Read luganda Ezra 7 Bible Online

Ezra 7 - luganda bible

Ezra 7

¹Agbe̱ne̱ nii ne̱ ase̱, ye̱ Persia maṅtše̱ Artašasta maṅtše̱yeli be le̱ mli le̱, Ezra, *Seraia bi le̱, Azaria bi le̱, Hilkia bi le̱, [33]

²Šalum bi le̱, Zadok bi le̱, Ahitub bi le̱,

³Amaria bi le̱, Azaria bi le̱, Meraiot bi le̱,

⁴Zerahia bi le̱, Uzi bi le̱, Buki bi le̱,

⁵Abišua bi le̱, Pinehas bi le̱, Eleazar bi le̱, oso̱fonukpa Aaron bi le̱, —

⁶ne̱ke̱ Ezra ne̱ yiṅ ke̱-dše̱ Babel ke̱-ba; ni edši woloṅmãlo̱ ni le Mose mla le̱ ni Iehowa, Israel Nyoṅmo̱ le̱, wo le̱ mli dšogbãṅ; ni Iehowa, e-Nyoṅmo̱ le̱, *nine ni fata ehe hewo̱ le̱, nibii ni etaoe̱ fẽ le̱, maṅtše̱ le̱ hãle̱ hegbe̱. [34]

⁷Ni Israelbii le̱ ateṅ meikomei ke̱ oso̱foi ke̱ Levibii ke̱ lalatše̱mei ke̱ agbónākwe̱lo̱i ke̱ *se̱lemo̱we súolo̱i le̱ ateṅ meikomei hũ yiṅ ke̱ba Ierusalem ye̱ maṅtše̱ Artašasta yino̱ afi ní dši kpawo le̱ no̱. [35]

⁸Ni ebaše̱ Ierusalem ye̱ nyõṅ ni dši enumo̱ le̱ no̱ ye̱ maṅtše̱ le̱ yino̱ afi ní dši kpawo le̱ no̱.

⁹Edšake̱ kleṅkleṅ nyõṅ le̱ no̱ kleṅkleṅ gbĩ le̱ no̱ ame̱bõi mliyimo̱ ke̱-dše̱ Babel, ni nyõṅ ni dši enumo̱ le̱ no̱ kleṅkleṅ gbĩ le̱ no̱ ebaše̱ Ierusalem *ye̱ e-Nyoṅmo̱ le̱ mlihīle̱ nine ni fata ehe le̱ hewo̱. [36]

¹⁰Edšake̱ Ezra ke̱ etšui efõ no̱ ake̱ eetao Iehowa mla le̱ se̱gbe̱ ni eye no̱, ni etšõ mei akpo̱i le̱ ke̱ mlai le̱ ye̱ Israel.

¹¹Ši wolo, ní maṅtše̱ Artašasta ṅõ-hã oso̱fo Ezra ní dši woloṅmãlo̱ ní le Iehowa kitãi ke̱ ekpo̱i ní ewo Israel le̱ amli wiemo̱i le̱ dšogbãṅ le̱, mli sane ne̱:

¹²Artašasta, *maṅtše̱mei amaṅtše̱ le̱, ṅmã hã oso̱fo Ezra ni dši woloṅmãlo̱ ni le ṅwei Nyoṅmo̱ le̱ mla le̱ mli dšogbãṅ le̱, ke̱ nii. [37]

¹³Miwo akpo̱ ake̱ mei fẽ ni yo̱ mi-maṅtše̱yeli le̱ mli, ni dše̱ Israelbii le̱ ke̱ oso̱foi le̱ ke̱ Levibii le̱ ateṅ ni ame̱dientše̱ ame̱sumoo̱ ake̱ ame̱ate Ierusalem le̱, ame̱ke̱o aya.

¹⁴Ake̱-ní maṅtše̱ le̱ ke̱ edšinafoi kpawo le̱ tšũo̱o, ni oyatao Iuda ke̱ Ierusalem sãdši amli ye̱ o-Nyoṅmo̱ le̱ mla ni ohĩe le̱ nā,

¹⁵ní oṅõ dſie̱te̱i ke̱ šika ní maṅtše̱ le̱ ke̱ edšinafoi le̱ eke Israel Nyoṅmo̱ le̱, ni ešihĩle̱he yo̱ Ierusalem le̱, ye̱ tšuidšũrõ nã le̱ ke̱-ya,

¹⁶ke̱ dſie̱te̱i ke̱ šika fẽ ni ooná ye̱ Babel šikpoṅ le̱ fẽ no̱ le̱, ke̱ tšuidšũrõ-nā nikẽnii ni maṅbii le̱ ke̱ oso̱ſoi le̱ aake ye̱ ame̱-Nyoṅmo̱ le̱ we ni yo̱ Ierusalem le̱ hewo̱ le̱;

¹⁷nohewo̱ le̱ bo̱ mo̱deṅ ni oke̱ ne̱ke̱ šika ne̱ ahe tšinai, tōagboi, tōbii, ke̱ ame̱be niyenii-afo̱lei ke̱ dā̃-afo̱lei le̱, ní oke̱-yašã afo̱le ye̱ afo̱lešãlate̱ le̱ ní yo̱ nye-Nyoṅmo̱ le̱ we le̱ ye̱ Ierusalem le̱ no̱.

