Read luganda 2 Kronika 29 Bible Online

2 Kronika 29 - luganda bible

2 Kronika 29

¹Hezekia eye afii nyoṅmai-enyo̱ ko̱ enumo̱, beni ebaye maṅtše̱ le̱, ni eye maṅtše̱ afii nyoṅmai-enyo̱ ke̱ ne̱hũ ye̱ Ierusalem; ni enye gbe̱i dši Abia, Zakaria biyō le̱. [123]

²Ni efe noni dša ye̱ Iehowa hĩe, tamo̱ bo̱ni etše̱ David fe le̱ pe̱pē̱pe̱.

³Emaṅtše̱yeli kleṅkleṅ afi le̱ no̱ kleṅkleṅ nyõṅ le̱ no̱ le̱ egble Iehowa we le̱ šĩnāi le̱ ni esāame̱.

⁴Ni eṅõ oso̱foi le̱ ke̱ Levibii le̱ ke̱-te mli, ni ebua ame̱nā ye̱ he kpatā ko ni yo̱ bokãgbe̱ le̱,

⁵ni ekē̱ame̱ ake̱: Nyeboami toi, nye Levibii! Agbe̱ne̱ nyefea nyehe kroṅkroṅ, ni nyefea Iehowa, nyetše̱mei a-Nyoṅmo̱ le̱, we le̱ hũ kroṅkroṅ, ni nyedšiea nyãṅe-mo̱nii le̱ ke̱-dše̱a hekroṅkroṅ le̱!

⁶Edšake̱ wo̱tše̱mei le̱ etõ ni ame̱fe efõṅ ye̱ Iehowa, wo̱-Nyoṅmo̱ le̱, hĩe, ni ame̱-kwale̱; ni ame̱tšṍ ame̱hĩe ke̱-dše̱ Iehowa šihīle̱he le̱, ni ame̱tšṍ ame̱kotose̱ ame̱hãle̱;

⁷ni asaṅ *ame̱ṅã́mo̱ koi le̱ nā šĩnāi le̱, ni amegbe kanei le̱, ni tšofā-ke̱-ṅma hũ ame̱šãã doṅṅ, ni šã-afo̱le tete ame̱sãā ye̱ hekroṅkroṅ le̱ doṅṅ ame̱hãã Israel Nyoṅmo̱ le̱. [124]

⁸Nohewo̱ le̱ Iehowa mlifũ bakã Iuda ke̱ Ierusalem no̱, ni eṅõame̱ ehā ni agbe̱ame̱ aſã ni ame̱tšṍmo̱ nākpe̱nõ ko ke̱ tšiábōnõ, tamo̱ bo̱ni nyedientše̱ nyenaã ke̱ nyebĩṅme̱ii ne̱.

⁹Ši na, we̱tše̱mei le̱ enyõnyõi ye̱ klante nã, ni wo̱bihĩĩ le̱ ke̱ wo̱biyei le̱ ke̱ wo̱ṅãmei le̱, aṅõame̱ nom ke̱-te ye̱ ene̱ hewo̱ [125]

¹⁰Agbe̱ne̱ eye̱ mitšui mli ake̱ mike̱ Iehowa, Israel Nyoṅmo̱ le̱, aakpãṅ, koni emlifũ ní nā wa le̱ adše wo̱no̱.

¹¹Mibii! agbe̱ne̱ nyekafea hedšõ; edšake̱ Iehowa ehalanye ní nyedamo̱ ehĩe ni nyesúmo̱le̱ ni nyetšṍmo̱ esúolo̱i ke̱ tšo-fã-ke̱-ṅma šālo̱i.

¹²Ke̱ke̱ ni Levibii le̱ te ši; Kahatbii le̱ ateṅ le̱: Mahat, Amasai bi le̱, ke̱ Ioel, Azaria bi le̱; ni Meraribii le̱ ateṅ le̱: Kiš, Abdi bi le̱, ke̱ Azaria, Iehalelel bi le̱; ni Geršonbii le̱ ateṅ le̱: Ioa, Zima bi le̱, ke̱ Eden, Ioa bi le̱;

¹³ni Elizafan bii le̱ ateṅ le̱: Šimri ke̱ Ieuel; ni Asaf bii le̱ ateṅ le̱: Zakaria ke̱ Matania;

¹⁴ni Heman bii le̱ ateṅ le̱: Iehuel ke̱ Šimei; ni Iedutun bii le̱ ateṅ le̱: Šemaia ke̱ Uziel.

