Read luganda Ezra 8 Bible Online

Ezra 8 - luganda bible

Ezra 8

¹Ni ame̱tše̱mei awei le̱ ano̱ onukpai le̱ ke̱ mei ni ke̱mi fã ke̱-dše̱ Babel, ye̱ maṅ-tše̱ Artašasta maṅtše̱yeli be le̱ mli le̱, awekukpã ne̱: [39]

²Pinehas bii le̱ ateṅ le̱: Geršom, Itamar bii le̱ ateṅ le̱: Daniel, David bii le̱ ateṅ le̱: Hatuš.

³*Šekania bii le̱ ni dši Paroš bii le̱ ateṅ le̱: Zakaria, ni abue̱ weku le̱ mli hĩĩ oha ke̱ nyoṅmai-enumo̱ afataä ehe. [40]

⁴*Pahat-Moab bii le̱ ateṅ le̱: Elihoenai, Zerahia bi le̱, ni hĩĩ ohai-enyo̱ fata ehe. [41]

⁵Šekania bii le̱ ateṅ le̱: Iahaziel bi le̱, ni hĩĩ ohai-etẽ fata ehe.

⁶Ni Adin bii le̱ áteṅ le̱: Ebed, Ionatan bi le̱, ni hĩĩ nyoṅmai-enumo̱ fata ehe.

⁷Ni Elam bii le̱ ateṅ le̱: Iešaia, Atalia bi le̱, ni hĩĩ nyoṅmai-kpawo fata ehe.

⁸Ni Šefatia bii le̱ ateṅ le̱: Zebadia, Mikael bi le̱, ni hĩĩ nyoṅmai-kpānyo̱ fata ehe.

⁹Ni Ioab bii le̱ ateṅ le̱: Obadia, Iehiel bi le̱, ni hĩĩ ohai-enyo̱ ke̱ nyo-ṅma ke̱ kpānyo̱ fata ehe.

¹⁰Ni Šelomit bii le̱ ateṅ le̱: Iosifia bi le̱, ni hĩĩ oha ke̱ nyoṅmai-ekpa fata ehe.

¹¹Ni Bebai bii le̱ ateṅ le̱: Zakaria, Bebai bi le̱, ni hĩĩ nyoṅmai-enyo̱ ke̱ kpānyo̱ fata ehe.

¹²Ni Azgad bii le̱ ateṅ le̱: Iohanan, Hakatan bi le̱, ni hĩĩ oha ke̱ nyoṅma fata ehe.

¹³Ni Adonikam bii ní dši se̱kpē bii le̱, ame̱gbe̱ii ne̱: Elifelet, Ieuel, ke̱ Šemaia, ni hĩĩ nyoṅmai-ekpa fata ame̱be.

¹⁴Ni Bigewai bii le̱ ateṅ le̱: Utai ke̱ Zabud, ni hĩĩ nyoṅmai-kpawo fata amehe.

¹⁵Ni mibua nme̱nā ke̱-te fā ní ke̱ enā yawoo̱ Ahawa mli le̱ ni, ni wo̱be̱ nsra ye̱ dše̱i gbĩĩ etẽ. Ni beni mikwe̱ maṅ le̱ ke̱ oso̱foi le̱, minaa Levinyo ko ye̱ dše̱i.

¹⁶Ke̱ke̱ ni mitšũ ayatšē̱ Eliezer ke̱ Ariel ke̱ Šemaia ke̱ Elnatan ke̱ Iarib ke̱ Elnatan ke̱ Natan ke̱ Zakaria ke̱ Mešulam, ni dši onukpai le̱, ke̱ Ioiarib ke̱ Elnatan ni dši tšõlo̱i le̱ hũ ke̱-ba.

