Read luganda Nehemia 1 Bible Online

Nehemia 1 - luganda bible

Nehemia 1

¹Nehemia, Hakalia bi le̱, sãdši ne̱. Ni eba mli ye̱ nyõṅ Kislev le̱ no̱, ye̱ afi ni dši nyoṅmai-enyo̱ le̱ ne̱, beni miyo̱ Šušan mō̃ le̱ mli le̱,

²ake̱ Hanani ni dši minyemimei le̱ ateṅ mokome le̱ ba, eke̱ Iuda hĩĩ komei; ni mibiame̱ Iudafoi ni edše mli ni eſe̱ ye̱ nomi le̱ ateṅ le̱, ke̱ Ierusalem he sane.

³Ni ame̱kē̱mi ake̱: Nomi le̱ ateṅ mei ni eſe̱ ye̱ šikpoṅ le̱ no̱ le̱, ame̱ye̱ amanehũlũ kple ke̱ ahorabō̱ mli; Ierusalem *gbogbo le̱ akũmo̱ aſie ši; ni egbói le̱ ake̱ la ešã. [1]

⁴Ni eba mli ake̱, beni minu ne̱ke̱ wiemo̱i ne̱, *miho mitá ši ni mifó, ni miye ṅko̱mo̱ gbĩĩ komei, ni mibĩ ṅmã ni miso̱le ye̱ Awei Nyoṅmo̱ le̱ hĩe, [2]

⁵ni mikē̱: Ō Iehowa, ṅwei Nyoṅmo̱ ní dši Mawu *kpeteṅkple ni he yo̱ gbeyei ni †too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ní ame̱yeo̱ ekitāi le̱ ano̱ le̱! [3]

⁶Ka otoi, ni ohã ohīṅme̱ii hũ akãmo̱, koni oke̱-bo otšũlo̱ faikpamo̱ ni mi-kpaä ye̱ ohĩe ṅme̱ne̱ ſane ke̱ nyõṅ ye̱ Israelbii ni dši otšũdši le̱ ahewo̱ ni midšadšeo̱ Israelbii le̱ ahe ešai ní wo̱fe wo̱šio le̱ toi; ši mike̱ mitše̱ we le̱ efe eša!

⁷Wo̱fe efõṅ wo̱šio naakpa, edšake̱ wo̱yeko kitãi ke̱ akpo̱i ke̱ mlai ni owo otšũlo̱ Mose le̱ ano̱.

⁸Mīkpao fai ní okai wiemo̱ ni oke̱-wo otšũlo̱ Mose kitã ake̱: Ke̱dši nyetõ le̱, magbe̱nye maſã mãdši ano̱ bii le̱ ateṅ!

⁹Ši ke̱dši nyekpale ke̱-ba mĩṅõ ni nyeye mikitãi le̱ ano̱ ni nyefe le̱, no le̱ ke̱dši nye mei ni *aše̱re̱ aſie le̱ yadše̱ ṅwei nāgbēbe tete le̱, mabua ame̱nā ke̱-adše̱ dše̱i tō̃ ni makplaame̱ ke̱-ba he ní mihala koni mahã migbei ahĩ dše̱i le̱. [4]

¹⁰Ni mene̱mei ne̱ noṅṅ dšĩ otšũdši ke̱ omaṅ ní okpo ye̱ ohewale̱ kpeteṅkple ke̱ oninesiwale̱ nā le̱.

¹¹Ō Nuntšo̱, mīkpao fai ni oka otoi oha otšũle̱ faikpamo̱ le̱ ke̱ otšũdši ní sumoo̱ ogbe̱i gbeyeišemo̱ le̱ afaikpamo̱ le̱; ni mīkpao fai, hã otšũlo̱ aye omanye ṅme̱ne̱ gbĩ ne̱, ni odrole̱ mo̱bo̱nale̱ ye̱ ne̱ke̱ nū ne̱ hĩe! Ši maṅtše̱ le̱ dā̃wolo̱ dšimi.