Read luganda Nehemia 2 Bible Online

Nehemia 2 - luganda bible

Nehemia 2

¹Ni eba mli ye̱ Nisan nyõṅ le̱ no̱, ye̱ maṅtše̱ Artašasta yino̱ afi ni dši nyoṅmai-enyo̱ le̱ no̱, ake̱ wein mã ehĩe, ni miwó wein le̱ ni miṅõ-hã maṅtše̱ le̱. Ši mifeko mo̱bo̱mo̱bo̱ ye̱ ehĩe pẽṅ.

²Ke̱ke̱ ni maṅtše̱ le̱ kē̱mi ake: Mẽhewo̱ ni ohĩe efe mo̱bo̱mo̱bo̱ ne̱ke̱, ni dšee ake̱ ohe miye hũ? Dšee nokonoko ni ake̱ tšuiṅ aw̌ere̱hō ni! Ke̱ke̱ ni miše gbeyei naakpa dientše̱.

³Ni mikē̱ maṅtše̱ le̱ ake: Maṅtše̱ yi aná wala ke̱-ya nāno̱! Mẽhewo̱ ni esaa ake̱ mihĩe afe mo̱bo̱mo̱bo̱, beni maṅ le̱ ní dši he ní mitše̱mei asãṅi yo̱ le̱ etšṍ amaṅfõ, ni ašã ehe agbói le̱ hũ ke̱ la le̱?

⁴Ke̱ke̱ ni maṅtše̱ le̱ kē̱mi ake̱: Meni dši noni otaoo̱? Ke̱ke̱ ni mikpa ṅwei Nyoṅmo̱ le̱ fai,

⁵ni mikē̱ maṅtše̱ le̱ ake̱: Ke̱dši esa maṅtše̱ hĩe, ni ke̱dši otšũlo̱ hĩe eba nyam ye̱ ohĩe le̱, hã maya Iuda ye̱ maṅ ní mitše̱mei asãṅi yo̱ mli le̱ṅ, koni mayato ekoṅ!

⁶Ni maṅtše̱ le̱ ke̱ maṅnye ní tá emase̱i le̱ kē̱mi ake̱: Gbĩĩ enyie ooye ye̱ ogbe̱fā̃ le̱ mli, ni mẽ beyino̱ ookũ ose̱ ke̱-ba ekoṅ? Ni esa maṅtše̱ le̱ hĩe ake̱ ehã maya; ni mitole̱ be.

⁷Ni misā mikē̱ maṅtše̱ le̱ ake̱: Ke̱dši esa maṅtše̱ le̱ hĩe le̱, no le̱ ahãmi wodši miyahã amraloi ní yo̱ fā le̱ se̱ le̱, koni ame̱ṅmẽmi gbe̱ ni mafo mli ke̱-yaši maše̱ Iuda,

⁸ke̱ wolo ko hũ ni mike̱-yahã Asaf, maṅtše̱ kõ le̱ kwe̱lo̱ le̱, koni ehãmi tšei ni mike̱-fe mō̃ ni yo̱ šĩa le̱ he le̱, ke̱ maṅ le̱ be gbogbo le̱ ke̱ šĩa ní miyahĩ mli le̱ nā agbói le̱ ahe mplãṅi. Ni maṅtše̱ le̱ hãmi ye̱ mi-Nyoṅmo̱ le̱ mlihĩle̱ *nine ní fata mihe le̱ hewo̱. [5]

⁹Ke̱ke̱ ni miyaše̱ fā le̱ se̱ amraloi le̱ aṅõ, ni miṅõ maṅtše̱ le̱ wodši le̱ mi-hãame̱. Ši maṅtše̱ le̱ fãmo̱ asafoiatše̱mei ke̱ okpo̱ṅo̱iatše̱mei eto mihe.

¹⁰Ši beni Sanbalat, Horonnyo le̱, ke̱ Tobia, Amonnyo ni dši nyṍṅ le̱, nu le̱, edo̱ame̱ naakpa ake̱ nū ko eba ní ebatao Israelbii le̱ edšũrõyeli.

