Read luganda 2 Kronika 28 Bible Online

2 Kronika 28 - luganda bible

2 Kronika 28

¹Ahaz eye afii nyoṅmai-enyo̱, beni ebabõi maṅtše̱yeli le̱, ni eye maṅtše̱ afii nyoṅma ke̱ ekpa ye̱ Ierusalem. Ni efee noni dša ye̱ Iehowa hĩe, tamo̱ bo̱ni etše̱ David fe le̱;

²ši enyie Israel maṅtše̱mei le̱ agbè̱i le̱ ano̱; ni efe amãgãi ni aſie tete ehã Baalim.

³Ni asaṅ ešã tšofã-ke̱-ṅma ye̱ Ben-Hinom dšō̱ le̱ṅ, ni ešã ebii ye̱ la mli, tamo̱ *dšeṅmãdši ni Iehowa ſie ye̱ Israelbii le̱ ahĩe le̱ anihīnii le̱. [118]

⁴Ni ešãšã afo̱lei ke̱ tšofãi-ke̱-ṅmai ye̱ hei groṅṅi le̱ ke̱ *goṅkpo̱i le̱ ano̱ ke̱ tšo-fẽ-tšo ni ebu kusū šiši. [119]

⁵Nohewo̱ le̱ Iehowa, e-Nyoṅmo̱ le̱, ṅõle̱ ewo Aram maṅtše̱ le̱ deṅ, ní ame̱ye eno̱, ni ame̱ṅõ emei le̱ ateṅ mei babaō nom, ni ame̱ke̱ame̱ te Damasko. Ni asaṅ eṅõle̱ ewo Israel maṅtše̱ le̱ hũ deṅ, ni ekpãtã ehĩe butū.

⁶Ni Peka, Remalia bi le̱, gbe Iudabii le̱ ateṅ mei akpei-oha-ke̱-nyoṅmai-enyo̱ gbĩ kome, hĩĩ ekãlo̱i so̱ṅṅ; edšake̱ ame̱kwa Iehowa, ame̱tše̱mei a-Nyoṅmo̱ le̱.

⁷Ni Zikri, Efraimnyo ekãlo̱ ko, gbe Maaseia, maṅtše̱ bi le̱, ke̱ Azrikam, šĩa le̱ onukpa le̱, ke̱ Elkana, maṅtše̱ se̱mo le̱.

⁸Ni Israelbii le̱ ṅõ ame̱nyemimei le̱ ateṅ mei akpei-ohai-enyo̱ nom, yei ke̱ bibii ke̱ biyei so̱ṅṅ, ni ame̱ha nii babaō hũ ye̱ ame̱deṅ, ni ame̱ke̱ hānii le̱ ba Samaria.

⁹Ši Iehowa gbalo̱ ko ye̱ dše̱i, ní atšē̱o̱le̱ Oded; ni eke̱ ta ní baä Samaria le̱ yakpe, ni ekē̱ame̱ ake: Na, Iehowa, nyetše̱mei a-Nyoṅmo̱ le̱, mli ni efũ Iuda hewo̱ atuame̱ awo nyedeṅ ne̱; ši nye-gbegbẽame̱ āhũ ke̱ grimo̱ ni ekwo̱ ke̱-yaše̱ ṅwei tō̃! [120]

¹⁰Ni agbe̱ne̱ nyetſa fai ši ake̱ nyemīṅõ Iudabii ke̱ Ierusalembii nyefe nyenyṍ-dšihĩĩ ke̱ nyenyṍdšiyei. Aso bĕle̱ nye le̱ nyetõko Iehowa, nye-Nyoṅmo̱ le̱, no̱ lo?

¹¹Nohewo̱ le̱ agbe̱ne̱ nyeboami toi, ni nyehãa nyenyemimei le̱ ni nyeyaṅõ-ame̱ nom le̱ akũa ame̱se̱ ayaä; edšake̱ Iehowa mlifũ ní nā wa kã nyeno̱!

¹²Ke̱ke̱ ni Efraimbii le̱ anukpai le̱ ateṅ meikomei ni dši Azaria, Iohanan bi le̱, ke̱ Berekia, Mešilemot bi le̱, ke̱ Iehizkĩa, Šalum bi le̱, ke̱ Amasa, Hadlai bi le̱, te ši wo mei ni dše̱ ta le̱ṅ baã le̱,

¹³ni ame̱kē̱ame̱ ake̱: Nyeke̱ nomi le̱ akabaã bie̱! Edšake̱ nyetſa fai ši ake̱ nyeaṅõ Iehowa no̱ tõmo̱ ko nyebafõ wo̱-no̱ nyeši wohe ešai ke̱ wo̱no̱tõmo̱i le̱ ano̱ le̱; ši wo̱tõmo̱ le̱ fá momo, ni mlifũ ni nã wa kã Israel no̱!