¹⁸Ni nofẽno ní sa oke̱ onyemimei le̱ ahĩe ake̱ nyeke̱ dſie̱te̱i ke̱ šika ni aaſe̱ le̱ aafe le̱, nyeke̱-fea ye̱ nye-Nyoṅmo̱ le̱ suomo̱ nā.

¹⁹Asaṅ nibii ni aṅõ-hão ye̱ o-Nyoṅmo̱ le̱ we le̱ súomo̱ le̱ hewo̱ le̱, dšiemo̱ ohã ye̱ Ierusalem Nyoṅmo̱ le̱ hĩe.

²⁰Ni nofẽno ní he aahĩa lolo ye̱ o-Nyoṅmo̱ le̱ we le̱ hewo̱ ní sa ake̱ ohā le̱, yahe ye̱ maṅtše̱ nitōhe le̱.

²¹Ni mi, maṅtše̱ Artašasta, mīwo dſetritolo̱i fẽ ní yo̱ fā le̱ se̱ le̱ akpo̱ ake̱ nofẽno ní oso̱fo Ezra, ní dši ṅwei Nyoṅmo̱ le̱ mla le̱ ṅmãlo̱ le̱, aabinye le̱, abo̱ mo̱deṅ ni afe,

²²ke̱-yaši dſie̱te̱i talentai oha ke̱ ṅmā̃ korioba ke̱ wein batioha ke̱ mũ batioha nā, ke̱ ṅō hũ, ši no le̱ atšõõ efále̱.

²³Nofẽno ni ṅwei Nyoṅmo̱ le̱ ewo he akpo̱ le̱, hã ní abo̱ mo̱deṅ afe pe̱pē̱pe̱ ahã ṅwei Nyoṅmo̱ le̱ we le̱; ši mẽhewo̱ mlifũ aaba maṅtše̱ ke̱ ebii le̱ amaṅtše̱yeli le̱ no̱?

²⁴Asaṅ wo̱mīhā nyená nyele ake̱ oso̱foi ke̱ Levibii ke̱ lalatše̱mei ke̱ agbónākwe̱lo̱i ke̱ so̱lemo̱we súolo̱i ke̱ tšũdši ní yo̱ ne̱ke̱ Nyoṅmo̱ we ne̱ le̱, mokomoko be̱ hegbe̱ ake̱ etšũo̱ame̱ onĩa lo ntō lo gbe̱dšē-šika ko.

²⁵Ni bo, Ezra hũ, ye̱ o-Nyoṅmo̱ le̱ nilē ní yo̱ odeṅ le̱ nā le̱, fãmo̱ kodšolo̱i ke̱ saneyelo̱i fẽ ni le o-Nyoṅmo̱ le̱ mla le̱, koni ame̱kodšo maṅ ni yo̱ fā le̱ se̱ le̱ fẽ; ni mei ni lee le̱, nyetšõaame̱ ní ame̱le.

²⁶Ni mofẽmo ni yee o-Nyoṅmo̱ le̱ mla le̱ ke̱ maṅtše̱ le̱ mla le̱ no̱ le̱, akodšole̱ ye̱ no nā pe̱pē̱pe̱, ké̱ eheo̱ gbĕle dšio, nanešitũtſã dšio, nihemo̱ dšio, tšũṅwō dšio.

²⁷Aadšie Iehowa, wo̱tše̱mei a-Nyoṅmo̱ le̱, yi, moni ke̱ ne̱ke̱ noko wo maṅtše̱ le̱ tšuiṅ ake̱ ewula Iehowa we ni yo̱ Ierusalem le̱,

²⁸ni mi hũ ehã emo̱bo̱nale̱ eše̱ mine̱, ye̱ maṅtše̱ le̱ ke̱ edšinafoi le̱ ke̱ maṅtše̱ le̱ lumei agboi le̱ fẽ able! Ni Iehowa, mi-Nyoṅmo̱ le̱, *nine ni fata mihe hewo̱ le̱, miná hewale̱ ni mike̱-bua Israelbii le̱ ateṅ onukpai le̱ anā ní ame̱ke̱mi afã ke̱-ya. [38]