Read luganda 2 Mose 18 Bible Online

2 Mose 18 - luganda bible

2 Mose 18

¹Ni beni *Ietro, Midian oso̱fo le̱ ní dši Mose šānū le̱, nu nibii fẽ ní Nyoṅmo̱ efe ehã Mose ke̱ emaṅ Israel le̱, bo̱ni Iehowa edšie Israel ke̱-dše̱ Mizraim le̱, [176]

²ke̱ke̱ ni Ietro, Mose šānū le̱, kpla Zipora, Mose ṅã le̱, ní ehã ekũ ese̱ ete le̱, [177]

³ke̱ ebihĩĩ enyo̱ le̱, ni mokome gbe̱i dši Geršom, edšake̱ ekē̱ ake̱: Mitšo gbo̱ ye̱ maṅse̱; [178]

⁴ni mokome le̱ hũ gbei dši Eliezer, edšake̱ mitše̱ Nyoṅmo̱ le̱ dši mihefatalo̱, ni edšiemi ye̱ Farao klante le̱ nā.

⁵Ni Ietro, Mose šānū le̱, ke̱ Mose bii le̱ ke̱ eṅã le̱ ba eṅõ ye̱ ṅã le̱ no̱, heni ebabo̱ nsra ye̱, ye̱ Nyoṅmo̱ goṅ le̱ he le̱;

⁶ni ehã ayakē̱ Mose ake̱: Mi, ošānũ Ietro, mibaä oṅõ ke̱ oṅã ke̱ obihĩĩ enyo̱ le̱ ne̱.

⁷Ni Mose dše kpo ekʼe ešānū le̱ yakpe, ni ekotole̱ ni eſo̱ enā; ni ame̱flaflā amehe, ni ameba bū le̱ mli.

⁸Ni Mose gba ešānū le̱ nibii fẽ ni Iehowa efe Farao ke̱ Mizraimbii le̱ ye̱ Israel hewo̱ le̱, ke̱ haome̱i fẽ ní eba ame̱no̱ ye̱ gbe̱ le̱ no̱ le̱, ke̱ bo̱ni fe ní Iehowa dšieame̱ le̱.

⁹Ni Ietro ná mīše̱ ye̱ edšudši fẽ ní Iehowa efe Israel, moni edšiele̱ ye̱ Mizraimbii adeṅ le̱, hewo̱.

¹⁰Ni Ietro kē̱: Adšō̱ Iehowa, moni edšienye ke̱-dše̱ Mizraimbii adeṅ ke̱ Farao deṅ le̱, moni edšie maṅ le̱ ye̱ Mizraimbii anine šiši le̱.

¹¹Kpako mina mile ake̱ Iehowa da fè nyoṅmo̱i fẽ; edšake̱ nõ mli ní ame̱tšõ kpa ye̱ le̱, ebaame̱ ši ye̱ mli. [179]

¹²Ni Ietro, Mose šānū le̱, ṅõ šā̃-afo̱lei ke̱ gbē-afo̱lei ebahã Nyoṅmo̱; ni Aaron ke̱ Israel onukpai le̱ fẽ ba, koni ame̱ke̱ Mose šānū le̱ abaye nii ye̱ Nyoṅmo̱ hĩe.

¹³Ni dšetše̱reno̱ lebi le̱ eba mli ake̱ Mose ho tá ši, ní ekodšo maṅ le̱; ni maṅ le̱ damo̱ Mose no̱ ke̱-dše̱ lebilebi ke̱-yaši gbe̱ke̱.

¹⁴Ni beni Mose šānū le̱ na nibii fẽ ní efe̱e̱ ehãa maṅ le̱, ekē̱: Meni dši noni ofeo̱ ohãa maṅ le̱ ne̱? menihewo̱ ni bo okometō ota ši, ni maṅ le̱ fẽ damo̱ ono̱ ke̱-dše̱ lebilebi ke̱-yaši gbe̱ke̱ ne̱?

¹⁵Ni Mose kē̱ ešānū le̱ ake̱: Edšake̱ maṅ le̱ baä miṅõ ame̱babio̱ Nyoṅmo̱ dāṅ gbē.

¹⁶Ké̱ ame̱ná sane ko le̱, ame̱ke̱-baä miṅõ, ni mikodšoo̱ mo ke̱ enanyo teṅ, ni mitšõoame̱ Nyoṅmo̱ akpoi le̱ ke̱ emlai le̱.

¹⁷Ni Mose šānū le̱ kē̱le̱ ake̱: Noni ofeo̱ ne̱ ehĩĩ.

¹⁸Ebato̱o, bo ke̱ maṅ ní fata ohe ne̱; ši nii ne̱ tšī tšṍ hão, okometõ onyeṅ ofe. [180]

¹⁹Agbe̱ne̱ bo migbē toi; mawoö ṅā, ni Nyoṅmo̱ afata ohe: Bo le̱ damo̱ Nyoṅmo̱ hĩe ohã maṅ le̱, koni oko̱ ame̱sãdši le̱ aba Nyoṅmo̱ ṅõ,

²⁰ni otšõame̱ akpoi ke̱ mlai le̱, ni ohã ame̱le nõ gbe̱ ne̱ ní sa ake̱ amenyie kē̱ nitšumo̱ ni sa ake̱ ame̱tšu.

²¹Ni asaṅ fãmo maṅ le̱ fẽ mli hĩĩ ní yo̱ hewale̱ ní šeo̱ Nyoṅmo̱ gbeyei, ní ame̱dši ano̱kwafoi, ní hĩe̱ hïedšōmo̱; ni owoame̱ akpei-atše̱mei, ohahai-atše̱mei, nyonmai-enumo̱enumo̱-tše̱mei, ke̱ nyoṅmanyoṅmai-atše̱mei ye̱ ame̱no̱,

²²ni ohã ame̱kodšo maṅ le̱ befẽbe; ni aba mli ake̱ sane wulu-fẽ-sane wulu le̱ ame̱ke̱-ba ohĩe, ši sãdši bibii fẽ le̱ ame̱ye, beni afe ní amemõ se̱ ame̱hão, ní efo tšó̱ ehão.

²³Ke̱dši ofe nakai le̱, no le̱ oonyẽ ši odamo̱, ní ofe noni Nyoṅmo̱ aafã́o le̱, ni maṅ ne̱ fẽ hũ ayaše̱ ame̱šē̱he ye̱ hedšo̱le̱ mli.

²⁴Ke̱ke̱ ni Mose bo ešānū le̱ gbē toi, ni efe noni ekē̱ le̱ fẽ.

²⁵Ni Mose hala Israelbii fẽ mli hĩĩ ní yo̱ hewale̱, ni ewoame̱ onukpai ye̱ maṅ le̱ no̱, akpekpei-atše̱mei, ohaha-atše̱-mei, nyoṅmai-enume̱enumo̱-tše̱mei ke̱ nyoṅmanyoṅmai-atše̱mei.

²⁶Ni ame ame̱kodšoo̱ maṅ le̱ beſëbe; sãdši ní wa le̱ ame̱ke̱baä Mose ṅõ, ši sãdši bibii fẽ le̱ ame̱dientše̱ ame̱yeo̱.

²⁷Ni Mose yadšie ešānū le̱ gbe̱, ni eyiṅ ete le̱dientše̱ ešikpoṅ le̱ no̱.