Read luganda 2 Kronika 34 Bible Online

2 Kronika 34 - luganda bible

2 Kronika 34

¹Iosia eye afii kpānyo̱, beni ebabõi maṅtše̱yeli le̱, ni eye maṅtše̱ afii nyoṅmai-etẽ ke̱ ekome ye̱ Ierusalem.

²Ni *eſe noni dša ye̱ Iehowa hĩe, ni enyie etše̱ David gbè̱i le̱ ano̱, ni egbáá ninedšũrõ lo abe̱ku. [153]

³Edšake̱ emaṅtše̱yeli afi ni dši kpānyo̱ le̱ no̱, beni edako le̱, ebõi etše̱ David Nyoṅmo̱ le̱ se̱gbe̱ taomo̱, ni afi ni dši nyoṅma ke̱ enyo̱ le̱ no̱ le̱ ebõi Iuda ke̱ Ierusalem hetšũmo̱ ke̱ hei groṅṅi le̱ ke̱ wo̱ṅkōi le̱ ke̱ wo̱dši le̱ ke̱ amãgãi le̱ adšiemo̱.

⁴Ni ame̱kũmo̱kũmō̱ Baalim afo̱lešãlate̱i le̱ ye̱ ehĩe, ni *hũlũ amãgãi le̱ ni mãmo̱ no̱ le̱ eflo̱ eſie ši; ni wo̱ṅ-kōi le̱ egbá ni wo̱dši le̱ ke̱ amãgãi le̱ edſãra ni ešime̱ame̱ mlumlu, ni eṅō-ſã mei ní šã afo̱lei hãame̱ le̱ asãṅi le̱ ano̱. [154]

⁵Ni oso̱foi le̱ *awui le̱ ešã ye̱ ame̱fo̱lešãlate̱i le̱ ano̱, ni etšũ Iuda ke̱ Ierusalem he, [155]

⁶ke̱ Manase ke̱ Efraim ke̱ Simeon mãdši le̱ hũ āhũ ke̱-yaši Naftali tṍ, ke̱ ame̱maṅfõi le̱ amli ke̱-kpe.

⁷Ni beni ekũmo̱ afo̱lešãlate̱i le̱ ni egbá wo̱ṅ-kōi le̱ ni ešimo̱ wo̱dši le̱ mlumlu ni eflo̱ hũlũ amãgãi le̱ eſie ši ye̱ Israel šikpoṅ mū le̱ fẽ no̱ le̱, ekũ ese̱ ke̱-ba Ierusalem ekoṅ.

⁸Ni emaṅtše̱yeli afi ni dši nyoṅma ke̱ kpānyo̱ le̱ no̱ le̱, beni etšū šikpoṅ le̱ ke̱ šĩa le̱ he le̱, etšũ Šafan, Azalia bi le̱, ke̱ Maaseia, maṅ le̱ no̱ lumo le̱, ke̱ Ioa, Ioahaz bi ni dši sãdšiaṅmãlo̱ le̱, koni ame̱ya ni ame̱yasā Iehowa, e-Nyoṅmo̱ le̱, we le̱.

⁹Ni ame̱te oso̱fonukpa Hilkia ṅõ, ni ame̱ṅõ šika ni ake̱-ba Nyoṅmo̱ we le̱ ni Levibii ni dši agbónākwe̱lo̱i lo̱ ebua nā ke̱-dše̱ Manase ke̱ Efraim ke̱ Israel mei ni eſe̱ le̱ fẽ, ke̱ Iuda ke̱ Benyamin ke̱ Ierusalem bii le̱ fẽ adeṅ le̱,

¹⁰ni ame̱tu ame̱wo mei ni kwe̱o̱ Iehowa we le̱ nitšulo̱i le̱ ano̱ le̱ adeṅ; ni ame̱ hũ ame̱ṅõ-hä nitšulo̱i ni tšuo̱ nii ye̱ Iehowa we le̱, ni ame̱sā šĩa le̱ hei ní ekũmo̱ le̱,

¹¹ame̱ke̱-hã tšogbo̱lo̱i ke̱ tšũmãlo̱i ni aṅõ-he te̱i ní ako ke̱ tšei ní ake̱-fe mplãṅi ke̱ he̱he̱mo̱tšei ahã tšũi ní Iuda maṅtše̱mei le̱ efite le̱.