¹¹Ke̱ke̱ ni miše̱ Ierusalem, ni miye gbĩĩ etẽ ye̱ dše̱i.

¹²Ni mite ši nyõṅ, mi ke̱ hĩĩ fiō ko ni fata mihe le̱; ši migbako mokomoko noni mi-Nyoṅmo̱ le̱ eṅõ-wo mitšui mli ake̱ miyafe mihã Ierusalem, ni mihĩee kolo ko kolo ko hũ, ake̱ dša kolo ni mitá no̱ le̱ pe̱.

¹³Ni mitšṍ dšō̱ le̱ṅ agbó le̱ nā ke̱-dše kpo nyō le̱ṅ, ke̱-tšṍ drako nubu le̱ hĩe ke̱-te tumu agbó le̱ nā, ni misra Ierusalem gbogboi le̱ mikwe̱ bo̱ni ame̱kũmo̱ ame̱ſie ši, ke̱ enā agbói le̱ ni ake̱ la ešã le̱.

¹⁴Ke̱ke̱ ni mifoṅ ke̱-te *nubu agbó le̱ nā ke̱ maṅtše̱ kpākpo le̱ nā; ši kolo ni mitá no̱ le̱ náá gbe̱ aho. [6]

¹⁵Ke̱ke̱ ni mitšṍ fā le̱ nā ke̱-te nyõ le̱ṅ noṅṅ, ni miyakwe̱ gbogbo le̱; ni mi-kũ mise̱, ni mitšṍ dšō̱ le̱ṅ agbó le̱ nā ke̱-ba, ni mikũ mise̱.

¹⁶Ši no̱yelo̱i le̱ lee beni mite ke̱ noni miyafe, ni Iudafoi le̱ ke̱ oso̱foi le̱ ke̱ abladei le̱ ke̱ no̱yelo̱i le̱ ke̱ mei ni eſe̱ ni tšuo̱ nii le̱ hũ migbakoame̱.

¹⁷Ke̱ke̱ ni mikē̱ame̱ ake̱: Nyedientše̱ nyemīna no amane mli ní wo̱yo̱, bo̱ni Ierusalem kã ši amaṅfõ, ni ehe agbói le̱ hũ ake̱ la ešã; nyebaä ni nyehãa wo̱-tſaä Ierusalem gbogbo le̱, koni wo̱kato kpa doṅṅ!

¹⁸Ni migbaame̱ mi-Nyoṅmo̱ le̱ nine ni mli hĩ ye̱ mino̱ le̱, ke̱ maṅtše̱ le̱ wiemo̱i le̱ hũ ni ekē̱mi le̱. Ke̱ke̱ ni ame̱kē̱: Nyehãa wo̱tea ši ni we̱mãa! Ni ame̱wadše ame̱nidšiaṅ ame̱hã nitšumo̱ kpakpa le̱.

¹⁹Ši beni Sanbalat, Horonnyo le̱, ke̱ Tobia, Amonnyo ni dši nyṍṅ le̱, ke̱ Gešem, Arabianyo le̱, nu le̱, ame̱ye wohe fe̱o, ni ame̱gbe wohe guo̱, ame̱kē̱: Mẽ sane nyeyeo̱ ne̱? Aso nyeatše maṅtše̱ le̱ hĩe atũa?

²⁰Ke̱ke̱ ni mihere no̱ ni mikē̱ame̱ ake̱: Ṅwei Nyoṅmo̱ le̱, le̱ eehã wo̱nyẽ wo̱fe; nohewo̱ le̱ wo̱ ni dši etšũdši le̱ wo̱o̱te ši ni wo̱mã; ši nye le̱ *nyebe̱ gbe̱nā ko, lo hegbe̱ ko, lo kaimo̱nõ ko ye̱ Ierusalem! [7]