Read luganda 2 Kronika 24 Bible Online

2 Kronika 24 - luganda bible

2 Kronika 24

¹Ioaš eye afii kpawo, beni ebabõi maṅtše̱yeli le̱, ni eye maṅtše̱ afii nyoṅmai-edſe̱ ye̱ Ierusalem, ni enye gbe̱i dši Zibia ní dše̱ Beeršeba le̱.

²Ni Ioaš fe noni dša ye̱ Iehowa hĩe ye̱ oso̱ſo Iehoiada gbĩĩ le̱ fẽ mli.

³Ni Iehoiada kpẽ yei enyo̱ ehāle̱, ni efo̱ bihĩĩ ke̱ biyei.

⁴Ni ene̱ se̱ le̱ eba mli ake̱ Ioaš to eyiṅ ake̱ eesā Iehowa we le̱ ehẽ.

⁵Ni ebua oso̱foi le̱ ke̱ Levibii le̱ anā ke̱-kpe ni ekē̱ame̱ ake̱: Nyeyaä Iuda mã-dši le̱ amli, ni nyeyatšũa šika ye̱ Israel fẽ deṅ, ni ake̱-sā nye-Nyoṅmo̱ le̱ we le̱ dã afi, ni nyehe afea oyá ye̱ ne̱ke̱ sane ne̱ mli! Ši kẽle̱ Levibii le̱ ahe efee oyá.

⁶Ke̱ke̱ ni maṅtše̱ le̱ yatšé̱ onukpa Iehoiada, ni ekē̱le̱ ake̱: Mẽhewo̱ okwe̱e̱ ní Levibii le̱ ayatšũ Iuda ke̱ Ierusalem onla ni Iehowa tšũlo̱ *Mose to hã Israel asafo le̱ ye̱ odase bū le̱ hewo̱ le̱? [102]

⁷Edšake̱ Atalia, yō fōṅ le̱, *bii le̱ ekũmo̱ Nyoṅmo̱ we le̱, ní asaṅ Iehowa we le̱ nibii kroṅkroṅi le̱ hũ ame̱ke̱ fẽ ehã Baalim. [103]

⁸Ke̱ke̱ ni maṅtše̱ le̱ fã́ ni akpe adeka kome, ni ake̱-mã Iehowa we le̱ agbó le̱ nā;

⁹ni ašie̱ ye̱ Iuda ke̱ Ierusalem ake̱ ame̱ke̱ Nyoṅmo̱ tšũlo̱ *Mose onĩa ní eto ehã Israel ye̱ ṅã le̱ no̱ le̱ aba ebahã Iehowa. [104]

¹⁰Ke̱ke̱ ni onukpai le̱ ke̱ maṅ mū le̱ fẽ ná mīše̱, ni ame̱ke̱-ba ame̱bawo adeka le̱ mli āhũ ke̱-yaši beyino̱ ni eyi to̱.

¹¹Ni eba mli ake̱, ké̱ še̱ be ní Levibii le̱ ke̱ adeka le̱ bahã mei ni maṅtše̱ le̱ eto ake̱ ame̱kwe̱ le̱, ké̱ ame̱na ake̱ šika babaō ye̱ mli le̱, no le̱ maṅtše̱ le̱ woloṅmãlo̱ le̱ ke̱ moni oso̱fonukpa le̱ eto ake̱ ekwe̱ le̱ baä, ni ame̱bafo̱seo̱ ye̱ adeka le̱ mli, ni ame̱wóo̱ ame̱yamãa emā̃he le̱ ekoṅ. Nakai ame̱feo̱ gbĩ-fẽ-gbĩ, ni ame̱ke̱-bua šika babaō nā.

¹²Ni maṅtše̱ le̱ ke̱ Iehoiada ṅõ-hã mei ni tšuo̱ Iehowa we le̱ súomo̱ nitšumo̱ le̱; ni ame̱ hũ ame̱ke̱-bo̱ te̱gbalo̱i ke̱ ṅālo̱i apā, koni ame̱sā Iehowa we le̱ ehẽ, ke̱ dade ke̱ akō̱ble ṅālo̱i hũ, koni ame̱-sā Iehowa we le̱.

¹³Ni nitšulo̱i le̱ tšu nii, ni sāmo̱ nitšumo̱ le̱ te no̱ dšogbāṅ ye̱ ame̱deṅ, ni ame̱sā Nyoṅmo̱ we le̱ ame̱mã ši bo̱ni eheo̱, ni ame̱hã ená hewale̱.

