Read luganda 2 Mose 12 Bible Online

2 Mose 12 - luganda bible

2 Mose 12

¹Ni Iehowa kē̱ Mose ke̱ Aaron ye̱ Mizraim šikpoṅ le̱ ne̱ ake̱:

²*Ne̱ke̱ nyõṅ ne̱ atšṍ nyodši ašišidšē ahãnye, ni etšṍ afi mli kleṅkleṅ nyõṅ ehãnye. [110]

³Nyeke̱ Israel asafo le̱ fẽ awiea ake̱: Nyõṅ ne̱ no̱ gbĩĩ noni dši nyoṅma le̱ ame̱teṅ mofẽmo aṅõ tōbi komekome ye̱ame̱tše̱mei awei le̱ anā, šĩa fẽ-šĩa le̱ tōbi kome.

⁴Ši ke̱dši šĩa le̱ bii le̱ fáá hãã tōbi le̱ yeli le̱, no le̱ eke̱ ekutšoṅnyo moni šĩa tša enõ ne̱ le̱ aye ye̱ susumai le̱ ayifále̱ nā; nyeteṅ mofẽmo akane mei ní fá hã tōbi le̱ yeli.

⁵Ši nyeṅõa tōbi *ní kpa be̱ ehe, nū ní eye afi, ye̱ tōgwanteṅi lo tōabotiai le̱ ateṅ; [111]

⁶ni nyeṅõ-to ke̱-yaši nakai nyõṅ le̱ noṅṅ no̱ gbĩ ní dši gbĩ nyoṅma ke̱ edfe̱ le̱ no̱; ni Israel asafo mū le̱ agbegbẽame̱ gbe̱ke̱nãši.

⁷Ni ame̱ṅõ lá le̱ eko ame̱diki šĩai, heni ame̱baye ye̱ le̱, ašĩnātšei enyo le̱ ke̱ yiteṅnõ le̱. [112]

⁸Ni ame̱ye lō le̱ nakai nyō le̱ṅ noṅṅ, ašã ye̱ la mli, ni ake̱ abolo akpĩtĩ ke̱ ſie ní dšōo̱ aye.

⁹Nyekayeale̱ eṅmõṅ, ni nyeke̱ nu akahoa, ši moṅ nyešãa ye̱ la mli, eyitšo ke̱ eſũo̱dši ke̱ emlinii le̱.

¹⁰Ni nyekaſea eko nyetoa ní dše tše̱re no̱; ši ké̱ eko ſe̱ ní dše tše̱re no̱ le̱, ake̱ la ašã.

¹¹Ni bo̱ni nyetšṍ nyeyele̱ ne̱: nyefimo̱a nyemliteaṅ, ni nyewoa nyetokotai ye̱ nyenãdši, ni nyedẽhĩemotšei ahĩa nyedẽ, ni nyeayele̱ *paopao; ši Iehowa Hehō ni. [113]

¹²Edšake̱, makpa Mizraim šikpoṅ le̱ no̱ nakai nyō le̱ṅ, ni magbe Mizraim šikpoṅ le̱ no̱ kromo̱bii fẽ, ke̱-dše̱ gbomo no̱ ke̱-yaši kolo no̱; ni Mizraim nyoṅmo̱i le̱ *makodšo ame̱fẽ, midsi Iehowa le̱! [114]

¹³Ni *lá le̱ aatšṍ okadi ahãnye ye̱ šĩai heni nyeyo̱ le̱, ni ke̱ mina lá le̱, maho nyehe, ni hĩekpãtãmo̱ amanehũlũ baṅ nyeno, beni matſia Mizraim šikpoṅ le̱ nii le̱. [115]

¹⁴Ni ne̱ke̱ gbĩ ne̱ atšṍ kaimo̱-gbĩ ahãnye, ni nyeyele̱ gbĩdšŭrõ nyehã Iehowa *nyeke̱ nyesešibii fẽ, ni etšṍ nāno̱ akpo ehãnye.

¹⁵Nyeyea abolo akpĩtĩ gbĩĩ kpawo; ši kleṅkleṅ gbĩ le̱ no̱ bēbe le̱ nyedšiea mãša ye̱ nyewei le̱; edšake̱ mofẽmo ní aaye mãša abolo ke̱-dše̱ kleṅkleṅ gbĩ le̱ no̱ ke̱-yaši gbĩ ní dši gbĩ kpawo le̱ no̱ le̱, aakpãtã nakai susuma le̱ hĩe ye̱ Israel. [116]

¹⁶Ni kleṅkleṅ gbĩ le̱ akpe kpē kroṅkroṅ, ni gbĩ ní dši gbĩ kpawo le̱ hũ akpe kpē kroṅkroṅ ye̱ nyeteṅ; akatšu nitšumo̱ ko nitšumo̱ ko ye̱ mli, dša noni mofẽmo aaye ke̱ke̱ he nii nyetšu.

