Read luganda 2 Kronika 7 Bible Online

2 Kronika 7 - luganda bible

2 Kronika 7

¹Ni beni Salomo gbe so̱lemo̱ le̱ nā le̱, *la dše̱ ṅwei ba ni ebašã šã-afo̱le le̱ ke̱ afo̱lei krokomei le̱, ní †Iehowa anumnyam le̱ yi šĩa le̱ obõ. [32]

²Ni oso̱foi le̱ nyẽẽ Iehowa šĩa le̱ abote, edšake̱ Iehowa anumnyam le̱ eyi Iehowa šĩa le̱ obõ.

³Ni Israelbii le̱ fẽ mīkwe̱, beni la le̱ dše̱ ṅwei ba ni Iehowa anumnyam le̱ bayi šĩa le̱ no̱ lo̱, ni ame̱ko̱ ame̱hĩeiaṅ bumo̱ ši ye̱ beni aka dše̱i te̱ le̱, ni ame̱-dšá Iehowa ni ame̱dale̱ ši, edšake̱ *ehī, edšake̱ nāno̱ emo̱bo̱nale̱ hĩo ši ke-yaä! [33]

⁴Ni maṅtše̱ le̱ ke̱ maṅ mū le̱ fẽ šā afo̱lei ye̱ Iehowa hĩe.

⁵Ni maṅtše̱ Salomo ke̱ tšinai akpei-nyoṅmai-enyo̱-ke̱-enyo̱, ke̱ tōi akpei-oha-ke̱-nyoṅmai-enyo̱ šã afo̱le; ni le̱ maṅtše̱ le̱ ke̱ maṅ mū le̱ fē ke̱-gble Nyoṅmo̱ we le̱ nā.

⁶Ni oso̱foi le̱ damo̱ ame̱gbe̱hei le̱, ni Levibii le̱ hũ hĩe Iehowa lala he saṅkũi le̱ ní maṅtše̱ David fe ní aṅõ-da Iehowa ši, edšake̱ nāno̱ emo̱bo̱nale̱ hĩo̱ ši ke̱-yaä, beni David tšṍo̱ amenine no̱ dšieo̱ eyi le̱; ni oso̱foi le̱ kpã te̱tre̱mantre̱i ye̱ ame̱hĩe, ni Israel mū le̱ fẽ damo̱ ši.

⁷Ni Salomo fe kpo te le̱ nī yo̱ Iehowa tšũ le̱ hĩe le̱ kroṅkroṅ, edšake̱ dše̱i ešã šã-afo̱lei le̱ ke̱ šĩdā-afo̱lei le̱ ahe fo̱i le̱ ye̱; edšake̱ akō̱ble afo̱lešãlate̱ le̱ ni Salomo fe le̱, šã-afo̱le le̱ ke̱ niyenii-afo̱le le̱ ke̱ fo̱i le̱ hoo no̱.

⁸Ni no be le̱ mli le̱ Salomo ye gbĩ-dšũrõ gbĩĩ kpawo, ni Israel mū le̱ fẽ fata ehe, asafo kpeteṅkple dientše̱ ní dše̱ Hamat āhũ ke̱-yaſie Mizraim fā le̱ nā tō̃.

⁹Ni gbĩ ni dši gbĩ kpānyo̱ le̱ no̱ le̱ ame̱kpe nāgbē kpē; edšake̱ afo̱lešãlate̱ le̱ *no̱dšō̱mo̱ le̱ ame̱ye le̱ gbĩĩ kpawo, ni ame̱ye gbĩdšũrõ le̱ hũ gbĩĩ kpawo. [34]

¹⁰Ši gbĩ ní dši gbĩ nyoṅmai-enyo̱ ke̱ etẽ le̱ no̱ ye̱ nyõṅ ní dši kpawo le̱ no̱ le̱ ewo maṅ le̱ gbe̱ ke̱-te ame̱būi amli, ni ame̱nyã́ ni ame̱ná tšuidšũrõ ye̱ edšũrõ ni Iehowa efe David ke̱ Salomo ke̱ emaṅ Israel le̱ hewo̱.

