Read luganda Nehemia 5 Bible Online

Nehemia 5 - luganda bible

Nehemia 5

¹Ke̱ke̱ ni maṅ le̱ ke̱ ame̱ṅãmei le̱ blo̱ wo ame̱nyemimei Iudafoi le̱ naakpa.

²Edšake̱ meikomei ye̱ ní kē̱o̱ ake̱: Wo̱ke̱ wo̱bihĩĩ ke̱ wo̱biyei le̱, wo̱yi fá; ahãwo̱ able ní wo̱ye ní wo̱yi aná wala!

³Ši meikomei hũ ye̱ ní kē̱e̱ ake̱: Wo̱ṅõo̱ wo̱ṅmõdši ke̱ wo̱weintromi ke̱ wo̱šĩai wo̱ke̱-totoo̱ awabai, koni wo̱ke̱he able ye̱ hõmo̱ le̱ hewo̱.

⁴Asaṅ meikomei hũ ye̱ ní kē̱o̱ ake̱: Maṅtše̱ onĩa le̱ tšũmo̱ hewo̱ le̱ wo̱yafla šika ni wo̱ke̱ wo̱ṅmōdši ke̱ wo̱weintromi le̱ eto nā.

⁵Nto wo̱helo tamo̱ wo̱nyemimei le̱ ahelo noṅṅ, ni wo̱bii le̱ tamo̱ ame̱bii le̱, ši na, wo̱ le̱ wo̱ṅõo̱ wo̱bihĩĩ ke̱ wo̱biyei wo̱woo̱ nyṍṅyeli mli, ni ame̱tšṍmo̱ nyṍdši, ni wo̱biyei le̱ ateṅ meikomei ye̱ nyṍṅyeli mli momo; ni wo̱nyẽẽ he eko wo̱fe, ni wo̱ṅmõdši ke̱ wo̱weintromi ye̱ meikrokomei adeṅ.

⁶Ni beni minu ame̱blo̱mo̱ le̱ ke̱ ne̱ke̱ wiemo̱i ne̱, mimli wo la naakpa.

⁷Ke̱ke̱ ni mitšui ke̱mi te adšina, ni miblo̱ miwo abladei le̱ ke̱ no̱yelo̱i le̱ ni mikē̱ame̱ ake̱: Nyeteṅ mofẽmo *heo̱ enyemi hekpa ní fè nine. Ni mibo̱ gwa kpeteṅkple miwoame̱. [17]

⁸Ni mikē̱ame̱ ake̱: Wo̱ le̱ wo̱fe bo̱ni wo̱o̱nyẽ ni wo̱ke̱-kpõ wo̱nyemimei Iudafoi ni ahõ ahã dšeṅmădši le̱; ni nye le̱ nyesã nyemīhõ nyenyemimei le̱, ni ame̱hõ ame̱he ame̱hãwo̱ lo? Ke̱ke̱ ni ame̱bu ame̱nā, ni ame̱naa noni ame̱kē̱o̱.

⁹Ni misā mikē̱: Noni nyefeo̱ ne̱ ehĩĩ! Ani esaa ake̱ nyenyieo̱ ye̱ wo̱-Nyoṅmo̱ le̱ gbeyeišemo̱ mli, ye̱ dšeṅmãdši ní dši wo̱henye̱lo̱i le̱ ahora ní ame̱-abo̱wo̱ le̱ hewo̱ lo?

¹⁰Ši mi hũ ke̱ minyemimei le̱ ke̱ miwebii le̱, wo̱faame̱ šika ke̱ able; nyehăa wo̱ṅõa ne̱ke̱ nyõmo̱ ne̱ wo̱kea!

¹¹Nyefai ne̱, ṅme̱ne̱ noṅṅ nyedãia ame̱ṅmõdši ke̱ ame̱weintromi ke̱ ame̱mũtromi ke̱ ame̱šīai le̱ nyehãa-ame̱, ke̱ šika le̱ ke̱ able le̱ ke̱ wein le̱ ke̱ mũ le̱ mlidšăi oha mli ekome ni dši hekpa ni nyeheo̱ ye̱ ame̱deṅ le̱ hū!

