Read luganda Ezra 4 Bible Online

Ezra 4 - luganda bible

Ezra 4

¹Agbe̱ne̱ beni Iuda ke̱ Benyamin henye̱lo̱i le̱ nu ake̱ nomṅō̃bii le̱ mīmã so̱lemo̱tšũ ahã Iehowa, Israel Nyoṅmo̱ le̱,

²ke̱ke̱ ni ame̱ba Zerubabel ke̱ tše̱mei awei le̱ ano̱ onukpai le̱ aṅõ, ni ame̱-bakē̱ame̱ ake̱: Nyehāa wo̱ke̱nye amãa; edšake̱ we̱mītao nye-Nyoṅmo̱ le̱ tamo̱ nye noṅṅ, ni le̱ noṅṅ wo̱šãa afo̱le wo̱hãa ke̱ dše̱ *Esar-Hadon, Ašur maṅtše̱ le̱, ní ṅõ-wo̱ ke̱-ba bie̱ le̱ yino̱. [17]

³Ši Zerubabel ke̱ Iešua ke̱ Israel tše̱mei awei le̱ ano̱ onukpai ni eſe̱ le̱ kē̱ame̱ ake̱: Ké̱ wo̱mīmã šĩa wo̱hã wo̱-Nyoṅmo̱ le̱, dšee wo̱ke̱nye sane ni; ši wo̱ so̱ṅṅ wo̱o̱mã wo̱hã Iehowa, Israel Nyoṅmo̱ le̱, take̱ bo̱ni maṅtše̱ *Koreš ni dši Persia maṅtše̱ le̱ ewowo̱ kitã le̱. [18]

⁴Ke̱ke̱ ni šikpoṅ le̱ no̱ bii le̱ hã Iuda maṅ le̱ nidšiaṅ dše wui, ni ame̱haoame̱ ye̱ šĩa le̱ mā̃ mli;

⁵ni ame̱bo̱ ṅāwolo̱i apā ame̱woame̱, ni ame̱tšī ame̱yiṅtō le̱ nā ye̱ Koreš, Persia maṅtše̱, yino̱ le̱ fẽ āhũ *ke̱-yaši Dario, Persia maṅtše̱ le̱, maṅtše̱yeli be le mli. [19]

⁶Ni Ahašweroš maṅtše̱yeli be le̱ mli, beni ebõi maṅtše̱yeli le̱, ame̱ṅmã Iuda ke̱ Ierusalem bii le̱ ahe nãflo̱mo̱ wolo.

⁷Asaṅ Artašasta yino̱ le̱ Bislam, Mitredad, Tabeel ke̱ enanemei ni eſe̱ le̱ ṅmã wolo yahã Artašasta, Persia maṅtše̱ le̱; ni aṅmã wolo le̱ ye̱ Aram niṅmā̃ mli, ni atšõ šiši hũ ye̱ Aram wiemo̱ le̱ mli.

⁸Rehum, adšinafoiatše̱ le̱, ke̱ Šimšai, woloṅmãlo̱ le̱, ṅmã Ierusalem he wolo eyahã maṅtše̱ Artašasta ake̱:

⁹Rehum, adšinafoiatše̱ le̱, ke̱ Šimšaĩ, woloṅmãlo̱ le̱, ke̱ ame̱nanemei ní eſe̱ ní dši Dinabii ke̱ Afarsatkabii, Tarpelabii, Afarsabii, Arkewabii, Babelbii, Šušanbii, Dehabii, Elambii,

¹⁰ke̱ mãdšĩ ní eſe̱ *ni Osnapar agbo ní yo̱ gbe̱i le̱ yaṅõ ke̱-ba ni eke̱ame̱ bato Samaria mãdši le̱ amli le̱ ke̱ meikrokomei ni eſe̱ ni yo̱ fā le̱ bie̱gbe̱ le̱, ke̱ nii. [20]

¹¹Wolo ni ame̱ṅmã ame̱mãdše maṅtše̱ Artašasta le̱ mli sane ne̱: Otšũdši ni dši mei ni yo̱ fā le̱ bie̱gbe̱ le̱, ke̱ nii.

¹²Maṅtše̱ aná ale ake̱ Iudafoi le̱ ni dše̱ oṅõ ba wo̱ṅõ ne̱ eba Ierusalem; ni ame̱mīto atũatšemo̱ maṅ fõṅ le̱ ekoṅ, ni ame̱gbe ehe gbogboi le̱ ana, ni ame̱sã ešišitōi le̱ hũ.