¹⁷Ni nyeyea nakai akpĩtĩ gbĩdšŭrõ le̱; edšake̱ nakai gbĩ le̱ no̱ noṅṅ midšie nyetai le̱ ke̱-dše̱ Mizraim šikpoṅ le̱ no̱; nohewo̱ le̱ nyeyea nakai gbĩ le̱ nye ke̱ nyesešibii fẽ, ní etšṍ nāno̱ akpo ehãnye.

¹⁸Nyedšea kleṅkleṅ nyõṅ le̱ no̱ gbĩ ní dši gbĩ nyoṅma ke̱ edſe̱ le̱ gbe̱ke̱ nyebõia akpĩtĩ yeli ke̱-yaši nyõṅ le̱ no̱ gbĩ ní dši gbĩ nyoṅmai-enyo̱ ke̱ ekome le̱ gbe̱ke̱.

¹⁹Akana mãša ye̱ nyewei le̱ gbĩĩ kpawo; ši mofẽmo ni aaye mãša abolo le̱, aakpãtã nakai susuma le̱ hĩe ye̱ Is-rael asafo le̱ mli, gbo̱ dšio, moni afo̱le̱ ye̱ šikpoṅ le̱ no̱ dsio.

²⁰Nyekayea mãšanii; nyeyea akpĩtĩ ye̱ nyešihĩle̱hei le̱ fẽ.

²¹Ke̱ke̱ ni Mose tšé̱ Israel onukpai le̱ fẽ, ni ekē̱ame̱ ake̱: Nyedšiea tōi nyetoa ye̱ nyewekui anā, ni nyegbea Hehō le̱.

²²Ni nyeṅõa hisopo kútša ní nyetšo̱a lá ní yo̱ lalakã le̱ mli le̱, ni nyeke̱-diki šĩnātšei enyo̱ le̱ ke̱ yiteṅnõ le̱, ni nyeteṅ mokomoko akadše kpo ye̱ esĩa eha šĩnāši ke̱-baši lebi.

²³Edšake̱ Iehowa bakpa ši ni eyatſia Mizraimbii anii; ni ké̱ ena lá le̱ ye̱ šĩnātšei enyo̱ le̱ ke̱ yiteṅnõ le̱ he le̱, Iehowa aaho nyešĩnāi le̱ ahe, ni eṅmẽṅ hĩekpãtãlo̱ le̱ gbe, ni eba nyewei le̱ ní ebatſianye nii.

²⁴Ni nyeyea wiemo̱ ne̱ no̱, ní etšṍ nāno̱ akpo ehão ke̱ obii.

²⁵Ni ke̱ nyeše̱ šikpoṅ ní Iehowa ke̱-bahãnye le̱ no̱, tamo̱ bo̱ni ewo ši le̱, nyehĩea ne̱ke̱ dšámo̱ ne̱ mli.

²⁶Ni ké̱ aaba mli ake̱ *nyebii aabinye ake̱: Té nyedšámo̱ ne̱ šišiṅ? le̱, [117]

²⁷nyekē̱a ake̱: Iehowa Hehō le̱ afole ni, edšake̱ beni etſia Mizraimbii anii le̱, eho Israelbii le̱ ašĩai le̱ ahe ye̱ Mizraim, ni edšie wo̱šĩai le̱. Ni maṅ le̱ mãmo̱ ame̱yi ši, ni ame̱so̱le.

²⁸Ni Israelbii le̱ yiṅ ame̱te, ni ame̱-yafe bo̱ni Iehowa ewo Mose ke̱ Aaron kitã le̱, nakai amefe.

²⁹Ni eba mli ake̱ nyōṅ teṅ le̱ Iehowa tſia Mizraim šikpoṅ le̱ no̱ kromo̱bii fẽ nii, ke̱-dše̱ Farao kromo̱bi ní táa esẽi le̱ no̱ le̱ no̱ ke̱-yaši moni aṅõle̱ nom ní awole̱ tšũṅ le̱ kromo̱bi no̱ ke̱ šĩa koloi akromo̱bii fẽ. [118]

³⁰Ke̱ke̱ ni Farao te ši nakai nyõ le̱ṅ noṅṅ, le̱ ke̱ etšũdši fẽ ke̱ Mizraimbii fẽ, ni yāfó babaō te ši ye̱ Mizraim; edšake̱ šĩa ko šĩa ko be̱ ní gbonyo be̱ mli.

³¹Ni ehã ayatšé̱ Mose ke̱ Aaron nyō le̱ṅ ni ekē̱: Nyetea ši nyedšea mimaṅbii le̱ ateṅ nyeyaä, nye ke̱ Israelbii le̱, ni nyeyasúmo̱a Iehowa, take̱ bo̱ni nyekē̱ le̱.