¹²Ke̱ke̱ ni ame̱kē̱: Wo̱o̱dãi wo̱hã, ni wo̱heṅ noko ye̱ ame̱dẽ; ni wo̱o̱fe nakai, tamo̱ bo̱ni okē̱ le̱. Ke̱ke̱ ni mitšé̱ oso̱foi le̱ ke̱-ba, ni mihã ame̱kãmo̱ kitãi ake̱ ame̱afe bo̱ni ame̱wo ši ne̱.

¹³Misã mihoso mitade le̱ tšitši hũ ni mikē̱: Mofẽmo ní yee ne̱ke̱ šiwō ne̱ no̱ le̱, bo̱ni Nyoṅmo̱ aahosole̱ ke̱-dše ewe ke̱ enitšumo̱ mli ne̱, bo̱ noṅṅ ní aahosole̱ ni afele̱ ſe̱m ne̱! Ni asafo mū le̱ fẽ kē̱: Amen! ni ame̱dšie Iehowa yi. Ni maṅ le̱ ye šiwō ne̱ no̱.

¹⁴Asaṅ ke̱-dše̱ gbĩ no̱ ni ewomi ame̱no̱ amralo ye̱ Iuda šikpoṅ le̱ no̱, ke̱-dše̱ maṅtše̱ Artašasta yino̱ afi ni dšĩ nyoṅmai-enyo̱ le̱ no̱ ke̱-yaši afi ní dši nyoṅmai-etẽ ke̱ enyo̱ le̱ no̱, ní ſeo̱ afii nyoṅma ke̱ enyo̱ so̱ṅṅ le̱, mike̱ minyemimei le̱ heko amralo gbe̱nā niyenii le.

¹⁵Ši sá amraloi le̱ ni nyie mihĩe le̱ waä maṅ le̱ yi, ni ame̱heo̱ abolo ke̱ wein ye̱ ame̱dẽ, sŏro dſie̱te̱ĩ šekelinyoṅmai-edſe̱ le̱ hũ; ame̱webii le̱ tete yeo̱ maṅ le̱ no̱. Ši mi le̱, Nyoṅmo̱ gbeyeišemo̱ hewo̱ le̱ mifee nakai.

¹⁶Ni asaṅ ne̱ke̱ gbogbo ne̱ he nitšumo̱ le̱, mihĩe mli wā, ni wo̱hee šikpoṅ ko tete; ši miwebii le̱ fẽ bakpeo̱ ye̱ dše̱i ye̱ nitšumo̱ le̱ he.

¹⁷Asaṅ Iudafoi le̱ ke̱ no̱yelo̱i le̱ ateṅ mei oha ke̱ nyoṅmai-enumo̱ yeo̱ nii ye̱ mikplõ he, dãni sŏro mei ni dše̱ dšeṅmãdši ni bo̱lewo̱ le̱ ateṅ ní baä wo̱ṅõ le.

¹⁸Ši nii ni ahōo̱ ahãami gbĩ kome dši tšĩnanū kome ke̱ toi ni eſi ekpa, ni fĩdšiatše̱mei hũ asāa ahãami, ni dā gbĩĩ nyoṅma se̱ le̱ wein sro̱toi fẽ hũ babaō. Kẽle̱ ene̱ fẽ le̱ mibii amralo gbe̱nā niyenii le̱ ši, edšake̱ onĩatšũmo̱ le̱ mli wa ye̱ maṅ ne̱ no̱.

¹⁹Mi-Nyoṅmo̱, nibii fẽ ni mife mihã ne̱ke̱ maṅ ne̱ hewo̱ le̱, *kaimo̱mi, ní ahĩ ahãmi! [18]