¹⁵Ni ame̱bua ame̱nyemimei le̱ anā, ni ame̱fe ame̱he kroṅkroṅ, ni ame̱yabote Iehowa we le̱, tamo̱ bo̱ni maṅtše̱ le̱ fã́ ye̱ Iehowa wiemo̱i le̱ anā le̱, koni ame-yatšumo̱ dše̱i.

¹⁶Ni oso̱foi le̱ bote Iehowa šĩa le̱ mligbe̱ le̱, koni ame̱yatšumo̱ dše̱i ni ame̱-dšie mũdšinii fẽ ní ame̱na ye̱ Iehowa so̱lemo̱tšũ le̱ṅ le̱ ke̱-ba Iehowa šĩa le̱ kpo le̱ no̱, ni Levibii le̱ lō ke̱-dše kpo ni ame̱yatši ame̱ſie Kidron fā le̱ mli.

¹⁷Ni kleṅkleṅ nyõṅ le̱ no̱ kleṅkleṅ gbĩ le̱ no̱ ame̱bõi kroṅkroṅfemo̱ le̱, ni nyõṅ le̱ no̱ gbĩ ní dši gbĩ kpānyo̱ le̱ ame̱še̱ Iehowa koi le̱ ši, ni ame̱fe Iehowa we le̱ kroṅkroṅ gbĩĩ kpānyo̱, ni kleṅkleṅ nyõṅ le̱ no̱ gbĩ ni dši gbĩ nyoṅma ke̱ ekpa le̱ ame̱gbe nã.

¹⁸Ke̱ke̱ ni ame̱ba maṅtše̱ Hezekia ṅõ ni ame̱bakē̱: Wo̱tšumo̱ Iehowa we le̱ fẽ, ke̱ šã-afo̱le-late̱ le̱ ke̱ ehe nibii le̱ fẽ, ke̱ hĩe-mã-abolo okplõ le̱ ke̱ ehe nibii le̱ fẽ he;

¹⁹ni nibii fẽ hũ ní maṅtše̱ Ahaz bule ye̱ etõmo̱ le̱ mli, beni eyeo̱ maṅtše̱ le̱, wo̱sā ni wo̱feame̱ kroṅkroṅ, ni na, ame̱ye̱ Iehowa afo̱lešãlate̱ le̱ hĩe!

²⁰Ke̱ke̱ ni maṅtše̱ Hezekia te ši lebi mãṅkpa, ni ebua mã le̱ṅ onukpai le̱ anā, ni eyiṅ ke̱-te Iehowa we le̱.

²¹Ni ame̱ke̱ tšinahĩĩ kpawo ke̱ tō-agboi kpawo ke̱ tōbii kpawo ke̱ tōkpakpoi hũ kpawo ba ni ake̱-šã eša-afo̱le ahã maṅtše̱yeli le̱ ke̱ hekroṅkroṅ le̱ ke̱ Iuda; ni efã́ Aaronbii ni dši oso̱foi le̱ ake̱ ame̱ke̱-šã afo̱lei ye̱ Iehowa afo̱lešã-late̱ le̱ no̱.

²²Ni ame̱gbe tšinai le̱, ni oso̱foi le̱ so̱o lá le̱ ni ame̱ke̱-ſã aſo̱lešãlate̱ le̱ no̱; ni ame̱gbe tōagboi le̱, ni ame̱ke̱ lá le̱ ſã aſo̱lešãlate̱ le̱ no̱; asaṅ ame̱gbe tōbii le̱ hũ ni ame̱ke̱ lá le̱ ſã afo̱lešãlate̱ le̱ no̱.

²³Ke̱ke̱ ni ame̱ke̱ tōkpakpoi ni ake̱-bašã eša-afo̱le ba maṅtše̱ le̱ ke̱ asafo le̱ hĩe, ni ame̱ṅõ ame̱nidši ame̱ſie ameno̱.

²⁴Ni oso̱foi le̱ gbeame̱, ni ame̱ke̱ ame̱-lá le̱ fe eša-afo̱le ye̱ afo̱lešãlate̱ le̱ no̱, koni ame̱ke̱-kpãtã ame̱hã Israel fẽ; edšake̱ maṅtše̱ le̱ fã́ ake̱ šã-afo̱le le̱ ke̱ eša-afo̱le le̱ ašã ahã Israel fẽ.