¹²Ni hĩĩ le̱ yeo̱ ano̱kwa ye̱ nitšumo̱ le̱ mli. Ni ame̱no̱kwe̱lo̱i dši Iahat ke̱ Obadia, Levibii ni dše̱ Meraribii le̱ ateṅ le̱, ke̱ Zakaria ke̱ Mešulam ní dše̱ Kahatbii le̱ ateṅ le̱, koni amehã nitšumo̱ le̱ aya no̱; ni Levibii le̱ ateṅ mei fẽ ni le saṅkũi ahe nii le̱,

¹³ame̱dši mei ní kwe̱o̱ dšatšutĕrelo̱i lo̱ ano̱, ni ame̱hãa mei ní tšuo̱ nitšumo̱i sro̱toi le̱ fẽ yaä no̱; ni asaṅ Levibii le̱ ateṅ meikomei noṅṅ dši woloṅmãlo̱i ke̱ kodšolo̱i ke̱ agbónākwe̱lo̱i.

¹⁴Ni beni ame̱dšĩeo̱ šika ni ake̱-ba Iehowa we le̱, oso̱fo Hilkia yana mlawolo ní Iehowa tšṍ Mose nine no̱ eṅõ-hā le̱.

¹⁵Ni Hilkia wó enã no̱ ni ekē̱ Šafan, woloṅmãlo̱ le̱, ake̱: Miyana mlawolo le̱ ye̱ Iehowa we le̱. Ni Hilkia ṅõ wolo le̱ ehã Šafan.

¹⁶Ke̱ke̱ ni Šafan ke̱ wolo le̱ bahã maṅtše̱ le̱; ni esā ekē̱ maṅtše̱ le̱ ake̱: Nibii fẽ ni atu awo otšũdši le̱ adeṅ le̱, ame̱mīfe.

¹⁷Ni ame̱fo̱se šika ni ana ye̱ Iehowa we le̱ ame̱fie ši, ni ame̱tu ame̱wo no̱kwe̱lo̱i le̱ ke̱ nitšulo̱i le̱ adeṅ.

¹⁸Ni Šafan, woloṅmãlo̱ le̱, tšī tã etšõ maṅtše̱ le̱ ake̱: Oso̱fo Hilkia ke̱ wolo ko hãmi. Ni Šafan kane ye̱ maṅtše̱ le̱ hĩe.

¹⁹Ni eba mli ake̱, beni maṅtše̱ le̱ nu mla le̱ mli wiemo̱i le̱, egbla etadei.

²⁰Ke̱ke̱ ni maṅtše̱ le̱ fã́ Hilkia ke̱ Ahikam, Šafan bi le̱, ke̱ Abdon, Mika bi le̱, ke̱ Šafan, woloṅmãlo̱ le̱, ke̱ Asaia, maṅtše̱ le̱ tšũlo̱ le̱, ake̱:

²¹Nyeyaä ní nyeyabia Iehowa nii nyehãa mi ke̱ mei ni eſe̱ ye̱ Israel ke̱ Iuda le̱, ye̱ wolo ní ana le̱ mli wiemo̱i le̱ ahewo̱; ši Iehowa mlifũ ni afo̱se aſie wo̱no̱ le̱ da, edšake̱ wo̱tše̱mei le̱ yee Iehowa wiemo̱ le̱ no̱ ni ame̱fe nibii fẽ ní aṅmã ye̱ wolo ne̱ mli le̱.

²²Ke̱ke̱ ni Hilkia ke̱ mei ni maṅtše̱ le̱ tšũ le̱ yiṅ ame̱te gbalo̱yō Hulda ní dši Hasra bi Tokhat bi Šalum, moni kwe̱o̱ atadei le̱, ṅã le̱ ṅõ; ši le̱ le̱ Ierusalem eyo̱, ye̱ maṅ le̱ mlidšã ní dši enyo̱ le̱ mli, ni ame̱ke̱le̱ yawie nakai.

