Read luganda Ester 6 Bible Online

Ester 6 - luganda bible

Ester 6

¹Nakai nyō le̱ṅ le̱ wo̱ tše ye̱ maṅtše̱ le̱ hĩe; ni efã́ ake̱ ayako̱ yino̱sãdši akaimo̱ wolo le̱ ke̱-ba, ni abakane ye̱ maṅtše̱ le̱ hĩe.

²Ni ana ní aṅmã ake̱ *Mordekai ebagba Bigtana ke̱ Tereš, maṅtše̱ piafoi enyo̱, ní dši mei ní buo̱ šĩnā le̱ nā le̱ ateṅ meikomei, ní ame̱taoo̱ ni ame̱nine asa maṅtše̱ Ahašweroš he le̱, ahe sane. [19]

³Ke̱ke̱ ni maṅtše̱ le̱ kē̱: Mẽ nyam ke̱ wō aṅõ-hã Mordekai ye̱ ene̱ hewo̱? Ni maṅtše̱ le̱ tšũdši ni súmoo̱le̱ le̱ kē̱: Afeko nokonoko ahãkole̱.

⁴Ni maṅtše̱ le̱ kē̱: Namo yo̱ kpo le̱ no̱ le̱? No mli le̱ Haman eba maṅtše̱ we le̱ agbónāgbe̱ kpo le̱ ne̱, eke̱ maṅtše̱ le̱ ba wie, ní ase̱ṅ *Mordekai ye̱ tšo ní emã ehāle̱ le̱ no̱. [20]

⁵Ke̱ke̱ ni maṅtše̱ le̱ tšũdši le̱ kē̱le̱ ake̱! Na, Haman damo̱ kpo le̱ no̱ le̱. Ni maṅtše̱ le̱ kē̱: Hã ní eba!

⁶Ke̱ke̱ ni Haman ba. Ni maṅtše̱ le̱ kē̱le̱ ake̱: Nū ní maṅtše̱ le̱ sumoo̱ ake̱ ewo ehĩe nyam le̱, meni aafe ahãle̱? Ši Haman kē̱ ye̱ etsui mli ake̱: Namo po maṅtše̱ le̱ sumoo̱ ake̱ ewo ehĩe nyam ake̱ dša mi?

⁷Nohewo̱ le̱ Haman kē̱ maṅtše̱ le̱ ake̱: Nū ní maṅtše̱ sumoo̱ ake̱ ewo ehĩe nyam le̱,

⁸hã ní ake̱ maṅtše̱ atade ní maṅtše̱ woo̱ le̱ aba, ke̱ okpo̱ṅo̱ ní maṅtše̱ táa no̱ le̱, ke̱ maṅtše̱ akekre ní aṅõ-fĩo̱ eyi le̱;

⁹ni hã ní atu ne̱ke̱ atade ne̱ ke̱ okpo̱ṅo̱ ne̱ awo maṅtše̱ lumei agboi le̱ ateṅ mokome deṅ, koni ake̱-wo nū ní maṅtše̱ le̱ sumoo̱ ake̱ ewo ehĩe nyam le̱, ni ahã etá okpo̱ṅo̱ le̱ no̱ ke̱-fo mã le̱ṅ blohũ le̱ṅ, ni ašie̱ ke̱-nyie ebĩe ake̱: Bo̱ni aafe ahã nū ní maṅtše̱ le̱ sumoo̱ ake̱ ewo ehĩe nyam le̱ ne̱!

¹⁰Ke̱ke̱ ni maṅtše̱ le̱ kē̱ Haman ake̱: Ohe afe oyá, ni oṅõ atade ke̱ okpo̱ṅo̱ le̱, take̱ bo̱ni okē̱ le̱, ni oyafe nakai ohã Mordekai, Iudanyo le̱, ní táa maṅtše̱ koi le̱ ši le̱; kāšĩ nii ní otši tã le̱ fẽ mli ekomeflo!

¹¹Ke̱ke̱ ni Haman ṅõ atade le̱ ke̱ okpo̱ṅo̱ le̱, ni eke̱-yawo Mordekai, ni eke̱le̱ tá okpo̱ṅo̱ le̱ no̱ ke̱-fo mã le̱ṅ blohũ le̱ṅ, ni ešie̱ ke̱-nyie ehīe ake̱: Bo̱ni aafe ahã nū ni maṅtše̱ le̱ sumoo̱ ake̱ ewo ehĩe nyam le̱ ne̱!

¹²Ni Mordekai kū ese̱ ke̱-ba maṅtše̱ koi le̱ ši ekoṅ; ši Haman he fe oyá ni eyiṅ ete ewe le̱ ke̱ ṅko̱mo̱yeli, ni eha eyi no̱.

¹³Ni Haman gba eṅã Zereš ke̱ enanemei le̱ fẽ ošrã fẽ ní ešrãle̱ le̱. Ni enilelo̱i le̱ ke̱ eṅã Zereš kē̱le̱ ake̱: Ke̱dši Mordekai ní obõi šigbēmo̱ ye̱ ehĩe ne̱ dše̱ Iudafoi aseši mli le̱, no le̱ onyẽṅ-le̱, ši moṅ ši noṅṅ obagbē kwrā ye̱ ehĩe.

¹⁴Beni ame̱ke̱le̱ wieo̱ lolo le̱, maṅtše̱ le̱ piafoi le̱ ba, ni ame̱mīye oyái ni ame̱ṅō Haman ke̱-ya okplõ ní *Ester eṅmẽ le̱ be. [21]