Read luganda 2 Mose 1 Bible Online

2 Mose 1 - luganda bible

2 Mose 1

¹Ni Israel bibĩĩ ni ke̱ Iakob ba Mizraim le̱ *agbe̱ii ne̱; mofẽmo ke̱ ewe: [1]

²Ruben, Simeon, Levi ke̱ Iuda,

³Isakar, Zebulon ke̱ Benyamin,

⁴Dan ke̱ Naftali, Gad ke̱ Ašer.

⁵Ni susumai *fẽ ni dše̱ Iakob he̱ mli dši susumai nyoṅmai-kpawo; ši Iosef ye̱ Mizraim momo. [2]

⁶Ni *Iosef ke̱ enyemimei le̱ fẽ ke̱ nakai yino̱bii le̱ fẽ gboi. [3]

⁷Ni Israelbii le̱ fo̱fo̱i, ni ame̱ſere babaō, ni ame̱yi fá, ni ame̱ná hewale̱ naakpa dientše̱, ni ame̱yi sikpoṅ le̱ no̱ to̱. [4]

⁸Agbene maṅtše̱ hẽ ko bate ši ye̱ Mizraim ní lee Iosef.

⁹Ni eke emaṅbii le̱ ake: Nyekwe̱a, Israelbii amaṅ le̱ yi efá ni ame̱ná hewale̱ hũ fèwo̱.

¹⁰Nyebaä, nyehãa woke̱ame̱ ayea ṅā mli, koni ame̱yi akafá ní ebaba mli ake, ké̱ ta ko bate ši le̱, ni ame̱ hũ ame̱yafata wo̱henye̱lo̱i le̱ ahe ní ame̱ke̱wo̱ ṅwu ní ame̱mīfã ke̱-ṅdše šikpoṅ le̱ no̱!

¹¹Nohewo le̱ ame̱totō nitšumo̱ no̱ kwe̱lo̱i ye̱ ame̱no, koni ame̱ke̱ *nitšumoi ní wa awaame̱ yi. Ni ame̱mãme̱ nitōmãdši, Pitom ke̱ †Rameses, ame̱hã Farao. [5]

¹²Ši babaō ní ame̱waäame̱ yi le̱, babaō ní ame̱yi fáa ní ame̱ſereo̱ dši no, ni ame̱tšui suo̱ Israelbii le̱ ano̱.

¹³Ni Mizraimbii le̱ hĩe Israelbii le̱ nyṍdšiahĩemo̱ še̱ī,

¹⁴ni nyṍdšiahĩemo̱ še̱ī ní ame̱ke̱-hĩe-ame̱ ye̱ sũ ke̱ ntaya femo̱ ke̱ ṅmõši ni-tšumo̱ sro̱toi fẽ mli le̱, ha ame̱dšeṅhĩle̱ dše ame̱tšine.

¹⁵Ni Mizraim maṅtše̱ le̱ kē̱ Hebriyei-fo̱yei, ní ame̱teṅ mokome gbe̱i dši Šifra ní mokome hũ gbei dši Pua le̱,

¹⁶ake: Ké̱ nyete Hebriyei le̱ afo̱me̱ ní nyena ye̱ fomo-sẽi le̱ no̱ ake binūṅ le̱, nyegbeale̱, ši ke̱dši biyōṅ le̱, ehĩ ši.

¹⁷Ši yeifo̱yei le̱ yaše Nyoṅmo̱ gbeyei, ni ame̱fee boni Mizraim maṅtše̱ le̱ kē̱ame̱ le̱, ši ame̱here gbekẽbiihĩĩ le̱ ayiwala.

¹⁸Ni Mizraim maṅtše̱ le̱ tšé̱ yeife̱yei le̱ ni ekē̱ame̱ ake: Mẽhewo̱ nyefe nakai ni nyehere gbekẽbiihĩĩ le̱ ayiwala le̱?

¹⁹Ni yeife̱yei le̱ kē̱ Farao ake̱: Edšake̱ Hebriyei le̱ tamo̱o̱ Mizraimyei, ši ame̱ le̱, ame̱ye̱ kamkam, ni beni yōfo̱yō le̱ kē̱ eše̱o̱ ame̱ṅõ le̱, ame̱fo̱ momo.

²⁰Nohewo̱ le̱ Nyoṅmo̱ to yeifo̱yei le̱ edšŭrõ. Ni maṅ le̱ yi bafá ni ame̱ná hewale̱ naakpa.

²¹Ni eba mli ake̱ ní yeife̱yei le̱ še Nyoṅme̱ gbeyei hewo le̱, ehã ame̱ſere.

²²Ke̱ke̱ ni Farao wo emaṅbii le̱ fẽ akpo ake̱: Binū-fẽ-binū ní aafo̱ le̱, nyeya-še̱ale̱ nyefoa fā le̱ mli, ši biyō-fe-biyō le̱, nyehãa eyi anaa wala!