Read luganda Nehemia 8 Bible Online

Nehemia 8 - luganda bible

Nehemia 8

¹Ni maṅ le̱ blūblu bakpe ye̱ blohũ ko ni yo̱ nu agbó le̱ hĩe le̱ mli, ni ame̱kē̱ *Ezra, woloṅmālo̱ le̱, ake̱ eyako̱ Mose mla le̱ ní Iehowa wo Israel le̱ wolo le̱ ke̱-ba. [23]

²Ni oso̱fo Ezra ke̱ mla le̱ ba asafo le̱ hĩe, hĩĩ ke̱ yei ke̱ mei fẽ ni ké̱ ame̱nu ni ame̱anu šiši le̱ ye̱ dše̱i, ye̱ nyõṅ ni dši kpawo le̱ no̱ kleṅkleṅ gbĩ le̱ no̱. [24]

³Ni ekane ye̱ blohũ ní yo̱ nu agbó le̱ hĩe le̱ mli ke̱-dše̱ lebi ke̱-yaši ſane fintī̃, ye̱ hĩĩ ke̱ yei ke̱ mei ní aanyẽ šiši anu le̱ ahĩe, ni maṅ mū le̱ fẽ mībo mlawola le̱ mli wiemo̱i atoi.

⁴Ni Ezra, woloṅmālo̱ le̱, damo̱ tšo no̱damo̱nõ ko ní kwo̱ ní ame̱fe ye̱ no hewo̱ le̱ no̱; ni Matitia ke̱ Šema ke̱ Anaia ke̱ Uria ke̱ Hilkia ke̱ Maaseia damo̱ emase̱i ye̱ eninedšũrõ, ni Pedaia ke̱ Mišael ke̱ Malkia ke̱ Hašum ke̱ Hašbadana ke̱ Zakaria ke̱ Mešulam damo̱ ebe̱ku.

⁵Ni Ezra gble wolo le̱ nā ye̱ maṅ mū le̱ fẽ hĩe; (edšake̱ ekwo̱ fè maṅ le̱ fẽ;) ni beni egble nā le̱, maṅ mū le̱ fē te ši damo̱ ši.

⁶Ke̱ke̱ ni Ezra dšie Iehowa, Nyoṅmo̱ kpeteṅkple le̱, yi; ni maṅ mū le̱ fẽ here no̱ ake̱: Amen, amen! ni ame̱hole ame̱nidši ano̱, ni ame̱mãmo̱ ame̱yi-tšei ašĩ, ni ame̱ke̱ ame̱hĩe bumo̱ ši ame̱ dšá Iehowa.

⁷Ni Iešua ke̱ Bani ke̱ Šerebia ke̱ Iamin ke̱ Akub ke̱ Šabetai ke̱ Hodia ke̱ Maaseia ke̱ Kelita ke̱ Azaria ke̱ Iozabad ke̱ Hanan ke̱ Pelaia ke̱ Levibii le̱ tšõ maṅ le̱ mla le̱ šišĩ; ni maṅ le̱ damo̱ ame̱damo̱he le̱.

⁸Ni ame̱kane wolo le̱ ní dši Nyoṅmo̱ mla le̱ faṅṅ, ni ame̱tšõ šiši, koni anu noni akaneo̱ le̱ šiši.

⁹Ke̱ke̱ ni Nehemia ní dši *amralo le̱ ke̱ oso̱fo Ezra ni dši woloṅmālo̱ le̱ ke̱ Levibii ní tšõo̱ maṅ le̱ nii le̱ kē̱ maṅ mū le̱ fẽ ake̱: Nme̱ne̱ gbĩ ne̱ ye̱ kroṅkroṅ hã Iehowa, nye-Nyoṅmo̱ le̱; nyekayea ṅko̱mo̱ ni nyekafóa hũ! Edšake̱ maṅ mū le̱ fẽ mīfó, beni amenu mla le̱ mli wiemo̱i le̱. [25]

¹⁰Ni ekē̱ame̱ ake̱: Nyeyaä ni nyeyayea nii ni ewo fo̱, ni nyenua nii ni ṅō do̱ko̱do̱ko̱, ni nyeke̱ eko amãdšea mei ni afeko noko atokoame̱ le̱; edšake̱ ṅme̱ne̱ gbĩ ne̱ ye̱ kroṅkroṅ hã wo̱-Nuntšo̱ le̱, hewo̱ le̱ nyew̌ere̱ akahoa nyehe; edšake̱ Iehowa he nyã́mo̱ le̱ dši nyehewale̱!