²³Ni ekē̱ame̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Nyeyakē̱a nū ní tšũnye miṅõ le̱ ake̱:

²⁴Bo̱ni Iehowa *kē̱ ne̱: Na, mike̱ nõfõṅ baba bie̱ ne̱ ke̱ bie̱bii le̱ ano̱: mike̱ lōmo̱i fẽ ní aṅmã ye̱ wolo ni akane ye̱ Iuda maṅtše̱ le̱ hĩe le̱ mli le baba! [156]

²⁵Ake̱-ni ame̱šĩmi, ni ame̱yašã tšofã-ke̱-ṅma ame̱hã nyoṅmo̱i krokomei, koni ame̱ke̱ ame̱nine nā nitšumo̱i le̱ fẽ awo mimli la, hewo̱ le̱ afo̱se mimlila le̱ aſie bie̱ no̱, ni agbeṅ!

²⁶Ši bo̱ni nyeyakē̱ Iuda maṅtše̱ le̱ ní tšũnye ake̱ nyebabi Iehowa nii le̱ ne̱: Bo̱ni Iehowa, Israel Nyoṅmo̱ le̱, kē̱ ne̱: Wiemo̱i ni onu le̱ ahewo̱ le̱,

²⁷ake̱-ni otšui he edšo̱ bo̱dē̱ ni *oba ohe ši ye̱ Nyoṅmo̱ hĩe, beni onu ewie-mo̱i ní ewie ye̱ bie̱ ne̱ ke̱ bie̱bii le̱ ahewo̱ le̱, ni oba ohe ši ye̱ mihĩe, ni ogbla otadei, ni ofó ye̱ mihĩe hewo̱ le̱, mi hũ minu, Iehowa kē̱. [157]

²⁸Na, mabua onā mafata otše̱mei le̱ ahe, ni aabua onā awo ogbonyobu mli ye̱ hedšo̱le̱ mli, ni nõfõṅ fẽ ní mike̱baba bie̱ ne̱ ke̱ bie̱bii le̱ ano̱ le̱ ohĩṅme̱ii enaṅ! Ni ame̱bagba maṅtše̱ le̱.

²⁹Ke̱ke̱ ni maṅtše̱ le̱ tšũ ni ayabua Iuda ke̱ Ierusalem onukpai le̱ fẽ anā ke̱-kpe.

³⁰Ni maṅtše̱ le̱ yiṅ ke̱-te Iehowa we le̱, ke̱ Iuda hĩĩ le̱ ke̱ Ierusalembii le̱ fẽ ke̱ oso̱foi le̱ ke̱ Levibii le̱ ke̱ maṅ mū le̱ fẽ ke̱-dše̱ mo wulu no̱ ke̱-yaši mo bibiō no̱; ni akane kpãṅmo̱ wolo ni ana ye̱ Iehowa we le̱ mli wiemo̱i le̱ fẽ ye̱ ame̱toiiaṅ.

³¹Ke̱ke̱ ni maṅtše̱ le̱ yadamo̱ ešidamo̱he le̱, ni *ekpãṅ ye̱ Iehowa hĩe ake̱ eenyie Iehowa se̱ ni eeye ekitãi le̱ ke̱ edasei le̱ ke̱ ekpo̱i le̱ ano̱ ke̱ etšui mŭ le̱ fẽ ke̱ esusuma mū le̱ fẽ, koni eye kpãṅmo̱ le̱ mli wiemo̱i ní aṅmã ye̱ wolo ne̱ mli le̱ ano̱. [158]

³²Ni *ehã mei fẽ ní ana ye̱ Ierusalem ke̱ Benyamin le̱ bote [kpãṅmo̱ le̱] mli. Ni Ierusalembii le̱ ye Nyoṅmo̱ ní dši ame̱tše̱mei a-Nyoṅmo̱ le̱ kpãṅmo le̱ no̱. [159]

³³Ni Iosia dšie nihĩnii le̱ fẽ ke̱-dše̱ šikpõdši ni dši Israelbii le̱ anii le̱ ano̱, ni ehã mei fẽ ní ana ye̱ Israel le̱ súmo̱ Iehowa, ame̱-Nyoṅmo̱ le̱. Egbĩĩ le̱ fẽ mli le̱ ame̱dšee Iehowa, ame̱tše̱mei a-Nyoṅmo̱ le̱, he.