Read luganda 2 Kronika 4 Bible Online

2 Kronika 4 - luganda bible

2 Kronika 4

¹Asaṅ efe *akō̱ble afo̱lešãlate̱: eke̱le̱ dši ninetalo̱i nyoṅmai-enyo̱ ni elē̱mo̱ hũ ninetalo̱i nyoṅmai-enyo̱ ni ekwo̱le̱ ninetalo̱i nyoṅma. [13]

²Ni efe ṅšo̱ ní aſie: ke̱-dše̱ nābu bie̱ ke̱-yaši nābu bie̱ le̱ efeo̱ ninetalo̱i nyoṅma, afele̱ kutruku, ni ekwo̱le̱ dši ninetalo̱i enumo̱, ni kpã ni hĩe ninetalo̱i nyoṅmai-etẽ aakpe he.

³Ni to̱ ke̱ ehe bāi bo̱le ekue̱ le̱ ke̱-kpe, ninetalo̱ kome ble nyoṅma ke̱-bo̱le ṅšo̱ le̱ kpũla; to̱ ke̱ ehe bāi le̱ srẽnẽi enyo̱ ni, ni aſieame̱ ke̱ le̱ fẽ šikome.

⁴Emã tšinai nyoṅma ke̱ enyo̱ no̱, etẽ mīkwe̱ kōyigbe̱, ni etẽ mīkwe̱ anaigbe̱, ni etẽ mīkwe̱ wuoyigbe̱, ni etẽ mīkwe̱ bokãgbe̱; ni ṅšo̱ le̱ mã ameno̱ ye̱ ṅwei, ni ame̱se̱gbe̱i fẽ eyadše mligbe̱.

⁵Ni ehīe dẽ lē̱mo̱ tile̱, ni afe enā-bu tamo kpulu nābu, tamo̱ fo̱fo̱i ni egble enā; ni eyeo̱ bati akpei-etẽ.

⁶Ke̱ke̱ ni efe botokui nyoṅma, ni eṅõ enumo̱ eto ninedšũrõgbe̱, ni eṅõ enumo̱ hũ eto abe̱kugbe̱, koni afo̱ nii ahe ye̱ mli, ni ame̱dšale šã-afo̱le le̱ he nibii le̱ ahe ye̱ mli; ši ṅšo̱ le̱ ye̱ hã oso̱foi le̱, ni ame̱fo̱flo̱ amehe ye̱ mli.

⁷Ni esā efe šika kanetšei nyoṅma tamo̱ boni atšõ ake̱ afeame̱ le̱, ni eṅõ-mãmo̱ so̱lemo̱tšũ le̱ṅ, enumo̱ ye̱ nine-dšũrõgbe̱, ni enumo̱ hũ ye̱ abe̱kugbe̱.

⁸Asaṅ efe okplõi nyoṅma ni eṅõ-māmo̱ so̱lemo̱tšũ le̱ṅ, enumo̱ ye̱ ninedšũrõgbe̱, ni enumo̱ hũ ye̱ abe̱kugbe̱; ni efe šika lalakãi oha hũ.

⁹Asaṅ efe oso̱foi le̱ akpo le̱ ke̱ kpo wulu le̱ ke̱ kpo le nā šĩnāi le̱, ni eke̱ akō̱ble ha ame̱nā šĩnāi le̱ ahe.

¹⁰Ni eke̱ ṅšo̱ le̱ mã šĩa le̱ ninedšũrõgbe̱ ye̱ bokãgbe̱ ke̱-baä wuoyigbe̱.

¹¹Ni Huram fe gbé̱i le̱ ke̱ nilōmo̱nii le̱ ke̱ lalakãi le̱ hũ. Ne̱ke̱ Huram gbe nitšumo̱ ní etšu ehã maṅtše̱ Salomo ye̱ Nyoṅmo̱ we le̱ he le̱ nā:

¹²akulašĩṅi enyo̱ lo̱ ke̱ kpo̱i kutrukui enyo̱ le̱ ni mãmo̱ akulašĩṅi le̱ ayiteaṅ le̱, ke̱ ntāṅi enyo̱ ni aṅõ-haä kpoi kutrukui enyo̱ le̱ ní mãmo̱ akulašĩṅi le̱ ayiteaṅ le̱ ahe le̱,

¹³ke̱ ntãṅi enyo̱ le̱ ahe kpo̱bii kokrobii ohai-edſe̱ le̱, kpo̱bii kokrobii srẽnē̃i enyo̱ ye̱ ntãṅ kome he, ni aṅõ-ha kpo̱i kutrukui enyo̱ ni mãmo̱ akulašĩṅi le̱ ayiteaṅ le̱ ahe;

¹⁴ni esā efe šiši-adekai le̱, ni efe botokui ni mãmo̱ šiši-adekai le̱ ano̱ le̱,

¹⁵ke̱ ṅšo̱ kome ke̱ tšinai nyoṅma ke̱ enyo̱ ni yo̱ ṅšo̱ le̱ šiši le̱,

¹⁶ke̱ kukwe̱ii le̱ ke̱ nilōmo̱nii le̱ ke̱ kpodši le̱ ke̱ nibii fẽ ní fata he le̱, Huram, etše̱ gbomo le̱, fe ehã maṅtše̱ Salomo hã Iehowa we le̱, ke̱ akō̱ble ni kple̱o̱ nyaramnyaram.

¹⁷Iordan ṅã le̱ no̱ le̱ maṅtše̱ le̱ hã aſie ye̱, ye̱ nišṍ sũ ni yo̱ Sukot ke̱ Zereda te le̱ṅ le̱ mli.

¹⁸Ní Salomo fe ne̱ke̱ nibii ne̱ fẽ, babaō dientše̱, āhū ní akō̱ble le̱ alee nā.

¹⁹Ni Salomo fe nibii fẽ ní yo̱ Nyoṅmo̱ we le̱, ke̱ šika afo̱lešãlate̱ le̱ ke̱ okplōi le̱ ni hĩe-mã-abolo le̱ mãa no̱ le̱,

²⁰ke̱ kanetšei le̱ ke̱ amehe kanei le̱ ni asu ye̱ se̱tšũ le̱ hĩe tamo̱ bo̱ni ato le̱, šika kro̱ṅṅ ake̱-fe,

²¹ni fo̱fo̱ii le̱ ke̱ kanei le̱ ke̱ abē̱lei le̱ šika ake̱-fe, ni šika kro̱ṅṅ ni;

²²ni kaklai le̱ ke̱ lalakăi le̱ ke̱ liko̱-liko̱i le̱ ke̱ ladšēṅe̱sũi le̱ hũ šika kro̱ṅṅ ake̱-fe; ni tšũ le̱ nă šĩnāi le̱, noni yo̱ mligbe̱ ní ake̱-yaä hekroṅkroṅ fè fẽ le̱, ke̱ šĩnāi ní yo̱ so̱lemo̱we le̱ tšũ le̱ nā le̱ hũ šika ake̱-fe.