¹³Bĕle̱ maṅtše̱ le̱ aná ale ake̱, ke̱dši ato ne̱ke̱ maṅ ne̱ ekoṅ, ni agbe ehe gbogboi le̱ anã le̱, no le̱ ame̱hãṅ onīa ke̱ ntō ke̱ gbe̱dšē-šika doṅṅ, ni beni yi yawula ši le̱, maṅtše̱mei le̱ enine enyẽ ši.

¹⁴Nohewo̱ le̱ ake̱-ni maṅtše̱mṍ le̱ mli ṅō wo̱yeo̱ hewo̱ le̱, esaa ake̱ wo̱o̱kwe̱ ni maṅtše̱ he guo̱ agbo, nohewo̱ wo̱tšũ ni abatſa maṅtše̱ adafi ne̱,

¹⁵koni atao ye̱ otše̱mei akaimo̱ wolo le̱ mli, ni oona ye̱ kaimo̱ wolo le̱ mli ni ookpa ši ake̱ ne̱ke̱ maṅ ne̱ atũatšemo̱ maṅ ni, ni ame̱woo̱ maṅtše̱mei ke̱ mãdšimãdši anägbă, ni ke̱-dše̱ tetēte le̱ mansõ ame̱tšõo̱ ye̱ mli, nohewo̱ adſa ne̱ke̱ maṅ ne̱.

¹⁶Wo̱ le̱ wo̱mītſa maṅtše̱ adafi ake̱, ke̱dši ato ne̱ke̱ maṅ ne̱ ekoṅ ni atſa ehe gbogboi le̱, no le̱ onáṅ gbe̱fãṅnõ ko ye̱ fā le̱ bie̱gbe̱ doṅṅ.

¹⁷Maṅtše̱ le̱ tšũ ake hetō bahā Rehum, adšinafoĩatše̱ le̱, ke̱ Šimšai, woloṅmãlo̱ le̱, ke̱ ame̱nanemei ní eſe̱ ní yo̱ Samaria le̱, ke̱ mei ní eſe̱ ye̱ fā le̱ bie̱gbe̱ le̱ ake̱: Nyehãa omanye abaä! ke̱ nii.

¹⁸Wolo ni nyetšũ ake̱-bahãwo̱ le̱, akane faṅṅ ye̱ mihĩe.

¹⁹Ni mifã ni atao mli, ni ana ake̱ ne̱ke̱ maṅ ne̱ ke̱-dše̱ tetẽte le̱ eteo̱ ši ewoo̱ maṅtše̱mei le̱, ni atšeo̱ atũa ni atšõo̱ mansõ hũ ye̱ mli.

²⁰Ni asaṅ maṅtše̱mei agboi hũ ehĩ Ierusalem, ni ame̱ye fā le̱ se̱ fẽ no̱, ni atšũo̱ onĩa ke̱ ntō ke̱ gbe̱dšē-šika ahãa-ame̱ hũ.

²¹Nohewo̱ le̱ nyewoa akpo̱ĩ ní ne̱ke̱ gbomei ne̱ afō maṅ ne̱ tō ke̱-yaši beyino̱ ni akpo̱ aadše̱ miṅõ.

²²Agbe̱ne̱ nyekwe̱a ni ahĩa, ni nyeke̱ nyehe akafõa ši ye̱ ene̱ mli; mẽhewo̱ aahã fitemo̱ akwẽ ni maṅtše̱mei le̱ anine anyẽ ši?

²³Agbe̱ne̱ beni akane maṅtše̱ Artašasta wolo ní eṅmã le̱ ye̱ Rehum ke̱ Šimšai, woloṅmălo̱ le̱, ke̱ ame̱nanemei le̱ able pe̱ le̱, ame̱yiṅ ke̱-ba Ierusalem oyá, ni ame̱banina Iudafoi le̱, ni ame̱tšĩame̱ gbe̱ ye̱ no̱nyẽ ke̱ hewale̱ nā.

²⁴Ke̱ke̱ ni afõ Nyoṅmo̱ we le̱ ní yo̱ Ierusalem le̱ he nitšumo̱ le̱, ni afõ āhũ ke̱-yaši *Dario, Persia maṅtše̱ le̱, maṅtše̱yeli le̱ afi ní dši enyo̱ le̱ no̱. [21]