¹⁷Ni mitšũame̱ Ido ni dši onukpa ye̱ Kasifia mã le̱ṅ le̱ ṅõ, ni miṅõ wiemo̱i miwo ame̱nā ni ame̱ke̱ Ido ke̱ enyemimei *so̱lemo̱we súolo̱i ní yo̱ Kasifia mã le̱ṅ le̱ ayawie, koni ame̱kpla súolo̱i ni aasúmo̱ ye̱ wo̱-Nyoṅmo̱ le̱ we le̱ ame̱ba-hãwo̱. [42]

¹⁸Ni wo̱-Nyoùmo̱ le̱ mlihĩle̱ *nine ní fata wohe le̱ nā le̱ ame̱ke̱ nū ko ní le nii ni dše̱ Israel bi Levi bi Maheli bii le̱ ateṅ, ke̱ Šerebia ke̱ ebii ke̱ enyemimei nyoṅma ke̱ kpānyo̱ ba ame̱bahãwo̱, [43]

¹⁹ke̱ Hašabia bũ ke̱ Iešaia ni dše̱ Merari bii le̱ ateṅ le̱, ke̱ enyemimei ke̱ ame̱bii, nyoṅmai-enyo̱;

²⁰ke̱ *so̱lemo̱we súolo̱i ní David ke̱ lumei le̱ ṅõ ame̱hã ni ame̱súmo̱ Levibii le̱, so̱lemo̱we súolo̱i ohai-enyo̱ ke̱ nyoṅmai-enyo̱; ame̱fẽ le̱ atšĩ ame̱gbe̱ii atã. [44]

²¹Ke̱ke̱ ni mišie̱ ṅmā̃hĩle̱ ye̱ dše̱i, ye̱ Ahawa fā le̱ nā, koni wo̱ba wohe ši ye̱ wo̱-Nyoṅmo̱ le̱ hĩe, ni wo̱kpale̱ fai ni ehã wo̱gbe̱ le̱ adša ahãwo̱ ke̱ wo̱bii bibii ke̱ wo̱nibii fẽ.

²²Edšake̱ efemi hĩegbĕle ake̱ mabi maṅtše̱ le̱ ní ehãwo̱ asrafoi ke̱ okpo̱ṅo̱i-atše̱mei ni ame̱ye ame̱buawo̱ ye̱ henye̱lo̱i ni yo̱ gbe̱teṅ le̱ ahewo̱. Edšake̱ wo̱kē̱ maṅtše̱ le̱ ake̱: Wo̱-Nyoṅmo̱ le̱ *nine fata mei fẽ ni taoo̱ ese̱gbe̱ le̱ ahe, koni ahĩ ahãame̱; ši mei fē ni kwaäle̱ le̱, ehewale̱ ke̱ emlifũ kã ame̱no̱. [45]

²³Nohewo̱ le̱ wo̱hĩ ṅmā̃ ni wo̱kpa wo̱-Nyoṅmo̱ le̱ fai ye̱ ene̱ hewo̱, ni ebowo̱ toi.

²⁴Ke̱ke̱ ni mĩ̀fãmo̱ oso̱foi le̱ ateṅ onukpai nyoṅma ke̱ enyo̱: Šerebia ke̱ Hašabia, ni ame̱nyemimei le̱ ateṅ mei nyoṅma fata ame̱he;

²⁵ni miṅmẽ dſie̱te̱i ke̱ šika ke̱ nibii ni dši nikēnii, ní maṅtše̱ le̱ ke̱ edšina-foi le̱ ke̱ elumei le̱ ke̱ Israel fẽ ni yo̱ dše̱i le̱ kekei ye̱ wo̱-Nyoṅmo̱ le̱ we le̱ hewo̱ le̱, miwo ame̱deṅ.

²⁶Ni miṅmẽ dſie̱te̱i talentai ohai-ekpa ke̱ nyoṅmai-enumo̱ miwo ame̱deṅ, ke̱ dſie̱te̱i nibii talentai oha, ke̱ šika hũ talentai oha,

²⁷ke̱ šika kpudši hũ nyoṅmai-enyo̱ ni nā šio̱ šika dalei akpe, ke̱ nibii enyo̱ ni ake̱ akō̱ble kãṅkãṅ ní dšra wa tamo̱ šika fe.

