Read luganda Nehemia 3 Bible Online

Nehemia 3 - luganda bible

Nehemia 3

¹Ke̱ke̱ ni oso̱fonukpa Eliašib ke̱ enyemimei oso̱foi le̱ te ši ni ame̱mã tōi agbó le̱, ni ame̱fele̱ kroṅkroṅ, ni ame̱trá enā šĩnāi le̱; ame̱fele̱ kroṅkroṅ āhũ ke̱-yaši Hamea mō̃ ní kwo̱ le̱ ke̱ Hananel mō̃ ní kwo̱ le̱ he.

²Ni Ieriko hĩĩ le̱ mã ke̱-tšá enõ le̱ no̱; ni Zakur, Imri bi le̱, hũ mã ke̱-tšá ame̱nō le̱ no̱.

³Ši lōi agbó le̱ Senaa bii le̱ mã, ni ame̱sẽṅ no̱, ni ame̱trá enā šĩnãi le̱ ke̱ amehe sro̱tōi le̱ ke̱ ame̱se̱ adabãṅi le̱.

⁴Ní ame̱no̱tšámo̱ le̱ Meremot, Hakoz bi Uria bi le̱, basã; ni ame̱ hũ ame̱no̱tšámo̱ le̱ Mešulam, ní dši Mešezabel bi Berekia bi le̱, basā; ni mene̱mei ano̱tšámo̱ le̱ Zadok, Baana bi le̱, basā.

⁵Ni ame̱ hũ ame̱no̱tšámo̱ le̱ Tekoabii le̱ basā; ši ame̱blade̱i le̱ ke̱ ame̱kue̱i woo ame̱-Nuntšo̱ le̱ nitšumo̱ le̱ šiši.

⁶Ši agbó momo le̱ Ioiada, Pasea bi le̱, ke̱ Mešulam, Besodeia bi le̱, basā; ame̱ noṅṅ ame̱sẽṅ no̱, ni ame̱trá enā šĩnãi le̱ ke̱ ame̱he sro̱tōi le̱ ke̱ ame̱se̱ adabãṅi le̱.

⁷Ni ame̱no̱tšámo̱ ke̱-yaši fā le̱ se̱ amralo le̱ sẽimā̃he le̱ Melatia, Gibeonnyo le̱, ke̱ Iadon, Meronotnyo le̱, ní dši Gibeon ke̱ Mizpa bii le̱, basā.

⁸Eno̱tšámo̱ le̱ Harhaia bi Uziel, ni dše̱ šikaṅãlo̱i le̱ ateṅ le̱, basā. Eno̱tšámo̱ le̱ hũ le̱ Hanania, tšofãfelo̱i le̱ abi le̱, basā; ši ame̱šī Ierusalem ke̱-yaši gbogbo le̱ke̱tē̱ le̱ he.

⁹Ni ame̱no̱tšámo̱ le̱ Refaia, Hur bi le̱, ni dši Ierusalem mlidšā fā no̱ lumo le̱, basā.

¹⁰Ni ame̱no̱tšámo̱ le̱ Iedaia, Harumaf bi le̱, basā ye̱ ešĩa le̱ ṅe̱le̱no̱; ni eno̱tšámo̱ le̱ Hatuš, Hašabneia bi le̱, basā.

¹¹Malkia, Harim bi le̱, ke̱ Hašub, Pahat-Moab bi le̱, basā fā kroko ke̱ flõnõĩ amō̃ ni kwo̱ le̱ hũ.

¹²Ni eno̱tšámo̱ le̱ Šalum, Haloheš bi le̱, ní dši Ierusalem mlidšā fã no̱ lumo le̱, basā, le̱ ke̱ ebiyei le̱.

¹³Dšō̱ le̱ṅ agbó le̱ Hanun ke̱ Zanoa bii le̱ basā; ame̱mã, ni ame̱trá enā šĩnāi le̱ ke̱ ame̱he sro̱tōi le̱ ke̱ ame̱se̱ adabãṅĩ le̱; ni ame̱tſa gbogbo ninetalo̱i akpe ke̱-yaši tumu agbó le̱ nā.

