Read luganda Nehemia 13 Bible Online

Nehemia 13 - luganda bible

Nehemia 13

¹Nakai be le̱ mli le̱ akane Mose wolo le̱ ye̱ maṅ le̱ toiiaṅ, ni ana ni *aṅmã ye̱ mli ake̱ Amonnyo lo Moab-nyo akaba Nyoṅmo̱ gwabō̱ le̱ mli gbĩkogbĩko; [77]

²edšake̱ ame̱ke̱ abolo ke̱ nu ebakpēē Israel bii le̱, ši moṅ *ame̱yabo̱ Bileam apā ame̱woame̱ ake̱ ebalomo̱ame̱; ši kẽ-le̱ wo̱-Nyoṅmo̱ le̱ hã lōmo̱ le̱ tšṍ dšō̱me̱. [78]

³Ni eba mli ake̱, beni amenu mla le̱, ame̱dšie futufutu gbomei le̱ fẽ ke̱-dše̱ Israelbii ateṅ.

⁴Ši dãni aafe ene̱ le̱, oso̱fo Eliašib, ni aṅõle̱ ato wo̱-Nyoṅmo̱ le̱ we le̱ fiasei le̱ ano̱ le̱, ke̱ Tobia efe weku.

⁵Ni esā tšũ kpeteṅkple ko ehãle̱, ni sá le̱ dše̱i ame̱ṅõo̱ niyenii-afo̱lei ke̱ kro̱bo̱o ke̱ nibiinibii le̱ ame̱too̱, ke̱ able ke̱ wein ke̱ mũ mlidšāi nyoṅma mli ekomekome ní awo he kitã ake̱ aṅõ-hã Levibii le̱ ke̱ lalatše̱mei le̱ ke̱ agbónākwe̱lo̱i le̱, ke̱ oso̱foi le̱ ano̱wómo̱-afo̱lei le̱ hũ.

⁶Ši no mli fẽ le̱ mibe̱ Ierusalem; edšake̱ Babel maṅtše̱ Artašasta yino̱ afi ní dši nyoṅmai-etẽ ke̱ enyo̱ le̱ no̱ le̱ mite maṅtše̱ le̱ ṅõ; ni gbĩĩ kplaṅṅ se̱ le̱ misā mibi maṅtše̱ le̱ gbe̱,

⁷ni miba Ierusalem; ni mibana efõṅ ní Eliašib fe, ake̱ esā tšũ ko ehã Tobia ye̱ Nyoṅmo̱ we le̱ kpoi le̱ ano̱ le̱.

⁸Ni edo̱mi naakpa, ni midšie Tobia šĩa nibii fẽ ke̱-dše̱ tšũ le̱ṅ miſie.

⁹Ke̱ke̱ ni mifã́ ake̱ ašā flasei le̱ amli, ni miṅõ *Nyoṅmo̱ we le̱ nibii le̱ ke̱-ba dše̱i ekoṅ, ke̱ niyenii-afo̱lei le̱ ke̱ kro̱bo̱o le̱ hũ. [79]

¹⁰Ni minu ake̱ Levibii le̱ agbe̱nānii le̱ ahãkoame̱; nohewo̱ le̱ Levibii le̱ ke̱ lalatše̱mei le̱ fẽ ni tšuo̱ nii le̱, ame̱teṅ mofẽmo edšo foi ete ekōse̱.

¹¹Ke̱ke̱ ni miblo̱ miwo no̱yelo̱i le̱ mikē̱: Mẽhewo̱ ni *akwa Nyoṅmo̱ we le̱? Ni mibua ame̱nā ke̱-ba, ni mike̱ame̱ yato ame̱gbe̱he. [80]

¹²Ke̱ke̱ ni Iuda mū le̱ fẽ ke̱ able ke̱ wein ke̱ mũ mlidšāi nyoṅma mli ekomekome le̱ ba ame̱bawo nitōhei le̱. [81]

¹³Ni mito nitōhei akwe̱lo̱i ye̱ nitōhei le̱ ano̱: Oso̱ſo šelemia ke̱ Zadok, woloṅmālo̱ le̱, ke̱ Pedaia, ni dše̱ Levibii le̱ ateṅ le̱; ni ame̱se̱mo dšĩ Hanan, Matania bi Zakur bi le̱; edšake̱ abuame̱ ano̱kwafoi, ni amenitšumo̱ dši ake̱ ame̱dša nibii le̱ ame̱hã ame̱nyemimei le̱.

¹⁴Mi-Nyoṅmo̱, *kaimo̱mi ye̱ ene̱ hewo̱, ni kāgbe mimlihĩle̱nii ní mife mihã mi-Nyoṅmo̱ le̱ we le̱, ke̱ emli súomo̱ le̱! [82]

¹⁵Nakai gbĩĩ le̱ amli le̱ mina ye̱ Iuda, bo̱ni meikomei nāa weintšõne ye̱ hedšō̱mo̱gbĩ le̱ no̱, ni ame̱ke̱ able dšatšui hũ baä, ame̱ke̱-tēreo̱ tedšii, ke̱ wein ke̱ weinyibii ke̱ agbãmii hũ ke̱ dšatšui sro̱toi fẽ, ni ame̱ke̱-baä Ierusalem ye̱ hedšō̱mo̱gbĩ le̱ no̱; ni mibo̱ame̱ ko̱ko̱ gbĩ ni *ame̱hõo̱ nii le̱. [83]

¹⁶Ni Tirobii komei hũ ye̱ dše̱i, ni ame̱ke̱ lō ke̱ nihō̃mo̱nii sro̱toi fẽ baã, ni ame̱bahõo̱ ye̱ hedšō̱mo̱gbĩ le̱ no̱ ame̱hãa Iudabii le̱, ni ye̱ Ierusalem hũ.