²⁵Ni ehã Levibii le̱ yadamo̱ Iehowa we le̱ ke̱ ṅoṅoi ke̱ be̱dši ke̱ saṅkũi le̱ ye̱ *David ke̱ Gad, maṅtše̱ ninalo̱ le̱, ke̱ Natan, gbalo̱ le̱, kitã le̱ nā; edšake̱ Iehowa kitã ni etšṍ gbalo̱i le̱ ano̱ ewo ni. [126]

²⁶Ni Levibii le̱ hĩe David lala nibii le̱ ke̱-damo̱ ši, ni oso̱foi le̱ hũ hĩe te̱tre̱mantre̱i.

²⁷Ni Hezekia fã́ ake̱ ašã šã-afo̱le ye̱ afo̱lešãlate̱ le̱ no̱; ni beni abõi šã-afo̱le le̱ ši le̱, keke̱ ni abõi Iehowa lalai le̱ alamo̱ ke̱ te̱tre̱mantre̱i le̱ akpãmo̱ ye̱ Israel maṅtše̱ David lala nibii le̱ anā.

²⁸Ni asafo mū le̱ fẽ kũla ši; ni lalo̱i le̱ la ni akpã te̱tre̱mantre̱i le̱ hũ āhũ ke̱-yaši beyino̱ ní agbe šã-afo̱le le̱ nā.

²⁹Ni beni agbe šã-afo̱le le̱ nā le̱, maṅtše̱ le̱ ke̱ mei fẽ ní ke̱le̱ yo̱ dše̱i le̱ koto ši ni ame̱so̱le.

³⁰Ni maṅtše̱ Hezekia ke̱ onukpai le̱ fã Levibii le̱ ake̱ ame̱ke̱ *David ke̱ Asaf, ninalo̱ le̱, wiemo̱i le̱ ala adšie Iehowa yi. Ni ame̱dšie eyi ke̱ nyámo̱ āhũ, ni ame̱mãmo̱ ame̱yi ši ni ame̱so̱le. [127]

³¹Ke̱ke̱ ni Hezekia here no̱ ni ekē̱: Agbe̱ne̱ nyefe nyehe kroṅkroṅ nyehā Iehowa; nyetšia nyebe̱ṅke̱a ní nyeke̱ afo̱lei ke̱ šidā-afo̱lei abaä Iehowa we le̱! Ni asafo le̱ ke̱ afo̱lei ke̱ šidā-afo̱lei ba, ni mofẽmo ni yo̱ he tšui le̱ eke̱ šã-afo̱lei ba.

³²Ni šã-afo̱lei ni asafo le̱ ke̱-ba le̱ ayibo̱ dši tšinai nyoṅmai-kpawo ke̱ tō-agboi oha ke̱ tōbii ohai-enyo̱; ene̱mei fẽ le̱ ake̱-šã šã-afo̱le ahã Iehowa.

³³Ni nibii ni adšō̱ no̱ ake le̱ dši tšinai ohai-ekpa ke̱ tōi hũ akpei-etẽ.

³⁴Ši oso̱foi le̱ ayi fáá bo̱ni ame̱anyẽ šã-afo̱lei le̱ fẽ ahe wodši ame̱kplo̱; nohewo̱ le̱ ame̱nyemimei, Levibii le̱, waame̱ ke̱-yaši beyino̱ ni agbe nitšumo̱ le̱ nã ní oso̱foi le̱ fe ame̱he kroṅkroṅ; edšake̱ Levibii le̱ moṅ bo̱ mo̱deṅ ni ame̱fe amehe kroṅkroṅ fè oso̱foi le̱. [128]

³⁵Ni asaṅ šã-afo̱le le̱ fá babaō ke̱ šidā-afo̱lei le̱ ahe *fo̱i le̱ ke̱ †dā̃-afo̱lei ní fata šā̃-afo̱le-fẽ-šā̃-afo̱le he le̱. Ni ato Iehowa we le̱ súomo̱ le̱ gbe̱dšiano̱. [129]

³⁶Ši Hezekia ke̱ maṅ mū le̱ fẽ ná mīše̱ ye̱ sāmo̱ ní Nyoṅmo̱ esā maṅ le̱ eto le̱ hewo̱; edšake̱ afe nii ne̱ oyá.