũmo̱ ame̱ſĩe ši, ni efo̱lešãla-te̱i le̱ ke̱ emãgãi le̱ ame̱kũmo̱, ni Matan, Baal oso̱fo le̱, hũ ame̱gbele̱ ye̱ afo̱lešãlate̱i le̱ ahĩe.

¹⁸Nĩ Iehoiada to Iehowa we le̱ nitšumo̱i le̱ gbe̱dšiano̱ ewo oso̱foi ke̱ Levibii le̱ ní David edša ame̱mlĩ eto Iehowa we le̱ adeṅ, koni ame̱šā Iehowa šã-afo̱lei le̱, tamo̱ bo̱ni aṅmã ye̱ Mose mla le̱ mli le̱, ni ame̱fe ke̱ nyã́mo̱ ke̱ *lala, tamo̱ bo̱ni David to le̱. [101]

¹⁹Ni asaṅ eke̱ agbónākwe̱lo̱i le̱ to Iehowa we le̱ agbói le̱ anā, koni moko ni ebule ehe ye̱ sane ko hewo̱ akabote mli.

²⁰Ni eṅõ mei ohahai ano̱ asafoiatše̱mei le̱ ke̱ hīenāno̱bii le̱ ke̱ maṅ le̱ no̱yelo̱i le̱ ke̱ šikpoṅ le̱ no̱ bii le̱ fẽ, ni ame̱yaṅõ maṅtše̱ le̱ ke̱-dše̱ Iehowa we le̱, ni ame̱tšṍ agbó ní kwo̱ le̱ mli ke̱-ba maṅtše̱ we le̱, ni ame̱ke̱ maṅtše̱ le̱ batá maṅtše̱yeli sẽi le̱ no̱.

²¹Ni šikpoṅ le̱ no̱ bii le̱ fẽ nyã́, ni mã le̱ mli dšo̱; ši Atalia le̱, ame̱ke̱ klante gbele̱.