²⁸Ni mikē̱ame̱ ake̱: Nye le̱ nyeye̱ kroṅkroṅ nyehã Iehowa, ni nibii le̱ hũ ye̱ kroṅkroṅ, ni dſie̱te̱i le̱ ke̱ šika le̱ tšuidšũrõ nā aṅõ-hã Iehowa, wo̱tše̱mei a-Nyoṅme̱ le̱.

²⁹Nyebua he ni nyeke̱-toa ke̱-yaši beyino̱ ni nyeayaṅmẽ ye̱ oso̱foi le̱ ke̱ Levibii le̱ anukpai le̱ ke̱ Israel tše̱mei awei le̱ ano̱ onukpai le̱ ni yo̱ Ierusalem le̱ ahĩe, ye̱ Iehowa we le̱ piai le̱ amli.

³⁰Ke̱ke̱ ni oso̱foi le̱ ke̱ Levibii le̱ lō dſie̱te̱i le̱ ke̱ šika le̱ ke̱ nibii ni aṅmẽ le̱, koni ame̱ke̱-ya wo̱-Nyoṅmo̱ le̱ we le̱ ye̱ Ierusalem.

³¹Ke̱ke̱ ni wo̱fã ye̱ Ahawa fã le̱ nā ye̱ kleṅkleṅ nyõṅ le̱ no̱ gbĩ ní dši gbĩ nyoṅma ke̱ enyo̱ le̱ ne̱, koni wo̱ya Ierusalem. Ni wo̱-Nyoṅmo̱ le̱ nine fata wo̱he, ni edšiewo̱ ke̱-dše̱ henye̱lo̱i le̱ adeṅ ke̱ mei abo̱ ni yawo ká ye̱ gbe̱teṅ le̱ hũ adeṅ.

³²Ni wo̱še̱ Ierusalem ni wo̱hĩ dše̱i gbĩĩ etẽ.

³³Ši gbĩ ni dši gĩī edſe̱ le̱ ne̱ le̱ aṅmẽ dſie̱te̱i le̱ ke̱ šika le̱ ke̱ nibii le̱ ye̱ wo̱-Nyoṅmo̱ le̱ we le̱ awo Meremot, Uria bi ni dši oso̱fo le̱, ke̱ Eleazar, Pinehas bi ni fata ehe le̱ adeṅ, — mei ní fata ame̱he dši: Iozabad, Iešua bi le̱, ke̱ Noadia, Binui bi le̱, ni dši Levibii le̱, —

³⁴fẽ ye̱ ame̱yibo̱ ke̱ ame̱tšīmo̱ nā; ni aṅmã ame̱tšīmo̱ le̱ fẽ ye̱ nakai be le̱ mli.

³⁵Asaṅ nomṅõbii ni dše̱ nomṅõ le̱ṅ ba le̱ basã šã-afo̱lei ame̱hã Israel Nyoṅmo̱ le̱: tšinahīĩ nyoṅma ke̱ enyo̱ ye̱ Israel mŭ le̱ fẽ hewo̱, ke̱ tōagboi nyoṅmai-ne̱hũ ke̱ ekpa, ke̱ tōbii nyoṅmai-kpawo ke̱ kpawo, ke̱ eša he afo̱le tōkpakpoi nyoṅma ke̱ enyo̱, fẽ le̱ aṅò-šã šā̃-afo̱le ahã Iehowa.

³⁶Ke̱ke̱ ni ame̱ṅõ *maṅtše̱ le̱ mlaĩ le̱ ame̱hã maṅtše̱ le̱ amraloi le̱ ke̱ lumei le̱ ni yo̱ fā le̱ bie̱gbe̱ le̱; ni ame̱wa maṅ le̱ ke̱ Nyoṅmo̱ we le̱. [46]