¹⁴Ši tumu agbó le̱ Malkia, Rekab bi le̱, ni dši Bet-Hakerem mlidšā fã no̱ lumo le̱, basā; le̱ emã ni etrá enā šĩnāi le̱ ke̱ ame̱he sro̱tōi ke̱ ame̱se̱ adabãṅi le̱.

¹⁵Ni nubu agbó le̱ Šalun, Kol-Hoze bi le̱, moni dši Mizpa mlidšã fã no̱ lumo le̱, basā; le̱ emã, ni eha no̱, ni etrá enā šĩnāi le̱ ke̱ ame̱he sro̱tōi le̱ ke̱ ame̱se̱ adabãṅi le̱; le̱ noṅṅ etſa *Šiloa kpākpo le̱ he gbogbo le̱ ye̱ maṅtše̱ trom le̱ mase̱i āhū ke̱-yaši atrakpoi ní kplekeo̱ ši ke̱-dše̱o̱ David mã le̱ṅ le̱ he. [8]

¹⁶Ese̱ le̱ Nehemia, Azbuk bi le̱, ni dši Bet-Zur mlidšā fã no̱ lumo le̱, basā ke̱-yaši David sãṅi le̱ aṅe̱le̱no̱ ke̱ kpākpo ní afe le̱ he āhũ ke̱-yaši hĩĩ kãkãlo̱ĩ le̱ awe le̱.

¹⁷Ese̱ le̱ Levibii le̱, Rehum, Bani bi le̱, basā. Eno̱tšámo̱ le̱ hũ Hašabia, Keila mlidšā fã no̱ lumo le̱, basā ye̱ emlidsã le̱ gbe̱fãṅ.

¹⁸Ese̱ le̱ ame̱nyemimei le̱, Bawai, Henadad bi le̱, moni dši Keila mlidšã fã kroko le̱ no̱ lumo le̱, basā.

¹⁹Ni Ezer, Iešua bi le̱, ni dši Mizpa lumo le̱, basā fã kroko ye̱ heni atšṍo̱ akwo̱ō̱ ke̱-yaã tawūnii atōhe le̱ ṅe̱le̱no̱, ye̱ gbogbo le̱ koṅ le̱ he.

²⁰Ese̱ le̱ Baruk, Zabai bi le̱, ke̱ hĩedō̱ basā fā kroko ke̱-dše̱ koṅ le̱ he ke̱-yaši oso̱fonukpa *Eliašib we le̱ šīnā le̱ nã. [9]

²¹Ese̱ le̱ *Meremot, ní dši Hakoz bi Uria bi le̱, basā fā kroko ke̱-dše̱ Eliašib we le̱ šīnā le̱ nã ke̱-yaši Eliašib we le̱ nāgbēhe le̱ tō̃. [10]

²²Ni ese̱ le̱ oso̱foi le̱, ní dši Iordan he šikpoṅ le̱ no̱ bii le̱, basā.

²³Ese̱ le̱ Benyamin ke̱ Hašub basā ye̱ ame̱we le̱ ṅe̱le̱no̱. Ese̱ le̱ Azaria, ní dši Anania bi Maaseia bi le̱, basā ye̱ ewe le̱ mase̱i.

²⁴Ese̱ le̱ Binui, Henadad bi le̱, basā fā kroko ke̱-dše̱ Azaria šĩa le̱ he ke̱-yaši koṅ le̱ ke̱ heni gbogbo le̱ do̱ eyi ye̱ le̱.

²⁵Palal, Uzai bi le̱, basā koṅ le̱ ṅe̱le̱no̱ ke̱ mō̃ ni kwo̱ ni tšẽ ke̱-dše kpo ye̱ maṅtše̱ šĩa le̱ he, ni yo̱ *gbokle̱foi akpo le̱ mase̱i le̱. Ese̱ le̱ Pedaia, Paroš bi le̱, basā. [11]

²⁶Ši so̱lemo̱we súolo̱i le̱ hĩo̱ Ofel ke̱-yaši nu agbó le̱ ṅe̱le̱no̱ ye̱ bokãgbe̱ ke̱ heni mō̃ ni tšẽ ke̱-dše kpo le̱ yo̱ le̱.

