Read luganda 2 Kronika 3 Bible Online

2 Kronika 3 - luganda bible

2 Kronika 3

¹Ke̱ke̱ ni Salomo bõi Iehowa šia le̱ mā̃ ye̱ Ierusalem ye̱ *Moria goṅ le̱ ni atšõ etše̱ David le̱ no̱, heni David esā eto †ye̱ Ornan, Iebusnyo le̱, ṅmā̃gbēmo̱he le̱. [11]

²Ši ebõi mā̃ ye̱ nyõn ní dši enyo̱ le̱ no̱ gbĩ ní dši enyo̱ le̱ no̱ ye̱ emaṅtše̱yeli afi ni dši edſe̱ le̱ no̱.

³Ni Nyoṅmo̱ šĩa le̱ ni Salomo mã le̱, ešišitō ní eto ne̱: Blema susumo̱ le̱ nā le̱ eke̱le̱ dši ninetalo̱i nyoṅmai-ekpa, ni elē̱mo̱ dši ninetalo̱i nyoṅmai-enyo̱.

⁴Ni koi ni yo̱ tšũ le̱ hĩegbe̱ le̱ hũ ke̱le̱ dši ninetalo̱i nyoṅmai-enyo̱, tamo tšũ le̱ lē̱mo̱ le̱ noṅṅ, ni ekwo̱le̱ dši ninetalo̱i oha ke̱ nyoṅmai-enyo̱; ni eke šika kro̱ṅṅ ha mligbe̱ le̱.

⁵Ni tšũ wulu le̱ eke̱ se̱se̱o ha he ni eke̱ šika kro̱ṅṅ ha he, ni eyeyē tēṅi ke̱ kõsõṅkõsõi asãmãi ye̱ no̱.

⁶Ni esā eke̱ te̱i ní dšra wa mãmo̱ tšũ le̱ he ni eke̱-wulale̱; ni šika le̱ Parwaim šika ni.

⁷Ni esa eke̱ šika ha tšũ le̱ ke̱ mplãṅi le̱ ke̱ šīnātšei le̱ ke̱ gbogboi le̱ ke̱ šĩnāi le̱ ahe, ni eye kerubim sãmãi ye̱ gbogboi le̱ ahe.

⁸Ni efe tšũ kroṅkroṅ fè fẽ le̱ hũ: eke̱le̱ dši ninetalo̱i nyoṅmai-enyo̱, tamo̱ šĩa le̱ lē̱mo̱ le̱ noṅṅ, ni elē̱mo̱ hũ ninetalo̱i nyoṅmai-enyo̱; ni eke̱ šika kpakpa ni nā šio̱ talentai ohai-ekpa ha he.

⁹Ni noni aṅmẽ aṅõ-fe ple̱kobii le̱ hũ nā šio̱ šika šekeli nyoṅmai-enumo̱. Ni ṅwei tšũi le̱ hũ eha he šika.

¹⁰Ni tšũ kroṅkroṅ fè fē le̱ mli le̱ efe kerubim enyo̱ ní agbo̱, ni eke̱ šika ha he.

¹¹Ni kerubim le̱ afĩdši le̱ fẽ ke̱le̱ dši ninetalo̱i nyoṅmai-enyo̱; ekome fĩne kome hĩe ninetalo̱i enumo̱, ni eyasa tšũ le̱ṅ gbogbo le̱ he, ni efĩne kroko le̱ hũ hĩe ninetalo̱i enumo̱, ni eyasa kerub kroko le̱ fĩne kome he.

¹²Ni kerub kroko le̱ hũ fĩne hĩe ninetalo̱i enumo̱, ni eyasa tšũ le̱ṅ gbo-gbo le̱ he, ni efĩne kroko le̱ hũ hĩe ninetalo̱i enumo̱, ni eke̱ kerub kroko le̱ fĩne le̱ kpe.

¹³Ne̱ke̱ kerubim ne̱ afĩdši ní ame̱kpã mli le̱ efeo̱ ninetalo̱i nyoṅmai-enyo̱; ši ame̱damo̱ ame̱nãdši ano̱, ni ame̱hĩei kwe̱o̱ tšũ le̱ṅ gbe.

¹⁴Ni eke̱ mama blū ke̱ afaseo tšuru ke̱ etšuru fā ke̱ klala kpakpa fe muhō̱ le̱, ni elò kerubim ewo mli. [12]

¹⁵Ni efe akulašĩṅi enyo ye̱ tšũ le̱ hĩe: ame̱kwo̱le̱ dši ninetalo̱i nyoṅmai-etẽ ke̱ enumo̱, ni yiteṅ kpo̱i ni mãmo̱ ame̱yiteaṅ le̱ ekome hĩe ninetalo̱i enumo̱.

¹⁶Ni esā efe kõsõṅkõsõi ni eke̱-wo akulašĩṅi le̱ ayiteaṅ, ni efe kpo̱bii kokrobii oha ewo kõsõṅkõsõi le̱ ahe.

¹⁷Ni eke̱ akulašĩṅi le̱ mãmo̱ so̱lemo̱-tšũ le̱ hĩe, ekome ye̱ ninedšũrõgbe̱, ni ekome hũ ye̱ abe̱kugbe̱; ni etšé̱ ninedšũrõ nõ le̱ gbe̱i ake Iakin, ni abe̱ku nō le̱ hũ etšē̱ egbe̱i Boas.