Read luganda 2 Mose 13 Bible Online

2 Mose 13 - luganda bible

2 Mose 13

¹Ni Iehowa ke̱ Mose wie ni ekē̱:

²*Kromo̱bii fẽ, nofẽno ní gbleo̱ mũsũ nā ye̱ Israelbii le̱ ateṅ le̱, gbomo dšio, šĩa kolo dšio, femo̱ame̱ kroṅkroṅ ohãmi; ši minõṅ. [126]

³Ni Mose kē̱ maṅ le̱ ake̱: Nyekaia ne̱ke̱ gbĩ ne̱ ní nyedše Mizraim, ye̱ nyṍdši awe le̱; edšake̱ ninešiwale̱ nā Iehowa dšienye ke̱-dše̱ dše̱i; nohewo̱ le̱ nyekayea mãšanii.

⁴Ṅmene gbĩ ne̱ nyemīdše Mizraim, ye̱ Abib nyõṅ ne̱ no̱. [127]

⁵Nohewo̱ le̱ ke̱dši Iehowa ke̱o yaše̱ Kanaanbii ke̱ Hitbii ke̱ Amorbii ke̱ Hivbii ke̱ Iebusbii le̱ ašikpoṅ le̱, šikpoṅ ni fufo̱ ke̱ wò hoo̱ ye̱ no̱ ní ekã *otše̱mei le̱ akitã ake̱ eeṅõ-hão le̱, no̱ le̱, hã aba mli ake̱ dšámo̱ ní oke̱-dšále̱ ye̱ nyõṅ ne̱ no̱ ne̱. [128]

⁶Gbĩĩ kpawo oye akpĩtĩ, ši gbĩ ni dši gbĩ kpawo le̱ Iehowa gbĩdšŭrõ ni. [129]

⁷Gbĩĩ kpawo le̱ fẽ le̱ aye akpĩtĩ, ni akana mãša abolo ko ye̱ oṅõ lo mãša ko ye̱ okpokpai ano̱ hekoheko. [130]

⁸Ni otšĩ tã otšo obi ye̱ nakai gbĩ le̱ no̱ ake̱: Noni Iehowa fe hãwo̱, beni wo̱dšeo̱ Mizraim le̱, hewo wo̱feo̱ ene̱.

⁹Ni etsṍ *okadi ehao ye̱ odẽ, ke̱ kaimo̱nõ hũ ye̱ ohĩṅme̱ii ateṅ, koni Iehowa mla le̱ akã odāṅ; edšake̱ ninešiwale̱ nā Iehowa dšieo ke̱-dše̱ Mizraim. [131]

¹⁰Nohewo̱ le̱ dā afi le̱ ye ne̱ke̱ akpo̱ ne̱ no̱ ye̱ ebe le̱ mli.

¹¹Nohewo̱ le̱, beni Iehowa ke̱o eba Kanaanbii le̱ ašikpoṅ le̱ no̱, bo̱ni ekã kitã etšõo ke̱ otše̱mei le̱, ake̱ eeṅõhão le̱,

¹²odšie nofẽno ní gbleo̱ mũsũ nā le̱ ohã Iehowa, ke̱ ošĩa koloi le̱ amli bi-fẽ-bi ní aafo kleṅkleṅ le̱ hũ; hĩĩ le̱ Iehowa nii ni.

¹³Ši tedšibi-fẽ-tedšibi ní afo kleṅkleṅ le̱, oke̱ tō akpõle̱; ši ke̱dši okpõõle̱ le̱, no le̱ kũ ekue̱ṅ. Ši gbomo kromo̱bi-fẽ-kromo̱bi ní yo̱ obihĩĩ ateṅ le̱, kpõle̱.

¹⁴Ni aaba mli ake̱, ke̱dši wó̱ lo wó̱se̱ ni obi bio ake̱: Meni dši ene̱? le̱, okē̱le̱ ake̱: Ninešiwale̱ nā Iehowa dšiewo̱ ke̱-dše̱ Mizraim, ye̱ nyodši awe le̱. [132]

¹⁵Edšake̱ beni Farao ekplẽẽ wogbe̱hãmo̱ kwrakwra le̱, Iehowa *gbe Mizraim šikpoṅ le̱ no̱ kromo̱bii fẽ, ke̱-dše̱ gbomo kromo̱bi no̱ ke̱-yaši kolo kromo̱bi no̱; nohewo le̱ mi hũ miṅoo̱ nofẽno ní gbleo̱ mũsũ nā ní dši nū le̱ mišãa afole mihãa Iehowa, ši mibihĩĩ le̱ ateṅ kromobi-fẽ-krome̱bi le̱ mikpõo le̱. [133]

¹⁶Ni eetšṍ okadi ye̱ odẽ ke̱ kaimo̱-bõṅ ye̱ ohĩṅme̱ii ateṅ, edšake̱ ninešiwale̱ nā Iehowa dšiewo̱ ke̱-dše̱ Mizraim.

¹⁷Ni eba mli ake̱, beni Farao ehã maṅ le̱ gbe le̱, Nyoṅmo̱ kplaa-ame̱ ke̱-tšṍṍ Filistibii le̱ ašikpoṅ le̱ no̱ gbe̱ le̱, tše̱ no dšeke̱e̱, edšake̱ Nyoṅmo̱ kē̱: Koni maṅ le̱ akayana ta ko, ní ame̱ſa amehe, ni ame̱kũ ame̱se̱ ke̱-te Mizraim ekoṅ.

¹⁸Nohewo le̱ Nyoṅmo̱ ke̱ maṅ le̱ lo̱go̱ ši ke̱-tšṍ Ṅšo̱-tšuru le̱ he ṅã le̱ ne̱ gbe̱. Ni Israelbii le̱ fã tamo̱ ta ke̱-dše̱ Mizraim šikpoṅ le̱ no̱.

¹⁹Ni Mose ṅõ Iosef wui le̱ ke̱-te; edšake̱ Iosef ehã Israelbii le̱ ekãle̱ kitã ni ekē̱: Sramo̱ Nyoṅmo̱ aabasranye kẽ, ní nyeṅõ miwui le̱ ke̱-dše bie̱. [134]

²⁰Ni ame̱yiṅ ke̱-dše̱ Sukot, ni ame-yabo̱ nsra ye̱ Etam ye̱ ṅã le̱ nā.

²¹Ni ſane le̱ Iehowa nyieo̱ ame̱hĩe ye̱ atatu kutū mli, koni etšõame̱ gbe̱, ni nyōṅ hũ ye̱ la kutū mli, koni ehã ame̱na nii, ní amenyie ſane ke̱ nyōṅ. [135]

²²Ni ſane le̱ atatu kutū le̱ edšee ame̱-hĩe ni nyōṅ hũ la kutū le̱ edšee ame̱hĩe.