²⁷Ese̱ le̱ Tekoabii le̱ basā fã kroko ye̱ mō̃ wulu ní mã ši somomō le̱ ṅe̱le̱no̱ āhũ ke̱-yaši Ofel gbogbo le̱ he.

²⁸Oso̱foi le̱ hũ basā ke̱-dše̱ *okpo̱ṅo̱i agbó le̱ he, ame̱teṅ mofẽmo le̱ ye̱ ešĩa ṅe̱le̱no̱. [12]

²⁹Ame̱se̱ le̱ Zadok, Imer bi le̱, basā ye̱ ešĩa le̱ ṅe̱le̱no̱. Le̱ hũ ese̱ le̱ Šemaia, Šekania bi le̱, ní dši bokãgbe̱ agbó le̱ nãkwe̱lo̱ le̱, basã.

³⁰Ese̱ le̱ Hanania, Šelemia bi le̱, ke̱ Hanan, Zalaf bi ni dši ekpa le̱, basā fã kroko. Ese̱ le̱ Mešulam, Berekia bi le̱, basā ye̱ epia le̱ ṅe̱le̱no̱.

³¹Ese̱ le̱ Malkia, ni dši šikaṅālo̱ le̱, basā ke̱-yaši so̱lemo̱we súolo̱i le̱ ke̱ dšrayelo̱i le̱ awe le̱ he, ye̱ Hamifkad agbó le̱ ṅe̱le̱no̱ ni ke̱-yaši ṅweitšũ ní yo̱ koṅ le̱ no̱ le̱ he.

³²Ni ṅweitšũ ní yo̱ koṅ le̱ no̱ le̱ ke̱ tōi agbó le̱ teṅ le̱, šĩkaṅālo̱i le̱ ke̱ dšrayelo̱i le̱ basā.

³³[Y. 4,1.] Ni eba mli ake̱, beni Sanbalat na ake̱ wo̱mītſa gbogbo le̱, emli fũ ni emli wo la naakpa, ni *eye Iudafoi le̱ ahe fe̱o, [13]

³⁴[2.] ni ekē̱ ye̱ enyemimei le̱ ke̱ Samaria ta le̱ hĩe ake̱: Meni ne̱ke̱ Iudafoi wudo̱wudo̱i ne̱ feo̱ ne̱? Ani aṅmẽame̱ gbe̱? Ani ame̱bašã afo̱le? Ani ame̱-agbe nã gbĩ kome dšenamo̱? Kole̱ ame̱batšĩe te̱i le̱ ahĩe ke̱-dše̱ tšukoi ní ešã le̱ akui le̱ amli lo?

³⁵[3.] Ke̱ke̱ ni Tobia, Amonnyo le̱ ni damo̱ emase̱i le̱, kē̱: Noni ame̱tſaä ne̱ po le̱, ké̱ oso̱ tũ yi no̱ le̱, eekũmo̱ ame̱te̱ gbogbo le̱ tete!

³⁶[4.] Bo toi, wo̱-Nyoṅmo̱, bo̱ni agbeo̱ wo̱he guo̱! ni *ohã ame̱horabō̱ le̱ akũ se̱ abua ame̱dientše̱ ame̱yiteṅ, ni ohã agbe ame̱he guo̱ ye̱ nomṅō̃ šikpoṅ no̱! [14]

³⁷[5.] Ni kãtšīmo̱ ame̱no̱tōmo̱ le̱ no̱, ni ame̱he eša le̱ hũ akagbe ye̱ ohĩe; edšake̱ ame̱wo omlila ye̱ tšũmšlo̱i le̱ ahĩe!

³⁸[6.] Ni wo̱tſa gbogbo le̱, ni gbogbo le̱ fẽ tšá no̱ ke̱-yaši emlidšā, edšake̱ maṅ le̱ ye̱ nitšumo̱ le̱ he tšui.