³²Ni asaṅ nyeṅõa nyetōi ke̱ nyetšinai le̱ hũ ke̱-yaä, *take̱ bo̱ni nyekē̱ le̱; ni nyedšo̱ami hũ. [119]

³³Ni Mizraimbii le̱ *tšire̱ maṅ le̱ yi se̱, koni ame̱he afe oyã́ ní ame̱dše šikpoṅ le̱ no̱; edšake̱ ame̱kē̱: Wo̱fẽ wo̱mīgboi! [120]

³⁴Ni maṅ le̱ hole ame̱mãi ní nako aša le̱, ni ame̱fĩmo̱ ame̱mãtšesei le̱ ame̱wo ame̱mamai amli, ni ame̱ke̱-tſia ame̱-kõdši.

³⁵Ni Israelbii le̱ fe bo̱ni Mose ekē̱ame̱ le̱, ni *ame̱băla dſie̱te̱inii ke̱ šikanii ke̱ mamai ye̱ Mizraimbii le̱ adeṅ; [121]

³⁶ni Iehowa hã maṅ le̱ hĩe ba nyam ye̱ Mizraimbii le̱ ahĩe, ni ame̱hãame̱ nii ní ame̱băla le̱; ni ame̱kpakpā Mizraimbii ahe nii. [122]

³⁷Ni Israelbii le̱ yiṅ ke̱-dše̱ Rameses ke̱-te Sukot, hĩĩ naneno̱nyielo̱i aafe mei akpei-ohai-ekpa, sõro gbekẽbii hũ.

³⁸Ni futufutugbomei babaō hũ fata ame̱he ke̱-te, ke̱ tōi ke̱ tšinai babaō dientše̱.

³⁹Ni ame̱ṅõ mã le̱ ní ame̱ke̱-dše̱ Mizraim le̱ ame̱šã akpĩtĩ kakai; edšake̱ ešako, edšake̱ Mizraimbii le̱ ſieame̱ ni ame̱woo mẽ, ni ame̱sāko niyenii ame̱toko gbe̱nyiemo̱ le̱ hũ.

⁴⁰Ši be ní Israelbii le̱ ke̱-hĩ ši ye̱ Mizraim le̱ feo̱ *afii ohai-edſe̱ ke̱ nyoṅmai-etẽ. [123]

⁴¹Ni eba mli ye̱ afii ohai-edſe̱ ke̱ nyoṅmai-etẽ le̱ nāgbē mli, nakai gbĩ le̱ no̱ noṅṅ eba mli ake̱ Iehowa tai le̱ fẽ dše Mizraim šikpoṅ le̱ no̱.

⁴²Nohewo ní ayeo ne̱ke̱ nyōṅ ne̱ ake̱ Iehowa gbĩdšŭrõ le̱, dši dšiemo̱ ní edšie-ame̱ ke̱-dše̱ Mizraim šikpoṅ le̱ no̱ le̱; ene̱ dši nyōṅ ní sa ake̱ ayeo̱le̱ gbĩdšũrõ ahãa Iehowa ye̱ Israelbii le̱ fẽ ateṅ, ye̱ ame̱seši fẽ mli.

⁴³Ni Iehowa kē̱ Mose ke̱ Aaron ake̱: Hehō le̱ he akpo̱ ne̱: Mokpõṅ ko mokpõṅ ko akaye eko.

⁴⁴Ši mofẽmo nyṍṅ ní ake̱ šika hele̱ le̱, ofole̱ ketia dãni eye eko.

⁴⁵Moni bahĩ nyeṅõ ke̱ apāfonyo hũ akaye eko.

⁴⁶Sĩa-fẽ-šìa aye enõ; ake̱ lō le̱ eko akadše kpo ye̱ šĩa le̱, *ni asaṅ nyekadſaä ewui le̱ eko. [124]

⁴⁷Israel asafo le̱ fẽ afe nakai.

⁴⁸Ši ké̱ moko ebatoö gbo̱ ni ētao ake̱ eyeo̱ Hehō le̱ ehãa Iehowa le̱, hã aflo̱ ehĩĩ le̱ fẽ ketia, fẽdã ní eba ní ebaye, ni eetsṍ tamo̱ moko ní afo̱le̱ ye̱ šikpoṅ le̱ no̱; ši fōlo̱ ko fōlo̱ ko akaye eko.

⁴⁹Mla kome akã ši ahã moni dši maṅ-nyo ke̱ moni batonye gbo̱. [125]

⁵⁰Ni Israelbii le̱ fẽ fe nakai, bo̱ni Iehowa wo Mose ke̱ Aaron kitã le̱, nakai amefe.

⁵¹Ni eba mli ake̱ nakai gbĩ le̱ no̱ noṅṅ le̱ Iehowa dšie Israelbii le̱ ke̱-dše Mizraim šikpoṅ le̱ no̱ ye̱ ame̱tai le̱ anā.