¹¹Ke̱ke̱ ni Levibii le̱ še̱dše maṅ le̱ fẽ mī ni ame̱kē̱: Nyefõa, edšake̱ ṅme̱ne̱ gbĩ ne̱ ye̱ kroṅkroṅ, hewo̱ le̱ nyew̌ere̱ akahoa nyehe!

¹²Ni maṅ mū le̱ fē yiṅ ame̱te ni ame̱yaye nii ni amenu noko ní ame̱ke̱ ekomei mãdše, ni ame̱ná mīše̱ babaō; edšake̱ wiemo̱i ni adšadše atšõame̱ le̱ ame̱nn šiši.

¹³Ni eno̱ gbĩ ní dši gbĩ enyo̱ le̱ maṅ le̱ fẽ mli tše̱mei awei le̱ ano̱ onukpai le̱ ke̱ oso̱foi le̱ ke̱ Levibii le̱ babua ame̱he nā ye̱ Ezra, woloṅmālo̱ le̱, ṅõ, koni ame̱babo mla le̱ mli wiemo̱i le̱ atoi.

¹⁴Ni ame̱na ake̱ *aṅmã ye̱ mla ni Iehowa tšṍ Mose nine no̱ ewo le̱ mli, ake̱ Israelbii le̱ ahĩ asesei amli ye̱ nyõṅ ní dšĩ kpawo le̱ no gbĩdšũrõ le no, [26]

¹⁵ni ake̱ ame̱dšadše ni ame̱šie̱ ye̱ ame̱mādši le̱ fẽ mli ke̱ Ierusalem hũ ake̱: Nyedšea kpo nyeyaä goṅ le̱ no̱, ni nyeyaṅõa mũtšei anidši ke̱ ṅkũtšei anidši ke̱ mirtotšei anidši ke̱ ble̱oi ke̱ tšei kusukusūi anidši, ni nyeke̱-bafe asesei, take̱ bo̱ni aṅmā le̱.

¹⁶Ke̱ke̱ ni maṅ le̱ dše kpo ni ame̱yaṅõ ke̱-ba, ni ame̱ke̱-bafe asesei ame̱hã ame̱he, mofẽmo le̱ ye̱ etšũ yiteṅ, lo ame̱kpoi ano̱ ke̱ Nyoṅmo̱ we le̱ kpoi le̱ ano̱ ke̱ *nu agbó le̱ nā blohũ le̱ṅ ke̱ Efraim agbó le̱ nā blohũ le̱ṅ. [27]

¹⁷Ni asafo mū le̱ fẽ ni kũ ame̱se̱ ke̱-dše̱ nomṅõ le̱ mli ke̱-ba le̱ fe asesei, ni ame̱hĩ asesei le̱ amli. Ni Israelbii le̱ efeko nakai dã ke̱-dše̱ Iešua, Nun bi le̱, yino̱ āhũ ke̱-baši nakai gbĩ le̱ no̱. Ni ame̱mī še̱ ame̱he naakpa.

¹⁸Asaṅ ke̱-dše̱ kleṅkleṅ gbĩ le̱ no̱ āhũ ke̱-yaši nāgbē gbĩ le̱ no̱ le̱ akaneo̱ Nyoṅmo̱ mla wolo le̱ gbĩ-fẽ-gbĩ. Ni ame̱-ye gbĩdšũrõ le̱ gbĩĩ kpawo, ni gbĩ ni dši gbĩ kpānyo̱ le̱ no̱ le̱ ame̱kpe nāgbē kpē, take̱ bo̱ni ato le̱.