¹⁴Ni beni amegbe nā le̱, ame̱ke̱ šika ní ſe̱ le̱ ba maṅtše̱ le̱ ke̱ Iehoiada hĩe, ni aṅõ-fe nibii ahã Iehowa we le̱: súomo̱ ke̱ afo̱lešā̃ he nibii, ke̱ liko̱liko̱i, ke̱ ši-ka ke̱ dſie̱te̱i nibii. Ni ame̱sãa šã-afo̱le ye̱ Iehowa we le̱ dāne̱ ye̱ Iehoiada gbĩĩ le̱ fẽ mli.

¹⁵Ni Iehoiada gbo̱ kotokoto ni eto̱ ke̱ gbĩĩ so̱ṅṅ, ni egbo; ni beni egbo le̱, eye afii oha ke̱ nyoṅmai-etẽ.

¹⁶Ni ame̱yafūle̱ ye̱ David mã le̱ṅ, ye̱ maṅtše̱mei le̱ amase̱i; edšake̱ etšu nii kpakpai ye̱ Israel ke̱ Nyoṅmo̱ ke̱ ewe le̱ hũ he.

¹⁷Ši Iehoiada gbĕle se̱ le̱ Iuda onukpai le̱ ba ni ame̱bakoto maṅtše̱ le̱; ke̱-ke̱ ni maṅtše̱ le̱ boame̱ toi.

¹⁸Ni ame̱kwa Iehowa, ame̱tše̱mei a-Nyoṅmo̱ le̱, we le̱, ni ame̱yasúmo̱ Aše-rim ke̱ amãgãi le̱. Ni mlifũ ba Iuda ke̱ Ierusalem no̱ ye̱ ame̱no̱tõmo̱ ne̱ hewo̱.

¹⁹Ši kẽle̱ etšũ gbalo̱i ke̱-ba ame̱ṅõ ní ame̱kpaleame̱ ke̱-ba Iehowa ṅõ ekoṅ, ni ame̱ye odase ame̱šiame̱; ši ame̱boo toi.

²⁰Ke̱ke̱ ni Nyoṅmo̱ Mumo̱ le̱ bayi Zakaria, oso̱fo Iehoiada bi le̱, no̱, ni ete ši edamo̱ maṅ le̱ hĩe ni ekē̱ame̱ ake̱: Bo̱ni Nyoṅmo̱ kē̱ ne̱: Mẽba nyetõo̱ Iehowa kitãi le̱? Ši ehĩṅ hãṅnye; edšake̱ nyekwa Iehowa, ni le̱ hũ ekwanye!

²¹Ši ame̱te eyi no̱ apãm, ni ame̱ya-tſiale̱ te̱i ye̱ maṅtše̱ le̱ fámo̱ nā, ye̱ Iehowa we le̱ kpo le̱ no̱. [105]

²²Ni maṅtše̱ Ioaš kaii edšũrõ ṅi etše̱ Iehoiada fele̱ le̱, ni egbe ebi le̱. Ni beni egboo̱ le̱ ekē̱: Iehowa aakwe̱ ní ebi ši!

²³Ni eba mii ake̱ afi nākplo̱ se̱ le̱ Arambii ata le̱ fã batuale̱, ni ame̱ba Iuda ke̱ Ierusalem, ni ame̱bakpãtã maṅ onukpai le̱ fẽ hĩe ye̱ maṅbii le̱ ateṅ, ni ame̱he nii ni ame̱ha le̱ fẽ ame̱ṅõ-mãdše Damasko maṅtše̱ le̱.

²⁴Ši mei fio ke̱ke̱ Aram ta le̱ hĩe ke̱-ba, ni kẽle̱ Iehowa ṅõ ta babaō le̱ ewo ame̱deṅ; edšake̱ ame̱kwa Iehowa, ame̱tše̱mei a-Nyoṅmo̱ le̱; ni ame̱ke̱ kodšomo̱ ba Ioaš no̱.

²⁵Ši beni ame̱dše ehe ame̱te le̱, (edšake̱ ame̱šīle̱ ye̱ helai babaō mli,) etšũdši te eyi no̱ apãm ye̱ oso̱fo Iehoiada bii le̱ alá hewo̱, ni ame̱yagbele̱ ye̱ esā no̱, ni egbo; ni ame̱fũle̱ ye̱ David mã le̱ṅ, ši *amefũũle̱ ye maṅtše̱mei le afũhei le̱. [106]

²⁶Ni mei ni te eyi no̱ apãm le̱ ne̱: Zabad, Amonyō Šimeat bi le̱, ke̱ Iehozabad, Moabyō Šimrit bi le̱.

²⁷Ši ebii le̱, ke̱ dšatšui kplei ni ake̱-ſie eno̱ le̱, ke̱ Nyoṅmo̱ we le̱ sāmo̱ le̱, na, aṅmã ye̱ maṅtše̱mei awolo le̱ šišitšõmo̱ le̱ mli. Ni ebi Amazia baye maṅtše̱ ye̱ ese̱.