Read luganda Ester 4 Bible Online

Ester 4 - luganda bible

Ester 4

¹Ši beni Mordekai ná le nibii ní afe le̱ fẽ le̱, Mordekai gbla ehe atadei ni ewo kpekpe ni elõ lamlu eſĩe eno̱, ni edše kpo ete maṅ le̱ teṅ, ni efó gegẽge āhũ.

²Ni eba maṅtše̱ agbó le̱ nā tõ; edšake̱ mokomoko be̱ hegbe̱ ake̱ ebuo̱ kpekpe ke̱-boteo̱ maṅtše̱ agbo le̱ṅ.

³Ni šikpoṅ-fẽ-šikpoṅ heni maṅtše̱ le̱ kitã ke̱ ekpo̱ le̱ še̱ le̱, bĕle̱ ṅko̱me̱yeli kpeteṅkple eba Iudafoi le̱ ateṅ, ke̱ ṅmãhĩle̱ ke̱ yāfó ke̱ blo̱mo̱; ni mei pī kāmo̱kãmō̱ kpekpe ke̱ lamlu mli.

⁴Ke̱ke̱ ni Ester oblayei le̱ ke̱ epiafoi le̱ ba ni ame̱bagbale̱. Ni maṅnye le̱ tšui fã naakpa, ni etšũ ake̱ atadei te ní ake̱-yawo Mordekai, ni adšie ekpekpe le̱ ye̱ ehe; ši ehee.

⁵Ke̱ke̱ ni Ester tšé̱ Hatak, maṅtše̱ piafoi le̱ ateṅ mokome ní eto ni esúmo̱le̱ le̱, ni etšũle̱ Mordekai ṅõ, koni ele no sane ni dši ke̱ nohewo̱ ni dše̱.

⁶Ke̱ke̱ ni Hatak dše kpo ke̱-te Mordekai ṅõ ye̱ mã le̱ṅ blohũ ni ye̱ maṅtše̱ agbo le̱ nā le̱ṅ.

⁷Ni Mordekai gbale̱ sãdši fẽ ni eba eno̱, ke̱ *šika bo̱ni Haman ewo ši ake̱ eehã ni ake̱-wo maṅtše̱ dſetritōhei le̱ ye̱ Iudafoi ahewo̱, ní akpãtã ame̱hĩe le̱. [12]

⁸Ni esã eṅõ mla ní awo ye̱ Šušan, ake̱ akpãtã ame̱hĩe le̱, he wolo ni aṅmã ehãle̱, koni eke̱-yatšõ Ester, ni edšadše etšõle̱, ni ekē̱le̱ ni eya maṅtše̱ le̱ ṅõ, ni eyakpale̱ fai, ni ewie ehā emaṅbii le̱.

⁹Ke̱ke̱ ni Hatak ba ni ebagba Ester Mordekai wiemo̱i le̱.

¹⁰Ni Ester ke̱ Hatak wie ni etšũle̱ Mordekai ṅõ ake̱:

¹¹Maṅtše̱ tšũdši le̱ fẽ ke̱ mei ní yo̱ maṅtše̱ le̱ šikpõdši le̱ ano̱ hũ le ake̱ nū-fẽ-nū alo yō-fẽ-yō ni aaba maṅtše̱ le̱ ṅõ ye̱ mligbe̱ kpo le̱ no̱, ní atšé̱kole̱ le̱, mla kome kã ši hāle̱ ake̱ aagbele̱, dia moni maṅtše̱ le̱ *aawó šika maṅtše̱tšo le̱ ne̱ atšõle̱ le̱ pe̱ yi náa wala; ši mi le̱ atšé̱-komi ake̱ miba maṅtše̱ le̱ ṅõ gbĩĩ nyoṅmai-etẽ so̱ṅṅ ne̱. [13]

¹²Ni ame̱yagba Mordekai Ester wiemo̱i le̱.

¹³Ke̱ke̱ ni Mordekai kē̱ ake̱ ayahã Ester hetõ ake̱: Kāsusu ake̱-ni oyo̱ maṅtše̱ we le̱ hewo̱ le̱ bo le̱ ohe aadše mli ye̱ Iudafoi le̱ fẽ ateṅ.

¹⁴Edšake̱ ké̱ obu onā kwrā ye̱ ne̱ke̱ be ne̱ mli le̱, no le̱ mumo̱ ke̱ dšiemo̱ ke̱ walaheremo̱ aadše̱ he kroko ate ši ahã Iudafoi le̱; ši bo le̱ oke̱ otše̱ we le̱ hĩe aakpãtã. Ši ne̱ke̱ *be ne̱ hewo̱ noṅṅ onine še̱ maṅnyeyeli le̱ ne̱ ne̱ dšiṅ, namo le? [14]

¹⁵Ke̱ke̱ ni Ester kē̱ame̱ ake̱ ame̱yahã Mordekai hetō ake̱:

¹⁶Yabua Iudafoi ní yo̱ Šušan le̱ fẽ nā ke̱-kpe, ni nyehĩ ṅmä nyehãmi, ni nyekayea nii ni nyekanua nu hũ nyõṅ-nyōṅ ke̱ ſaneſane gbĩĩ etẽ; mi hũ ke̱ miblayei le̱ bahĩ ṅmā̃ nakai noṅṅ. Ke̱-ke̱ ni maya maṅtše̱ le̱ ṅõ tše̱ dšee mla le̱ nā ni; ni *ke̱dši milādše hũ, bĕle̱ milādše! [15]

¹⁷Ke̱ke̱ ni Mordekai yĩṅ ete, ni eyafe bo̱ni Ester fã́le̱ le̱ pe̱pē̱pe̱.