¹¹Ke̱ke̱ ni Salomo gbe Iehowa šĩa le̱ ke̱ maṅtše̱ šĩa le̱ nā, ni nibii fẽ ni ba Salomo tšui mli ake̱ eefe ye̱ Iehowa šĩa le̱ ke̱ le̱dientše̱ ešĩa le̱ hewo̱ le̱, efe ni ete no̱.

¹²Ni Iehowa badšĩe ehe kpo etšõ Salomo nyõṅ, ni ekē̱le̱ ake̱: Minu oso̱lemo̱i le̱, ni mihala *bie̱ mife afo̱lešā̃ šĩa mihã mihe. [35]

¹³Na, kē̱ miṅã́ ṅwei nā ni nyoṅmo̱ ene̱e̱, alo mifã́ bālabii ni ame̱baye šikpoṅ le̱ no̱ nii, alo mihã gbĕle-hela ba mimaṅbii le̱ ateṅ,

¹⁴ni mimaṅ ni aṅõ migbe̱i ewoame le̱ ba ame̱be ši, ni ame̱kpa fai, ni ame̱tao mihĩegbe̱, ni ame̱kpale ke̱-dše̱ ame̱-gbè̱i fõdši le̱ ano̱ le̱: no le̱ mi hũ madše̱ ṅwei mabo toi, ni maṅõ ame̱be ešai le̱ mafaame̱, ni matšá ame̱šikpoṅ le̱.

¹⁵Agbe̱ne̱ magble mihĩṅme̱ii ni maka mitoi mahã so̱lemo̱ ní aso̱leo̱ ye̱ bie̱ ne̱ le̱. [36]

¹⁶Edšake̱ mihala ne̱ke̱ šĩa ne̱, ni mifele̱ kroṅkroṅ, koni migbe̱i ahĩ dše̱i ke̱-ya nāno̱, ni mihĩṅme̱ii ke̱ mitšui hũ aahĩ dše̱i dā.

¹⁷Ni bo hũ, ke̱dši oonyie ye̱ mihĩe, tamo̱ bo̱ni otše̱ David nyie le̱, ni oofe nii fẽ ni miwoö he kitã le̱, ni ooye mi-kpo̱i ke̱ mimlai le̱ ano̱ le̱:

¹⁸no le̱ mahã omaṅtše̱yeli sẽi le̱ amã ši šiṅṅ, tamo̱ bo̱ni mike̱ otše̱ David kpãṅ *ake̱: Nū ni aaye Israel no̱ ebo̱ṅo le̱. [37]

¹⁹Ši ke̱dši nyekpale ni nyekwa mikpo̱i ke̱ mikitãi ní miṅõ-ſie nyehĩe ne̱, ni nyete nyeyasúmo̱ nyoṅmo̱i krokomei ni nyedšáame̱ le̱:

²⁰no le̱ mafãmo̱ame̱ ke̱ ame̱šišifãi ke̱-dše̱ mišikpoṅ ní miṅõ-hãame̱ le̱ no̱, ni ne̱ke̱ šĩa ne̱ ni mifele̱ kroṅkroṅ mihã migbe̱i le̱, maše̱le̱ mafō ke̱-adše mihĩe, ni maṅõle̱ mafe *abe̱būnõ ke̱ kpā-lamo̱-nõ ye̱ mãdšimãdši fẽ ateṅ. [38]

²¹Ni ne̱ke̱ šĩa ní kwo̱ godšō ne̱, mofẽmo ní aabaho ye̱ he le̱ he aadšõ ehe ni eekē̱: *Mẽhewo̱ po ni Iehowa fe šikpoṅ ne̱ ke̱ šĩa ne̱ ne̱ke̱? [39]

²²Ni aahere no̱ ake̱: Edšake̱ ame̱kwa Iehowa, ame̱tše̱mei a-Nyoṅmo̱ le̱, moni dšieame̱ ke̱-dše̱ Mizraim šikpoṅ le̱ no̱ le̱, ni ame̱ke̱ ame̱he yakpe̱te̱ nyoṅmo̱i krokomei ahe, ni ame̱dšáame̱ ni ame̱súmo̱-ame̱, nohewo̱ ni ehã ne̱ke̱ efõṅ ne̱ fẽ ba ame̱no̱ ne̱.