¹⁴Ke̱ke̱ ni tabilo̱i le̱ šĩ nomi le̱ ke̱ hānii le̱ ye̱ lumei le̱ ke̱ asafo mū le̱ fẽ hĩe.

¹⁵Ni hĩĩ ní atšĩ ame̱gbe̱ii atã le̱ te ši, ni ame̱he nomi le̱, ni ame̱teṅ *mei fẽ ní nyie yayai le̱, ame̱ṅõ hānii le̱ eko ame̱bumo̱ame̱ ni ame̱woame̱ atadei, ni ame̱woame̱ tokotai, ni ame̱hãame̱ nii ame̱ye, ni ame̱sā ame̱hãame̱ nu amenu, ni ame̱-kpaame̱ mũ, ni ame̱ṅõ ame̱teṅ mei fẽ ni nyẽẽ anyie le̱ ame̱trá tedšii ano̱, ni ame̱-ke̱ame̱ ba Ieriko, tẽṅi amã le̱ṅ, ye̱ ame̱-nyemimei le̱ aṅõ, ni ame̱kũ ame̱se̱ ke̱-te Samaria. [121]

¹⁶Nakai be le̱ mli le̱ maṅtše̱ Ahaz tšũ Ašur maṅtše̱mei le̱ aṅõ, koni ame̱baye ame̱buale̱.

¹⁷Edšake̱ Edombii le̱ eba ekoṅ, ni ame̱batſia Iudabii le̱ ateṅ meikomei anii, ni ame̱ṅõ meikomei anom.

¹⁸Ni Filistibii le̱ hũ ebatua mãdši ní yo̱ dšō̱ šikpoṅ le̱ no̱ le̱ ke̱ Iuda wuoyigbe̱ le̱, ni ame̱ṅõ Bet-Šemeš ke̱ Ayalon ke̱ Gederot ke̱ Soko ke̱ ehe mãdši le̱, ke̱ Timna ke̱ ehe mãdši le̱, ke̱ Gimzo ke̱ ehe mãdši le̱, ni ame̱bahī dše̱i.

¹⁹Edšake̱ Israel maṅtše̱ Ahaz hewo̱ lo̱ Iehowa eba Iuda ši; edšake̱ ebo̱ nye-nyeṅtſi ye̱ Iuda, ni etõ Iehowa no̱ babaō.

²⁰Ni Tiglat-Pilneser, Ašur maṅtše̱ le̱, ba eṅõ, ni ebahaole̱, ši ewoole̱ hewale̱ moṅ.

²¹Ši Ahaz lō Iehowa we le̱ ke̱ maṅtše̱ we le̱ ke̱ lumei le̱ anii, ni eṅõ-hã Ašur maṅtše̱ le̱, ši eyee ebuaale̱.

²²Ši efĩmo̱ be le̱ mli le̱ ne̱ke̱ maṅtše̱ Ahaz ne̱ noṅṅ kã he ētõ Iehowa no̱ lolo.

²³Edšake̱ ešãa afo̱lei ehãa Damasko nyoṅmo̱i le̱ ni tſiale̱ nii le̱, ni ekē̱o̱ ake̱: Aram maṅtše̱mei le̱ anyoṅmo̱i le̱ yeo̱ buaä-ame̱ hewo̱ le̱ mašã afo̱le mahãame̱, ni ame̱ye ame̱buami hũ! Ši ame̱ moṅ ame̱-bã eke̱ Israel fẽ hĩe kpãtã.

²⁴Ni Ahaz bua Nyoṅmo̱ we lo̱ nibii lo̱ anā, ni edſăra Nyoṅmo̱ we le̱ nibii le̱, ni eṅã́mo̱ Iehowa we le̱ šĩnāi le̱, ni efe afo̱lešãlate̱i ehã ehe ye̱ Ierusalem koṅ-fẽ-koṅ.

²⁵Ni efe hei groṅṅi ye̱ Iuda maṅ-fẽ-maṅ no̱, koni ašã tšofã-ke̱-ṅma ahã nyoṅmo̱i krokomei, ni ewo Iehowa, etše̱mei a-Nyoṅmo̱ le̱, mlila.

²⁶Ši ehe sãdši ni eſe̱ le̱ ke̱ enifemo̱-nii le̱, kleṅkleṅnii ke̱ se̱kpēnii le̱, na, aṅmã ye̱ Iuda ke̱ Israel maṅtše̱mei le̱ awolo le̱ mli.

²⁷Ni Ahaz ke̱ etše̱mei le̱ yawo̱, ni ame̱fũle̱ ye̱ mã le̱ṅ, ye̱ Ierusalem; ši ame̱ke̱le̱ *eyaa Israel maṅtše̱mei afũhei le̱. Ni ebi Hezekia baye maṅtše̱ ye̱ ese̱. [122]