¹⁷Ke̱ke̱ ni miblo̱ miwo Iuda abladei le̱, ni mikē̱ame̱ ake̱: Mẽ sane fõṅ nyeyeo̱ ni nyeke̱-buleo̱ hedšō̱mo̱gbĩ le̱ ne̱?

¹⁸Nto ne̱ke̱ nyetše̱mei le̱ fe, ni wo̱-Nyoṅmo̱ le̱ ke̱ nõfõṅ ne̱ fẽ ba wo̱no̱ ke̱ ne̱ke̱ maṅ ne̱ no̱ ne̱? ni kẽle̱ nyeke̱ hedšō̱mo̱gbĩ le̱ bulemo̱ mītšé̱ mlifũ ke̱ba Israel no̱ nyefata he.

¹⁹Ni eba mli ake̱, dãni aaše̱ hedšō̱mo̱gbĩ le̱, kē̱ hĩe bõi tūtū ſemo̱ ye̱ Ierusalem agbói le̱ amli le̱, mifã́a ni aṅã́moo̱ šĩnāi le̱, ni miwoo̱ kitã ake̱ akagble, dša hedšō̱mo̱gbĩ le̱ efo mli dã; ni mifãmo̱ mitšũdši le̱ ekomei mito agbói le̱ anā, koni ake̱ dšatšu ko akaba mã le̱ṅ ye̱ hedšō̱mo̱gbĩ le̱ no̱.

²⁰Nohewo̱ le̱ dšrayelo̱i le̱ ke̱ guo̱yelo̱i ní hõo̱ nibii sro̱toi fẽ le̱ bawo̱ Ierusalem agbói le̱ ase̱ šikome lo šii enyo̱.

²¹Ke̱ke̱ ni mibo̱ame̱ ko̱ko̱, ni mikē̱ame̱ ake̱: Mẽhewo̱ nyeba wo̱ö̱ gbogbo le̱ se̱ le̱? Ke̱dši nyefe nakai ekoṅ le̱, mamõmo̱nye! Ke̱-dše̱ nakai be le̱ no̱ le̱ ame̱baa ye̱ hedšō̱mo̱gbĩ le̱ no̱ doṅṅ.

²²Ke̱ke̱ ni mifá Levibii le̱ ake̱ ame̱tšũ ame̱he, ni ame̱ba ame̱babu agbói le̱ anã, ni aye hedšō̱mo̱gbĩ le̱ kroṅkroṅ. Mi-Nyoṅmo̱, *kaimo̱mi ye̱ ene̱ hũ hewo̱ ni obā miyi ye̱ omo̱bo̱nale̱ fále̱ le̱ nā! [84]

²³Nakai gbĩĩ le̱ amli hũ le̱ mina Iudafoi ní ew̌e̱ Ašdodyei ke̱ Amonyei ke̱ Moabyei.

²⁴Ni ame̱bii le̱ wieo̱ Ašdod wiemo̱ lo mofẽmo le̱ emaṅ wiemo̱ fã ke̱ fã, ni ame̱nyẽẽ Iuda wiemo̱ ame̱wie dšogbäṅ.

²⁵Ke̱ke̱ ni miblo̱ miwoame̱, ni milomo̱ame̱, ni miyi ame̱teṅ meikomei, ni mifãmo̱ ame̱yĩtšo̱i, ni mihã ame̱kã Nyoṅmo̱ kitã mikē̱: Ke̱dši *nyeṅõ nyebiyei nyehã ame̱bihĩĩ agblã ni nyew̌e̱ ame̱biyei nyehã nyebihĩĩ lo nyedientše̱ nyehe fĩ! [85]

²⁶Ani dšee ene̱mei noṅṅ hã Israel maṅtše̱ Salomo fe eša le̱? tše̱ dšeṅmãdšĩ babaō mli maṅtše̱ ko maṅtše̱ ko be̱ ni tamo̱le̱, ni e-Nyoṅmo̱ le̱ sumoo̱le̱, ni Nyoṅmo̱ wole̱ maṅtše̱ ye̱ Israel mū le̱ fẽ no̱; kẽle̱ le̱ po *maṅse̱ yei le̱ hã efe eša. [86]

²⁷Kole̱, aso wo̱bonye toi, ni wo̱fe ne̱ke̱ efõṅ kpeteṅkple ne̱ fẽ, ni wo̱w̌e̱ maṅse̱ yei ni wo̱ke̱-tõ wo̱-Nyoṅmo̱ le̱ no̱?

²⁸Ni oso̱fonukpa Eliašib bi *Ioiada bii le̱ ateṅ mokome etšṍ †Sanbalat, Horonnyo le̱, šānū; nohewo̱ le̱ miſĩele̱ ke̱-dše̱ mihe. [87]

²⁹Mi-Nyoṅmo̱, kaimo̱ame̱; edšake̱ ame̱bule oso̱foyeli le̱ ke̱ oso̱foyeli kpãṅmo̱ le̱ ke̱ Levibii le̱ anõ le̱ hũ!

³⁰Bo̱ni mife mitšū ame̱he ke̱-dše̱ maṅse̱nii fẽ mli ne̱; ni mito oso̱foi le̱ ke̱ Levibii le̱ asúomo̱ le̱ gbe̱dšĩane̱, mofẽmo ye̱ enitšume̱ no̱,

³¹ke̱ lai ní abahãa ye̱ bei ní ato mli le̱ ke̱ kleṅkleṅ yibii le̱. Mi-Nyoṅme̱, *kaimo̱mi, ní ahĩ ahãmi! [88]